ICC | ఐసీసీ అవార్డు రేసులో ప‌సికూన కెప్టెన్లు.. మ‌హిళా క్రికెటర్లు ఎవ‌రంటే..?

ICC : ఐసీసీ మంగ‌ళ‌వారం ప్లేయర్ ఆఫ్ ది మంత్(Player Of The Month) అవార్డు నామినీస్‌ను ప్ర‌క‌టించింది. పురుషుల విభాగంలో ప‌సికూన జ‌ట్లకు చెందిన ఇద్ద‌రు.. పాకిస్థాన్ స్టీడ్‌స్ట‌ర్ షామీన్ ఆఫ్రిది(Shaheen Afridi)లు పోటీ ప‌డుతున్నారు.

ICC : ఐసీసీ మంగ‌ళ‌వారం ప్లేయర్ ఆఫ్ ది మంత్(Player Of The Month) అవార్డు నామినీస్‌ను ప్ర‌క‌టించింది. పురుషుల విభాగంలో ప‌సికూన జ‌ట్లకు చెందిన ఇద్ద‌రు.. పాకిస్థాన్ స్టీడ్‌స్ట‌ర్ షామీన్ ఆఫ్రిది(Shaheen Afridi)లు పోటీ ప‌డుతున్నారు. యూఏఈ కెప్టెన్ మ‌హ్మ‌ద్ వ‌సీం, నమీబియా సార‌థి గెర్హార్డ్ ఎరాస్మ‌స్‌లు అవార్డు బ‌రిలో నిలిచారు. ఇక మ‌హిళ‌ల విభాగంలో హేలీ మాథ్యూస్, చ‌మ‌రి ఆట‌ప‌ట్టు, లారా వొల్వార్డ్త్‌లు అవార్డు బ‌రిలో ఉన్నారు.

ఒమ‌న్ ప‌ర్యాట‌న‌లో న‌మీబియా కెప్టెన్ ఎరాస్మ‌స్ ఆల్‌రౌండ్ షోతో మెరిశాడు. సిరీస్ డిసైడ‌ర్‌లో అత‌డు ఆరు సిక్స‌ర్ల‌తో 29 బంతుల్లోనే 64 ర‌న్స్ బాదాడు. దాంతో, న‌మీబియా 62 ప‌రుగుల తేడాతో గెలిచింది. యూఏఈ కెప్టెన్ వ‌సీం ఏసీసీ ప్రీమియ‌ర్ క‌ప్‌లో చిత‌క్కొట్టాడు.

Nominees revealed 👀

Vote now for your ICC Men’s Player of the Month for April 👊https://t.co/pb2xl9fdGu

— ICC (@ICC) May 6, 2024

న్యూజిలాండ్‌పై నిప్పులు

ఒమ‌న్‌పై బౌండ‌రీతో విరుచుకుప‌డిన వ‌సీం.. టీ20ల్లో మూడో సెంచ‌రీ న‌మోదు చేశాడు. ఇక‌.. పాకిస్థాన్ టీ20 జ‌ట్టు మాజీ కెప్టెన్ అఫ్రిది న్యూజిలాండ్‌పై నిప్పులు చెరిగాడు. 3/13, 4/30 గ‌ణాంకాల‌తో పాక్ విజ‌యంలో కీల‌క పాత్ర పోషించాడు.

335 స‌గ‌టుతో 335 ర‌న్స్

మ‌హిళ‌ల విభాగంలో ప్లేయ‌ర్ ఆఫ్ ది మంత్ పోటీలో ఉన్న లారా.. శ్రీ‌లంక ప‌ర్య‌ట‌న‌లో అద‌ర‌గొట్టింది. ఒక హాప్ సెంచ‌రీతో క‌లిపి మూడు వ‌న్డేల సిరీస్‌లో 335 స‌గ‌టుతో 335 ర‌న్స్ కొట్టింది. పాకిస్థాన్‌తో జ‌రిగిన వన్డే సిరీస్‌లో విండీస్ చిచ్చ‌ర‌పిడుగు మాథ్యూస్ దంచికొట్టింది. వ‌రుస‌గా రెండు మ్యాచుల్లో ‘ప్లేయ‌ర్ ఆఫ్ ది మ్యాచ్’ అవార్డు గెలుపొందింది.

Player of the Match award in seven of her last eight T20I contests 😲

Great signs for the West Indies and their skipper Hayley Matthews ahead of this year’s #T20WorldCup 👇https://t.co/SSJp2yMBrB

— ICC (@ICC) April 29, 2024

ఇక‌.. చ‌మ‌రి ఆట‌పట్టు విష‌యానికొస్తే ఆమె ద‌క్షిణాఫ్రికాపై ప‌రుగుల వ‌ర‌ద పారించింది. 195 నాటౌట్‌తో జ‌ట్టును గెలిపించిన ఆట‌పట్టు.. టీ20 సిరీస్‌లోనూ స‌ఫారీ బౌలర్ల‌కు చుక్క‌లు చూపించింది.

ఇవి కూడా చ‌ద‌వండి

• Loksabha Elections 2024 | మ‌త ప్రాతిప‌దిక‌న‌ రిజ‌ర్వేష‌న్ల‌పై కాంగ్రెస్ కీల‌క వ్యాఖ్య‌లు
• CSIR | ప్రతి సోమవారం ముడతల దుస్తులే వేసుకోండి.. ఉద్యోగులకు సీఎస్‌ఐఆర్‌ సూచన
• Supreme Court | అరవింద్‌ కేజ్రీవాల్‌ మధ్యంతర బెయిల్‌ పిటిషన్‌.. విచారణ జరిపిన సుప్రీం..