CSIR | ప్రతి సోమవారం ముడతల దుస్తులే వేసుకోండి.. ఉద్యోగులకు సీఎస్‌ఐఆర్‌ సూచన

CSIR | ఆఫీసులకు వెళ్తున్నామంటే చాలు చాలామంది ఇస్ట్రీ చేసిన దుస్తులనే వేసుకుంటారు. మరికొందరు అయితే ఫార్మల్స్‌, ఇన్‌షర్ట్‌, టై, షూ ఇలా ప్రొఫెషనల్‌గా రెడీ అయి వెళ్తుంటారు. అలాంటిది ఇస్త్రీ లేకుండా ముడతలు పడ్డ దుస్తులను వేసుకుని రావాలని ఆఫీసులే చెబుతుంటే ఎలా ఉంటుంది.

CSIR | ఆఫీసులకు వెళ్తున్నామంటే చాలు చాలామంది ఇస్ట్రీ చేసిన దుస్తులనే వేసుకుంటారు. మరికొందరు అయితే ఫార్మల్స్‌, ఇన్‌షర్ట్‌, టై, షూ ఇలా ప్రొఫెషనల్‌గా రెడీ అయి వెళ్తుంటారు. అలాంటిది ఇస్త్రీ లేకుండా ముడతలు పడ్డ దుస్తులను వేసుకుని రావాలని ఆఫీసులే చెబుతుంటే ఎలా ఉంటుంది. ప్రముఖ రీసెర్చ్‌ సంస్థ కౌన్సిల్‌ ఆఫ్‌ సైంటిఫిక్‌ అండ్‌ ఇండస్ట్రియల్‌ సెర్చ్‌ (సీఎస్‌ఐఆర్‌) ఇదే నిర్ణయం తీసుకుంది. ప్రతి సోమవారం రోజు ముడతలు పడ్డ దుస్తులనే వేసుకురావాలని ఉద్యోగులకు సూచించింది. ఈ మేరకు వాహ్‌ మండేస్‌ (Wah Mondays )ను ప్రారంభించింది. wrinkles Acche hai (ముడతలు మంచివే ) అనే నినాదం కూడా ఇచ్చింది.

ఇదేంటి ఎవరైనా ఆఫీసులకు డీసెంట్‌గా రావాలని చెబుతారు.. ఇలా ముడతలు పడ్డ దుస్తులను ఎందుకు వేసుకురమ్మని ఆలోచిస్తున్నారా! ఇదేదో ట్రెండ్‌ అవ్వాలని తీసుకున్న నిర్ణయం కాదు. దీనివెనుక పెద్ద సామాజిక కోణమే ఉంది. పర్యావరణ హితం కోసమే ఈ వినూత్న నిర్ణయం తీసుకున్నామని సీఎస్‌ఐఆర్‌ మహిళా డైరెక్టర్‌ జనరల్‌ డాక్టర్‌ ఎన్‌. కలై సెల్వి వెల్లడించారు. సాధారణంగా ఒక జత దుస్తులను ఐరన్‌ చేసినప్పుడు 200 గ్రాముల కార్బన్‌ డయాక్సైడ్‌ విడుదలవుతుందని ఆమె చెప్పారు. దానిని నివారించేందుకే ఈ నిర్ణయం తీసుకున్నామని తెలిపారు. వారం పొడవునా కాకుండా కనీసం ఒక్క రోజు అయినా ఇలా ఇస్త్రీ లేని దుస్తులను ధరించేలా వాహ్‌ మండేస్‌ స్కీమ్‌ తీసుకొచ్చామని చెప్పారు. ఇంధన అక్షరాస్యతలో భాగంగా విద్యుత్‌ వినియోగాన్ని 10 శాతం తగ్గించడంపై కూడా సీఎస్‌ఐఆర్‌ దృష్టి సారించింది.