Tilak Varma : ఐపీఎల్ 16వ సీజన్లో దంచికొడుతున్న తెలుగు క్రికెటర్ తిలక్ వర్మ(Tilak Varma) ఇంటికి అనుకోని అతిథులు వచ్చారు. అవును.. ముంబై ఇండియన్స్(Mumbai Indians) టీమ్ అతని ఇంట్లో సందడి చేసింది. కారణం ఎంటంటే…? వాళ్లందరికి తిలక్ ధావత్ ఇచ్చాడు. హైదరాబాద్లోని తన ఇంట్లో రోహిత్ శర్మ బృందానికి పసందైన విందు ఏర్పాడు చేశాడు. వాళ్లతో పాటు లెజెండరీ క్రికెటర్ సచిన్ టెండూల్కర్(Sachin Tendulkar)కు కూడా ఉన్నాడు. అనంతరం వాళ్లకు బహుమతులు కూడా అందజేశాడు. తిలక్వర్మ కుటుంబం ముంబై టీమ్తో కలిసి ఫొటోలను అతను తన ట్విట్టర్లో పోస్ట్ చేశాడు.
Honoured to host my @mipaltan family at my home for dinner. A wonderful night that my family and I won’t forget. Thank you for coming ☺️💙 pic.twitter.com/LaBilbnrFS
— Tilak Varma (@TilakV9) April 17, 2023
‘మా ఇంట్లో ముంబై టీమ్కు విందు ఏర్పాడు చేసినందుకు చాలా సంతోషంగా, గర్వంగా ఉంది. మాకుటుంబానికి ఇదొక అద్భుతమైన రాత్రి. నేను ఎప్పటికీ ఈ రోజును మర్చిపోలేను. నా ఆహ్వానాన్ని మన్నించి, మా ఇంట్లో భోజనం చేసినందుకు జట్టు సభ్యులందరికీ ధన్యవాదాలు’ అని తిలక్ క్యాప్షన్ రాశాడు. ప్రస్తుతం ఆ ఫొటోలు ఆన్లైన్లో వైరల్ అవుతున్నాయి.
ఐదు సార్లు చాంపియన్ అయిన ముంబై ఈ సీజన్లో మాత్రం కాస్త వెనకబడింది. ఓటమితోనే టోర్నీని ప్రారంభించింది. ఆ తర్వాత పుంజుకుంది. వరుసగా రెండు విజయాలు సాధించింది. తిలక్ వర్మ మిడిలార్డర్లో కీలక ఇన్నింగ్స్ ఆడుతున్నాడు. ఓపెనర్ ఇషాన్ కిషన్, సూర్యకుమార్ గత మ్యాచ్లో కోల్కతా నైట్ రైడర్స్పై చెలరేగారు. ఈ రోజు రోహిత్ సేన ఉప్పల్ స్టేడియంలో సన్ రైజర్స్ హైదరాబాద్ను ఢీ కొంటోంది. ఇరుజట్లు మూడో విజయంపై కన్నేశాయి.
సొంత గ్రౌండ్లో పంజాబ్ కింగ్స్ను చిత్తు చేసిన మరక్రం సేన ముంబై పట్టు పట్టాలని భావిస్తోంది. ఓపెనర్ హ్యారీ బ్రూక్(Harry Brook) సూపర్ ఫామ్లో ఉన్నాడు. అతను కోల్కతాపై సెంచరీ బాదిన విషయం తెలిసిందే. ఈ సీజన్లో తొలి శతకం అతడిదే కావడం విశేషం. ఈ మ్యాచ్లోనూ అతడు నిలబడితే ముంబై బౌలర్లకు ఇక కష్టమే. రాత్రి 7ః3 0గంటలకు మ్యాచ్ ప్రారంభం కానుంది.