న్యూఢిల్లీ: విరాట్ కోహ్లీనే ప్రపంచంలో అత్యుత్తమ బ్యాటర్ అని ఆస్ట్రేలియా మాజీ బ్యాటర్ రికీ పాంటింగ్(Ricky Ponting) మరోసారి స్పష్టం చేశారు. తన ఓవరాల్ రికార్డును పరిశీలిస్తే అదే స్పష్టం అవుతుందన్నారు. లెజెండరీ క్రికెటర్ సచిన్ టెండూల్కర్ వన్డేల్లో సాధించిన 49 సెంచరీల రికార్డును విరాట్ కోహ్లీ సమం చేసిన విషయం తెలిసిందే. ఈ నేపథ్యంలో మరోసారి రికీ పాంటింగ్ రియాక్ట్ అయ్యారు. కోహ్లీ అత్యుత్తమ బ్యాటర్ అన్న విషయం తేల్చేందుకు అతను సచిన్ రికార్డును బ్రేక్ చేయాల్సిన అవసరం ఏమీ లేదని పాంటింగ్ అన్నారు.
Ricky Ponting thinks we haven’t seen the best of Virat Kohli at #CWC23 yet 😲
Details ⬇ https://t.co/7lqoSR6T1x
— ICC (@ICC) November 6, 2023
సౌతాఫ్రికాతో జరిగిన మ్యాచ్లో సెంచరీ కొట్టిన కోహ్లీ.. వన్డేల్లో సచిన్ పేరిట ఉన్న రికార్డును ఈక్వల్ చేశాడు. అత్యుత్తమ బ్యాటర్ ఎవరన్న దానిపై డౌట్ లేదని, చాన్నాళ్ల నుంచి ఈ అంశంపై క్లారిటీ ఇస్తూనే ఉన్నానని పాంటింగ్ చెప్పాడు. సచిన్ రికార్డును సమం చేయడమో లేక అతని రికార్డును బ్రేక్ చేయడం అవసరం లేదని, కేవలం కోహ్లీ బ్యాటింగ్ రికార్డును పరిశీలిస్తే అతనెంత బెస్ట్ అన్న విషయం తెలుస్తుందని పాంటింగ్ తెలిపాడు.
సచిన్తో పోలిస్తే 175 తక్కువ ఇన్నింగ్స్లో కోహ్లీ ఆ రికార్డును అందుకున్నాడని, ఇక వరల్డ్కప్లో జరగబోయే మ్యాచ్ల్లో కోహ్లీ మరింత దూకుడుగా ఆడే అవకాశాలు ఉన్నట్లు పాంటింగ్ తెలిపాడు. సచిన్ రికార్డును అందుకునేందుకు బహుశా కోహ్లీ చాలా కష్టడి ఉంటారని పాంటింగ్ చెప్పాడు. వరల్డ్కప్లో కోహ్లీ ఇప్పటి వరకు 108.60 సగటుతో 543 రన్స్ చేశాడు.