Narayana Swamy: నా చర్మంతో జగన్‌కు చెప్పులు కుట్టించినా రుణం తీరదు : నారాయణ స్వామి

Narayana Swamy : ఆంధ్రప్రదేశ్‌ డిప్యూటీ ముఖ్యమంత్రి నారాయణ స్వామి ఉద్వేగపూరిత వ్యాఖ్యలు చేశారు. తన చర్మంతో సీఎం జగన్‌కు...

November 1, 2021 / 06:58 PM IST

Narayana Swamy: నా చర్మంతో జగన్‌కు చెప్పులు కుట్టించినా రుణం తీరదు : నారాయణ స్వామి

విజయవాడ : (Narayana Swamy) ఆంధ్రప్రదేశ్‌ డిప్యూటీ ముఖ్యమంత్రి నారాయణ స్వామి ఉద్వేగపూరిత వ్యాఖ్యలు చేశారు. తన చర్మంతో సీఎం జగన్‌కు చెప్పులు కుట్టించి ఇచ్చినా ఆయన రుణం తీరదని ఆయన వ్యాఖ్యానించారు. వాణిజ్యపన్నులు, రిజిస్ట్రేషన్లు స్టాంపుల శాఖలను ఆర్థిక శాఖ కిందకు తెచ్చేందుకు నిర్ణయించిన ప్రభుత్వం తాజాగా డిప్యూటీ సీఎం వద్ద ఉన్న వాణిజ్యపన్నుల శాఖను తొలగించింది. దాంతో ప్రస్తుతం ఆయన వద్ద ఎక్సైజ్‌ శాఖ ఒక్కటే ఉన్నది. వాణిజ్య పన్నుల శాఖను ఆర్థిక మంత్రి బుగ్గన కిందకు తీసుకొచ్చారు.

ఈ పరిణామంపై ఇవాళ మీడియాతో మాట్లాడిన నారాయణస్వామి.. జ‌గ‌న్ పాల‌న‌లోనే ద‌ళితుల‌కు రాజ‌కీయంగా, ఆర్థికంగా, సామాజికంగా నిజ‌మైన స్వాతంత్య్రం వ‌చ్చిందన్నారు. తనకు డిప్యూటీ సీఎం పదవిని అప్పగించి తన స్థాయిని పెంచారని, తన చ‌ర్మంతో జ‌గ‌న్‌కు చెప్పులు కుట్టించినా ఆయ‌న రుణం తీర్చుకోలేనన్నారు. జ‌గ‌న్ మానవ‌త్వం ఉన్న వ్యక్తి అని కొనియాడారు. జ‌గ‌న్ పాల‌న‌ను దేశం మొత్తం ఆద‌ర్శంగా తీసుకుంటుందని ప్రశంసలు కురిపించిన ఆయన.. ద‌ళితుల‌ను చంద్రబాబులాగా అవ‌మానించడం మీరు చూశారా? అని ప్రశ్నించారు. వ‌చ్చే ఏడాది నిరుపేద‌ ద‌ళితుల‌కు భూ పంపిణీ చేయ‌మ‌ని జ‌గ‌న్‌కు సూచించగా ఆయన సానుకులంగా స్పందించారని వెల్లడించారు.