China Super Computer : బయటపడ్డ చైనా సీక్రెట్‌.. చాలా ఏళ్లుగా బయటపడనివ్వలేదు

China Super Computer : ప్రపంచంలోనే అత్యంత వేగవంతమైన క్వాంటం సూపర్‌ కంప్యూటర్‌ను చైనా సిద్ధం చేసింది. ఈ కంప్యూటర్‌ తయారీ విషయాన్ని డ్రాగన్‌ సీక్రెట్‌గా...

November 1, 2021 / 06:41 PM IST

China Super Computer : బయటపడ్డ చైనా సీక్రెట్‌.. చాలా ఏళ్లుగా బయటపడనివ్వలేదు

బీజింగ్‌ : (China Super Computer) ప్రపంచంలోనే అత్యంత వేగవంతమైన క్వాంటం సూపర్‌ కంప్యూటర్‌ను చైనా సిద్ధం చేసింది. ఈ కంప్యూటర్‌ తయారీ విషయాన్ని డ్రాగన్‌ సీక్రెట్‌గా ఉంచింది. ఈ క్వాంటం సూపర్‌ కంప్యూటర్‌ను సీక్రెట్‌ ల్యాబ్‌లో తయారుచేయడంలో చైనా శాస్త్రవేత్తలు విజయం సాధించినట్లు సమాచారం. ఈ కంప్యూటర్‌ ఆశ్చర్యకరమైన వేగాన్ని కలిగి ఉన్నట్లుగా తెలుస్తున్నది.

ప్రపంచంలోనే మొట్టమొదటి ‘ఎక్స్‌ఫ్లాప్’ క్వాంటం పీసీని నిర్మించినట్లు చైనా నేషన్‌వైడ్ సూపర్‌ కంప్యూటింగ్ పరిశోధకులు పేర్కొన్నారు. ఈ యంత్రాన్ని చాలా ఏండ్లుగా ఎవరి కండ్లలో పడకుండా శాస్త్రవేత్తలు దాచి ఉంచారు. అలాగే, ప్రపంచంలోనే అత్యంత బలమైన, వేగవంతమైన కంప్యూటర్‌ను నిర్మిస్తున్నదని ఇప్పటివరకు ఎవరికీ తెలియదు. ఈ వీసీ సాయంతో భూమిపై ఉన్న సాంప్రదాయిక కంప్యూటర్ సిస్టంల కంటే 100 ట్రిలియన్ సంఖ్యలను ఆవలీలగా గుణించే అవకాశాలు ఉన్నట్లు పరిశోధకులు చెప్తున్నారు. మానవ సృజనాత్మకత కంటే వేగవంతంగా పనిచేయడం ఈ పీసీ ప్రత్యేకత. ఈ పీసీ తయారీకి దాదాపు ఎనిమిది సంవత్సరాల సమయం పట్టినట్లుగా భావిస్తున్నారు. చాలా ఏండ్లుగా క్వాంటం కంప్యూటర్ సిస్టమ్‌లను తయారుచేసేందుకు వివిధ దేశాల పరిశోధకులు ప్రయత్నిస్తున్నారు. అయితే, అందరికన్నా ముందుగా చైనా ఈ విజయాన్ని అందుకున్నది.

రానున్న 10-15 సంవత్సరాలలో క్వాంటం కంప్యూటర్ సిస్టంలను క్రిప్టాలజీ సబ్జెక్ట్‌లోని వాస్తవ సమస్యలను పరిష్కరించేందుకు ఉపయోగించుకోవచ్చని ఆశిస్తున్నట్లు క్వాంటం పీసీని సృష్టించిన శాస్త్రవేత్త ఝూ తెలిపారు. ఈ క్వాంటం కంప్యూటర్‌ సిస్టంలు భవిష్యత్‌లో 1000 మంది వ్యక్తులు అందించే భారీ స్థాయి సైన్స్‌ కార్యక్రమాలకు, సూపర్‌ స్మార్ట్‌ సింథటిక్‌ ఇంటెలిజెన్స్‌కు శక్తిని అందించడంలో ఎంతగానో ఉపయోగపడుతుందని పరిశోధకులు అభిప్రాయపడుతున్నారు.