Yuvraj Singh | యువరాజ్ దంప‌తుల‌కు పండంటి పాప.. పేరేంటో తెలుసా?

Yuvraj Singh : భారత మాజీ ఆల్‌రౌండర్‌, సిక్సర్ల వీరుడు యువరాజ్‌ సింగ్(Yuvraj Singh) రెండోసారి తండ్రి అయ్యాడు. అత‌డి భార్య హజల్‌ కీచ్‌(Hazel Keech) ఇటీవలే పండంటి పాపకు జన్మనిచ్చింది. దాంతో, యూవీ ప‌ట్ట‌లేనంత సంబురంలో ఉన్నాడు. ఈ జంటకు 2022 జనవరిలో బాబు (Orian) పుట్టాడు. ఇప్పుడు పాప జన్మించింది. దీంతో తమ కుటుంబం పరిపూర్ణమైందని యువీ సోషల్‌ మీడియా....

August 25, 2023 / 09:13 PM IST

Yuvraj Singh | యువరాజ్ దంప‌తుల‌కు పండంటి పాప.. పేరేంటో తెలుసా?

Yuvraj Singh : భారత మాజీ ఆల్‌రౌండర్‌, సిక్సర్ల వీరుడు యువరాజ్‌ సింగ్(Yuvraj Singh) రెండోసారి తండ్రి అయ్యాడు. అత‌డి భార్య హజల్‌ కీచ్‌(Hazel Keech) ఇటీవలే పండంటి పాపకు జన్మనిచ్చింది. దాంతో, యూవీ ప‌ట్ట‌లేనంత సంబురంలో ఉన్నాడు. ఈ జంటకు 2022 జనవరిలో బాబు (Orian) పుట్టాడు. ఇప్పుడు పాప జన్మించింది. దీంతో తమ కుటుంబం పరిపూర్ణమైందని యువీ సోషల్‌ మీడియా వేదికగా వెల్లడించాడు. హజల్‌ కీచ్‌ బాబును చూసుకుంటుండగా.. చిన్నారి పాపాయిని ఎత్తుకున్న యువీ ఆ ఫొటోను ట్విట్టర్‌లో పంచుకున్నాడు.

‘నిద్రలేని రాత్రులు ఎదురవుతున్నా.. ఈ ఆనందం వెల‌కట్టలేనిది. ఎంతో సంతోషంగా ఉంది. మా కూటుంబంలోకి చిట్టి తల్లి ‘ఔరా’(Oura)ని ఆహ్వానించాం. తన రాకతో కుటుంబం పరిపూర్ణమైంది’ అని యువీ రాసుకొచ్చాడు. ప్రత్యర్థి బౌలర్లకు ఎన్నో నిద్రలేని రాత్రులు మిగిల్చిన తానిప్పుడు అలాంటి పరిస్థితే ఎదుర్కొంటున్నానని వెల్లడించాడు.

Sleepless nights have become a lot more joyful as we welcome our little princess Aura and complete our family ❤️ @hazelkeech pic.twitter.com/wHxsJuNujY

— Yuvraj Singh (@YUVSTRONG12) August 25, 2023

ఆల్‌రౌండర్‌గా యూవీ భార‌త్‌కు ఎన్నో విజ‌యాలు అందించాడు. 2011 వన్డే ప్రపంచ కప్‌(ODI World Cup 2011)లోనూ అద్వితీయ ప్రదర్శన కనబరిచాడు. టీమిండియాకు రెండోసారి ట్రోఫీ దక్కడంలో యువరాజ్‌ సింగ్ కీలక పాత్ర పోషించాడు. అయితే.. క్యాన్సర్‌ మహమ్మారి బారిన పడి తీవ్ర ఇబ్బందులు పడ్డ యువీ కోలుకొని మ‌ళ్లీ జట్టులోకి వచ్చాడు. తానొక‌ పోరాట యోధుడని నిరూపించుకున్నాడు. మోడల్‌గా, బాలీవుడ్‌ కథానాయికగా ప్రత్యేక గుర్తింపు తెచ్చుకున్న హజల్‌ కీచ్‌ను యూవీ ప్రేమించి పెళ్లి చేసుకున్నాడు. ఈ జంట 2016 నవంబర్‌ 30న మూడు ముళ్ల బంధంతో ఒక్కట‌య్యారు.