MLA Nayini | జాతీయ అథ్లెటిక్స్‌‍కు సీఎంను ఆహ్వానించిన ఎమ్మెల్యే నాయిని రాజేందర్‌రెడ్డి

ఓపెన్‌ అండర్‌ 23వ అథ్లెటిక్‌ ఛాంపియన్‌షిప్‌ పోటీలకు ముఖ్యఅతిథులుగా హాజరుకావాలని సీఎం రేవంత్‌రెడ్డి పశ్చిమ ఎమ్మెల్యే నాయిని రాజేందర్‌రెడ్డి ఆహ్వానించారు.

హనుమకొండ చౌరస్తా, సెప్టెంబర్‌ 15: అక్టోబర్‌ 16 నుంచి 18 వరకు హనుమకొండ జవహర్‌లాల్‌ నెహ్రూ స్టేడియం(జేఎన్‌ఎస్)లో జరిగే 5వ ఓపెన్‌ అండర్‌ 23వ అథ్లెటిక్‌ ఛాంపియన్‌షిప్‌ పోటీలకు ముఖ్యఅతిథులుగా హాజరుకావాలని సీఎం రేవంత్‌రెడ్డి పశ్చిమ ఎమ్మెల్యే నాయిని రాజేందర్‌రెడ్డి ఆహ్వానించారు. ఈ మేరకు హైదరాబాద్‌ తెలంగాణ అథ్లెటిక్స్​​‍ అసోసియేషన్‌ ఆధ్వర్యంలో సీఎంను కలిసి అథ్లెటిక్స్​​‍ పోటీల పోస్టర్లను ఆవిష్కరించారు.

ఈ కార్యక్రమంలో ప్రభుత్వ సలహాదారు వేం నరేందర్‌రెడ్డి, స్పోర్ట్స్​‍ అథారిటీ ఛైర్మన్‌ శివసేనరెడ్డి, రాష్ర్ట అథ్లెటిక్స్​​‍ ఛైర్మన్‌ ఎర్రబెల్లి వరద రాజేశ్వర్‌రావు, జిల్లా గ్రంథాలయ సంస్థ ఛైర్మన్‌ మహమ్మద్‌ అజీజ్‌ఖాన్‌, జిల్లా క్రీడాశాఖ అధికారి గుగులోతు అశోక్‌కుమార్‌ నాయక్‌, ప్రధాన కార్యదర్శి సారంగపాణి ఉన్నారు.