Visit:
న్యూఢిల్లీ : వ‌న్య‌ప్రాణులకు కొన్ని సంద‌ర్భాల్లో మ‌నుషుల సాయంతో బ‌య‌ట‌ప‌డాల్సిన ప‌రిస్ధితి ఎదుర‌వుతుంది. త‌మ ప్రాణాల‌ను ప‌ణంగా పెట్టి కొంద‌రు క్రూర జంతువుల‌ను సైతం కాపాడేందుకు వెనుకాడ‌ని ప‌లు వీడియోలు (viral video) ఇంట‌ర్‌నెట్‌లో చ‌క్క‌ర్లు కొడుతుంటాయి. ఓ చిరుత‌ను కొంద‌రు కాపాడిన వీడియో ప్ర‌స్తుతం నెట్టింట సంద‌డి చేస్తోంది.
బావిలో ప‌డిన చిరుత‌ను కాపాడేందుకు గ్రామ‌స్తులు ప్ర‌య‌త్నిస్తున్న వీడియో నెటిజ‌న్ల‌ను ఆక‌ట్టుకుంటోంది. సోష‌ల్ మీడియాలో స‌హ‌నా సింగ్ ఈ క్లిప్‌ను షేర్ చేశారు. ఈ వీడియోలో గ్రామ‌స్తులు బావిలో చిక్కుకుపోయి బిక్క‌చచ్చిన చిరుత బ‌య‌ట‌కు వ‌చ్చేందుకు ఉప‌క‌రించేలా కాగ‌డాను బావిలోకి వ‌దిలారు. ఆపై గ్రామ‌స్తులు బావిలోకి పంపిన నిచ్చెన సాయంతో చిరుత బావి నుంచి బ‌య‌ట‌కు వ‌చ్చి స‌మీప అట‌వీ ప్రాంతంలోకి ప‌రుగులు పెట్టింది.
Somewhere in Karnataka. A leopard fell into a well and even when a “ladder” was offered, it was cowering inside. So they put a stick of fire near his bum which forced him to climb the scaffolding & run away into the jungle. How they rejoice! Man, Nature & Jugaad. 😊 Got it on WA. pic.twitter.com/OBr7kDTmlp
— Sahana Singh (@singhsahana) June 22, 2023
క‌ర్నాట‌క‌లోని ఓ ప్రాంతంలో చిరుత బావిలో ప‌డ‌టంతో గ్రామ‌స్తులు నిచ్చెన పంపినా అది అక్క‌డే భ‌యంతో త‌ల‌దాచుకుంది..గ్రామ‌స్తులు కాగ‌డాను బావిలోకి వ‌ద‌ల‌డంతో చిరుత నిచ్చెన సాయంతో బావి నుంచి బ‌య‌ట‌ప‌డి అట‌వీ ప్రాంతంలోకి ప‌రుగులు పెట్టింది..గ్రామ‌స్తుల సంతోషానికి అవ‌ధుల్లేవ‌ని వీడియోకు క్యాప్ష‌న్ ఇచ్చారు.
ఈ వీడియోను నెట్టింట షేర్ చేసిన‌ప్ప‌టి నుంచి 85,000 మందికి పైగా వీక్షించారు. చిరుత‌ను కాపాడిన గ్రామ‌స్తుల‌ను ప‌లువురు నెటిజ‌న్లు ప్ర‌శంసించ‌గా అందుకు వారు వాడిన ప‌ద్ధ‌తిని మ‌రికొంద‌రు త‌ప్పుప‌ట్టారు. నిప్పుతో చెల‌గాటం త‌గ‌ద‌ని, నిప్పు కార‌ణంగా చిరుత‌కు తీవ్ర గాయాల‌య్యే ప్ర‌మాదం లేక‌పోలేద‌ని ప‌లువురు యూజ‌ర్లు కామెంట్ చేశారు.
Read More :
Cobra | ప్లాస్టిక్ డబ్బా మింగేసిన నాగుపాము.. శస్త్రచికిత్స ద్వారా తొలగించిన వైద్యులు
