Visit:
హుజూరాబాద్‌ టీఆర్‌ఎస్‌ పార్టీ టికెట్‌ కేటాయించినందుకు ముఖ్యమంత్రి కే చంద్రశేఖర్‌రావుకు టీఆర్‌ఎస్‌వీ రాష్ట్ర అధ్యక్షుడు, పార్టీ అభ్యర్థి గెల్లు శ్రీనివాస్‌ యాదవ్‌ ధన్యవాదాలు తెలిపారు. ఈ రోజు ప్రగతి భవన్‌లో సీఎం కేసీఆర్‌ను కలిసిన ఆయన.. పుష్పగుచ్ఛం ఇచ్చి కృతజ్ఞతలు తెలిపి, ఆశీర్వాదం తీసుకున్నారు. కాగా, సోమవారం నాటి హుజూరాబాద్‌ సభలో గెల్లు శ్రీనివాస్‌ యాదవ్‌ను నియోజకవర్గ ప్రజలకు సీఎం కేసీఆర్ పరిచయం చేయనున్నారు. దళితబంధు ప్రారంభ సమావేశంలోనే ఈ సన్నివేశం చోటుచేసుకోనున్నది.
ఇదిలా ఉండగా, హుజూరాబాద్‌ సభకు ఏర్పాట్లన్నీ దాదాపు పూర్తయ్యాయి. గురువారమే సభా ప్రాంగణాన్ని ఆర్థిక మంత్రి తన్నీరు హరీశ్‌రావు పరిశీలించారు. వేదిక ప్రకృతి వైపరీత్యాలను తట్టుకొనేలా జర్మన్‌ టెక్నాలజీతో సిద్ధం చేస్తున్నారు.
