IPL 2023 | ఐపీఎల్‌లో ధోనీ హ‌వా.. ల‌క్నోపై రెండు సిక్స‌ర్ల‌ వీడియోకు 1.7 కోట్ల‌ వ్యూస్

చెన్నై సూప‌ర్ కింగ్స్‌ కెప్టెన్ మ‌హేంద్ర సింగ్ ధోనీ(MS Dhoni) 16వ సీజ‌న్‌లో రికార్డులు సృష్టిస్తున్నాడు. జియో సినిమా(Jio Cinema)లో అత‌డి బ్యాటింగ్ వీడియోకు రికార్డు స్థాయిలో 1.7 కోట్ల వ్యూస్ వ‌చ్చాయి. ఆరంభ పోరులోనూ గుజ‌రాత్ టైట‌న్స్‌పై ధోనీ బ్యాటింగ్ వీడియోను 1.6 కోట్ల మంది చూశారు.

IPL 2023 : టీమిండియా మాజీ కెప్టెన్ మ‌హేంద్ర సింగ్ ధోనీ(MS Dhoni) ఆట గురించి ప్ర‌త్యేకంగా చెప్ప‌న‌వ‌స‌రం లేదు. అత‌ను మైదానంలో దిగాడంటే ప్ర‌త్య‌ర్థి బౌల‌ర్ల‌కు చుక్క‌లే. ధ‌నాధ‌న్ బ్యాటింగ్‌తో విరుచుకుప‌డే ఈ మిస్ట‌ర్ కూల్ కెప్టెన్‌కు ఐపీఎల్‌లో క్రేజ్ మామూలుగా లేదు. 16వ సీజ‌న్‌లో ఈ స్టార్ ప్లేయ‌ర్ త‌న ఆట‌తో రికార్డులు సృష్టిస్తున్నాడు. జియో సినిమా(Jio Cinema)లో అత‌డి బ్యాటింగ్ వీడియోకు రికార్డు స్థాయిలో వ్యూస్ వ‌చ్చాయి. చెపాక్ స్టేడియంలో ల‌క్నోపై ధోనీ బ్యాటింగ్ వీడియోను జియో సినిమాలో 1.7 కోట్ల మంది చూశారు. ఈ విష‌యాన్ని మ్యాచ్ అనంత‌రం జియో సినిమా వెల్ల‌డించింది.

ఈ సీజ‌న్‌లో ఇప్ప‌టి వ‌ర‌కు ఎక్కువ మంది చూసిన వీడియో ఇదే కావ‌డం విశేషం. ఈ మ్యాచ్‌లో మూడు బంతులు ఎదుర్కొన్న అత‌ను రెండు సిక్స‌ర్లు బాదాడు. ఆరంభ పోరులోనూ గుజ‌రాత్ టైట‌న్స్‌పై ధోనీ బ్యాటింగ్ వీడియోకు 1.6 కోట్ల వ్యూస్ వ‌చ్చాయి. 16వ సీజ‌న్‌ ఆరంభ పోరులో గుజ‌రాత్ టైట‌న్స్‌పై ధోనీ 14 ప‌రుగులతో నాటౌట్‌గా నిలిచాడు. అయితే.. రాహుల్ తెవాటియా, ర‌షీద్ ఖాన్ చివ‌ర్లో ధాటిగా ఆడడంతో

A treat for the Chennai crowd! 😍@msdhoni is BACK in Chennai & how 💥#TATAIPL | #CSKvLSG

WATCH his incredible two sixes 🔽 pic.twitter.com/YFkOGqsFVT

— IndianPremierLeague (@IPL) April 3, 2023

చెపాక్‌లో చెన్నై జోరు

చెన్నై సూప‌ర్ కింగ్స్‌కు నాలుగు సార్లు ఐపీఎల్ ట్రోఫీ అందించిన ధోనీకి ఇదే ఆఖ‌రి సీజ‌న్. దాంతో, ఫ్యాన్స్ అత‌డి ఆట చూసేందుకు ఉత్సాహం చూపిస్తున్నారు. మ‌హీ క్రీజులోకి వ‌స్తుంటే.. ‘ధోనీ.. ధోనీ.. తాలా.. తాలా’ అని నినదిస్తూ స్టేడియాన్ని హోరెత్తిస్తున్నారు. సొంత గ్రౌండ్‌లో జ‌రిగిన మ్యాచ్‌లో ధోనీ సేన ల‌క్నో సూప‌ర్ జెయింట్స్‌పై 12 ప‌రుగుల తేడాతో గెలుపొందింది. చెపాక్ మైదానంలో సీఎస్కే బ్యాట‌ర్లు చెల‌రేగి ఆడారు. ధోనీ ఆఖ‌రి ఓవ‌ర్‌లో రెండు భారీ సిక్స్‌లు కొట్టాడు. దాంతో, ల‌క్నో ముందు 218 ప‌రుగుల ల‌క్ష్యాన్ని ఉంచింది. బౌల‌ర్లు రాణించ‌డంతో 205 ర‌న్స్‌కే ల‌క్నోను చెన్నై క‌ట్ట‌డి చేసింది. ఈ సీజ‌న్‌లో తొలి విజ‌యం న‌మోదు చేసింది. చెన్నై త‌దుప‌రి మ్యాచ్‌లో ఏప్రిల్ 8 (ఆదివారం)న‌ ముంబై ఇండియ‌న్స్‌తో త‌ల‌ప‌డ‌నుంది.

ఇవి కూడా చ‌ద‌వండి

IPL 2023 | ప‌ద‌హారో సీజ‌న్ మొత్తానికి ఆర్సీబీ విధ్వంస‌క బ్యాట‌ర్ దూరం

MS Dhoni: బౌల‌ర్ దేశ్‌పాండేకు క్లాస్ పీకిన ధోనీ.. వీడియో