Visit:
నర్సంపేట (ఖానాపురం)/నల్లబెల్లి, నవంబర్‌ 30 : కాంగ్రెస్‌ పార్టీ అన్ని వర్గాల ప్రజలను మోసం చేసిందని నర్సంపేట మాజీ ఎమ్మెల్యే పెద్ది సుదర్శన్‌రెడ్డి అన్నారు. ఆదివారం ఖానాపురం మండలంలోని పలు గ్రామాల నుంచి కాంగ్రెస్‌, ఇతర పార్టీల నాయకులు, కార్యకర్తలు బీఆర్‌ఎస్‌లో చేరారు. కాంగ్రెస్‌ నుంచి ధర్మారావుపేటకు చెందిన మా డ్రాజ్‌ వెంకన్న దంపతులు, బుధరావుపేటకు చెందిన భూక్యా నరసింహ, రంగాపురానికి చెందిన గాడుదుల రమ, దూడయ్య, చిట్టెబోయిన ప్రవీణ్‌తో పాటు మరో 10 మంది చేరగా వీరికి పెద్ది గులాబీ కండువాలు కప్పి పార్టీలోకి ఆహ్వానించారు.
అలాగే నల్లబెల్లి మండలంలోని నందిగామకు చెందిన కాంగ్రెస్‌ కార్యకర్తలు గుగులోత్‌ ఉదయ్‌కిరణ్‌, జూనూరి వంశీ, జూనూరి వినయ్‌, భూక్యా హేమంత్‌, భూక్యా మధుకర్‌, మూడు రమేశ్‌, తేజావత్‌ రాజేశ్‌, మూడు సురేశ్‌, లావుడ్యా బోసు, చంటి, రాజేశ్‌, గణేశ్‌, నగేశ్‌, అజయ్‌ని పార్టీలోకి ఆహ్వానించారు. ఈ సందర్భంగా ఆయన మాట్లాడుతూ కాంగ్రెస్‌ ప్రభుత్వం గతంలో ఇచ్చిన హామీలను పూర్తిగా విస్మరించిందన్నారు. కార్యక్రమంలో మాజీ ఎంపీపీ వేములపల్లి ప్రకాశ్‌రావు, ఓడీసీఎంఎస్‌ చైర్మన్‌ గుగులోత్‌ రామస్వామినాయక్‌, బీఆర్‌ఎస్‌ మండలాధ్యక్షుడు మహాలక్ష్మి వెంకటరాంనర్సయ్య, మాజీ ఏఎంసీ చైర్మన్‌ బత్తిని శ్రీనివాస్‌గౌడ్‌, మాజీ జడ్పీటీసీ బాలునాయక్‌, మాజీ సర్పంచ్‌లు కాస ప్రవీణ్‌, వల్లెపు సోమయ్య, భూక్యా పద్మ, వెంకన్న, ముఖ్య నాయకులు గుగులోత్‌ లక్ష్మణ్‌నాయక్‌, కోరె సుధాకర్‌, తక్కళ్లపెల్లి బాబురావు, జాటోత్‌ బాలు, శ్రీనివాస్‌, అశోక్‌, రవి, రాము పాల్గొన్నారు.
