Ricky Ponting | వాషింగ్ట‌న్ ఫ్రీడ‌మ్ హెడ్‌కోచ్‌గా పాంటింగ్.. అమెరికా క్రికెట్‌ను మార్చేస్తాడా..?

Ricky Ponting : అమెరికా టీ20లీగ్ రెండో సీజ‌న్‌కు ముందు వాషింగ్ట‌న్ ఫ్రీడ‌మ్(Washington Freedom) జ‌ట్టు కొత్త హెడ్‌కోచ్‌ను నియ‌మించింది. ఊహించిన‌ట్టుగానే ఆస్ట్రేలియా దిగ్గ‌జ ఆట‌గాడు రికీ పాంటింగ్ (Ricky Ponting)కు కోచింగ్ బాధ్య‌త‌లు...

Ricky Ponting : అమెరికా టీ20లీగ్ రెండో సీజ‌న్‌కు ముందు వాషింగ్ట‌న్ ఫ్రీడ‌మ్(Washington Freedom) జ‌ట్టు కొత్త హెడ్‌కోచ్‌ను నియ‌మించింది. ఊహించిన‌ట్టుగానే ఆస్ట్రేలియా దిగ్గ‌జ ఆట‌గాడు రికీ పాంటింగ్ (Ricky Ponting)కు కోచింగ్ బాధ్య‌త‌లు అప్ప‌గించింది. దాంతో, ఈ లెజెండ‌రీ క్రికెట‌ర్ గ్రెగ్ షిప్పెర్డ్ (Greg Shepperd) స్థానాన్ని భ‌ర్తీ చేయ‌నున్నాడు. ‘కోచ్‌గా పాంటింగ్ నియామ‌కం అమెరికా క్రికెట్‌లో ఇదొక గొప్ప అడుగు’ అంటూ మంగ‌ళ‌వారం వాషింగ్ట‌న్ ఫ్రీడ‌మ్ మేనేజ్‌మెంట్ ఒక‌ ప్ర‌క‌ట‌న విడుద‌ల చేసింది.

‘వాషింగ్ట‌న్ ఫ్రీడ‌మ్ జ‌ట్టు హెడ్‌కోచ్‌గా ఎంపికైనందుకు చాలా సంతోషంగా ఉంది. అమెరికాలో క్రికెట్ వేగంగా అభివృద్ధి చెందుతోంది. వాషింగ్ట‌న్ ఫ్రాంజైజీతో క‌లిసి ప‌నిచేసేందుకు ఆతృతగా ఎదురుచూస్తున్నా’ అని పాంటింగ్ వెల్ల‌డించాడు. ప్ర‌స్తుతం ఇండియ‌న్ ప్రీమియ‌ర్ లీగ్‌లో ఢిల్లీ క్యాపిట‌ల్స్ (Delhi Capitals) కోచ్‌గా ఉన్న పాంటింగ్ వాషింగ్ట‌న్ జ‌ట్టుకు సేవ‌లందించ‌నున్నాడు.

Get ready for a cricket revolution! 🏏
With @RickyPonting leading, Washington Freedom is set to transform American cricket.
As we dive into MLC Season 2, expect groundbreaking plays.
Let the games begin! 🌟#SweetFreedom 🔴⚪🔵 #MLC #RickyPonting #WashingtonFreedom pic.twitter.com/RG6RNHQf4U

— Washington Freedom (@WSHFreedom) February 6, 2024

ఈ ఏడాది పొట్టి ప్ర‌పంచ‌క‌ప్ ముగిసిన నాలుగు రోజుల‌కే మేజ‌ర్ క్రికెట్ లీగ్(Major Cricket League) రెండో సీజ‌న్ షురూ కానుంది. నిరుడు జ‌రిగిన‌ ఎంఎల్‌సీ తొలి సీజ‌న్‌లో వాషింగ‌ట్ట‌న్ జ‌ట్టు మూడో స్థానంతో స‌రిపెట్టుకుంది. ఈసారి ట్రోఫీపై క‌న్నేసిన ఆ జ‌ట్టు కోచ్‌గా అనుభ‌వ‌జ్ఞుడైన పాంటింగ్‌తో ఒప్పందం చేసుకుంది. ఐపీఎల్ 14వ సీజ‌న్‌లో ఢిల్లీని ఫైన‌ల్‌కు చేర్చిన పాంటింగ్ త‌మ జ‌ట్టు రాత కూడా మారుస్తాడ‌ని వాషింగ్ట‌న్ మేనేజ్‌మెంట్ భావిస్తోంది.

రికీ పాంటింగ్

ప్ర‌పంచంలోని గొప్ప కెప్టెన్ల‌లో ఒక‌డైన పాంటింగ్ ఆస్ట్రేలియాను తిరుగులేని శ‌క్తిగా నిలిపాడు. అత‌డి సార‌థ్యంలో కంగ‌రూ జ‌ట్టు ఐసీసీ ట్రోఫీల్లో చాపింయ‌న్‌గా అవ‌త‌రించింది. కెప్టెన్‌గా, ఆట‌గాడిగా త‌న ముద్ర వేసిన పాంటింగ్ 2003, 2007లో ఆసీస్‌కు వ‌న్డే వ‌ర‌ల్డ్ క‌ప్ ట్రోఫీ అందించా. అంతేకాదు 2006, 2009లో ఆసీస్ చాంపియ‌న్స్ ట్రోఫీని ముద్దాడింది. 2013లో అంత‌ర్జాతీయ క్రికెట్‌కు వీడ్కోలు ప‌లికిన పాంటింగ్ ఆత‌ర్వాత‌ కోచ్‌గా అవ‌తారమెత్తాడు.

ఇవి కూడా చ‌ద‌వండి

• NZ vs RSA 1st Test | విజృంభించిన జేమీస‌న్.. ద‌క్షిణాఫ్రికాపై కివీస్ రికార్డు విజ‌యం
• MS Dhoni | ఐపీఎల్‌ సమీపిస్తున్న వేళ.. దేవరీ మా ఆలయంలో ధోనీ ప్రత్యేక పూజలు.. VIDEO
• The Kerala Story | ఓటీటీలోకి ‘ది కేరళ స్టోరీ’.. స్ట్రీమింగ్‌ ఎప్పుడంటే?