Viral Video : వ్యక్తి హింసిస్తున్న కుక్కను కాపాడిన ఆవు! వీడియో వైరల్‌

Viral Video : అచ్చం అలాగే ప్రవర్తిస్తున్న ఓ వ్యక్తిని తన కొమ్ములతో పొడిచి ఆయన చేతుల్లో నుంచి కుక్కను కాపాడిందో గోవు. ఇండియన్‌ ఫారెస్ట్‌ సర్వీసెస్‌ అధికారి సుశాంత నంద...

November 1, 2021 / 09:04 PM IST

Viral Video : వ్యక్తి హింసిస్తున్న కుక్కను కాపాడిన ఆవు! వీడియో వైరల్‌

(Viral Video) జంతువులను హింసించే మృగాళ్లను మనం చాలా మందినే చూసి ఉంటాం. మూగజీవాలని రాళ్లు, కర్రలతో దాడి చేస్తూ పైశాచిక ఆనందం పొందుతారు. పక్కన ఉన్నవారు చెప్పినా వినిపించుకోకుండా నీచంగా వ్యవహారిస్తుంటారు. ఇలాంటి వీడియోలు ఇప్పటికే మనం చాలా చూసి ఉంటాము. ఓ వ్యక్తి తన పెంపుడు కుక్కను భవంతి పైనుంచి కిందకు పడేసిన వీడియో కూడా వైరల్‌ అయింది. అచ్చం అలాగే ప్రవర్తిస్తున్న ఓ వ్యక్తిని తన కొమ్ములతో పొడిచి ఆయన చేతుల్లో నుంచి కుక్కను కాపాడిందో గోవు. ఇండియన్‌ ఫారెస్ట్‌ సర్వీసెస్‌ అధికారి సుశాంత నంద పోస్ట్ చేసిన ఈ వీడియో ప్రస్తుతం వైరల్‌గా మారింది.

ఈ వీడియోలో ఓ వ్యక్తి రోడ్డుపై ఉన్న కుక్కను హింసిస్తున్నాడు. దాని చెవులను పట్టుకొని పైకి లాగుతూ హింసిస్తున్నాడు. దాంతో నోరులేని ఆ మూగజీవం బాధపడలేక అరుస్తున్నది. ఓ మూర్ఖుడి చేతిలో హింసకు గురవుతున్న కుక్కకు గమనించిన ఓ ఆవు.. వెంటనే వచ్చి ఆ వ్యక్తిని కుమ్మింది. తన రెండు కొమ్ములతో ఆ వ్యక్తిని పైకి లేపి కింద పడేసి గాయపరిచింది.

మానవత్వం లేని మనుషులు ఈ వీడియో చూసి చాలా నేర్చుకోవాలి.. కర్మ ఫలం అనుభవించక తప్పదంటూ అటవీ శాఖ అధికారి సుశాంత నంద తన ట్విట్టర్ ఖాతాలో పోస్ట్ చేసాడు. ‘మనుషులకన్నా మూగజీవాలు నయం’, ‘కర్మఫలం అనుభవించాల్సిందే’.. ‘ఒక మూగజీవి బాధ మరో మూగజీవికే అర్థం అవుతుంది’.. అంటూ నెటిజన్లు కామెంట్లు పెడుతున్నారు. మూగజీవాలను హింసించొద్దని ఆవు నేర్పిన పాఠం.. మనకందరికీ గుణపాఠం కావాల్సిందే!