Talk about luck: ఒకటి, రెండు, మూడు సార్లు కాదు.. ఒకేసారి 20 లాటరీ ప్రైజ్‌లు కొట్టాడు

Talk about luck : వర్జీనియాకు చెందిన ఓ వ్యక్తికి తాజాగా అదృష్టం భలే విచిత్రంగా కలిసొచ్చింది. ఒకసారి కాదు, రెండు సార్లు కాదు, మూడు సార్లు కాదు… ఏకంగా 20 సార్లు లాటరీ గెలిచి ..

November 1, 2021 / 06:42 PM IST

Talk about luck: ఒకటి, రెండు, మూడు సార్లు కాదు.. ఒకేసారి 20 లాటరీ ప్రైజ్‌లు కొట్టాడు

(Talk about luck) లాటరీ అనేది అదృష్టంతో ముడిపడి ఉంటుంది. టిక్కెట్లు కొన్న అందరూ లాటరీ బహుమతి గెలుచుకోలేరు. వేల మంది టిక్కెట్లు కొంటే.. పది మందికో, ఇరవై మందికో బహుమతులు వస్తుంటాయి. కొందరు ఉబుసుపోక టిక్కెట్లు కొని లక్షల జాక్‌పాట్‌ కొట్టేయగా, మరికొందరేమో ఎప్పటికైనా అదృష్ట దేవత తలుపు తట్టకపోతుందా అనే ఆశతో టిక్కెట్లు కొంటుంటారు. అయితే, వర్జీనియాకు చెందిన ఓ వ్యక్తికి తాజాగా అదృష్టం భలే విచిత్రంగా కలిసొచ్చింది. ఒకసారి కాదు, రెండు సార్లు కాదు, మూడు సార్లు కాదు… ఏకంగా 20 సార్లు లాటరీ గెలిచి లక్షాధికారిగా మారాడు.

అలెగ్జాండ్రియాకు చెందిన విలియం నెవెల్ వర్జీనియా లాటరీకి చెందిన ఒకే నంబర్‌తో ఉన్న 20 టిక్కెట్లను కొనుగోలు చేశాడు. తీరా ఫలితం వెలువడగా, మొత్తం 20 టిక్కెట్లు బహుమతి గెలుచుకున్నాయి. గెల్చుకున్న మొత్తం 100,000 డాలర్ల (రూ.74 లక్షలు) వరకు ఉండటం విశేషం. నెవెల్‌ సాధారణంగా తన ఇంటికి సమీపంలోని దుకాణం నుంచి లాటరీ టిక్కెట్లను కొనుగోలు చేస్తుంటాడు. అయితే, ఈసారి మాత్రం అతను తొలిసారిగా అక్టోబర్ 23 న మొత్తం 20 టిక్కెట్లను ఆన్‌లైన్‌లో కొనుగోలు చేశాడు. నెవెల్ 5-4-1-1 సంఖ్యలను ఎంచుకున్నాడు. ఫలితం వెలువడిన తర్వాత ఒక్కో టిక్కెట్‌కి 5,000 డాలర్ల బహుమతి గెలుచుకున్నాడు.

ఏడాది క్రితం వర్జీనియాకు చెందిన మరో వ్యక్తికి కూడా ఇలాంటి అనుభూతే జరిగింది. రేమండ్ హారింగ్టన్ 25 లాటరీ టిక్కెట్లను కొనుగోలు చేసి అన్నింటిపై బహుమతులు గెలిచి మొత్తం 1,25,000 డాలర్లు సొంతం చేసుకున్నాడు. ఓ వ్యక్తి 30 ఏండ్లుగా ఒకే నంబర్‌ టిక్కెట్లను తీసుకొనే అదృష్టం పరీక్షించుకునేవాడు. ఒక రోజు రెండుసార్లు 1 మిలియన్ డాలర్ల బహుమతిని గెలుచుకుని ఆశ్చర్యపరిచాడు. కొలరాడోలోని ప్యూబ్లోకు చెందిన జో బీ అనే వ్యక్తి మార్చి 25న రెండు పవర్‌బాల్ బహుమతులను గెలుచుకున్నాడు.