BAN vs NZ | ప‌ది వికెట్ల‌తో చెల‌రేగిన తైజుల్.. తొలి టెస్టులో బంగ్లాదేశ్ చారిత్రాత్మ‌క విజ‌యం

BAN vs NZ : సొంత గ‌డ్డ‌పై న్యూజిలాండ్‌తో జ‌రుగుతున్న తొలి టెస్టులో బంగ్లాదేశ్‌(Bangladesh) చారిత్రాత్మ‌క‌ విజ‌యం సాధించింది. తైజుల్ ఇస్లాం(Taijul Islam) 10 వికెట్ల‌తో చెల‌రేగ‌డంతో 150 ప‌రుగుల తేడాతో కివీస్‌ను చిత్తు చేసింది. తొలి ఇన్నింగ్స్‌లో త‌డ‌బ‌డిన ప‌ర్యాట‌క జ‌ట్టు రెండో ఇన్నింగ్స్‌లో 181 ప‌రుగుల‌కే కుప్ప‌కూలింది. ఆఖ‌రి రోజు ఆట ప్రారంభ‌మైన...

BAN vs NZ : సొంత గ‌డ్డ‌పై న్యూజిలాండ్‌తో జ‌రుగుతున్న తొలి టెస్టులో బంగ్లాదేశ్‌(Bangladesh) చారిత్రాత్మ‌క‌ విజ‌యం సాధించింది. తైజుల్ ఇస్లాం(Taijul Islam) 10 వికెట్ల‌తో చెల‌రేగ‌డంతో 150 ప‌రుగుల తేడాతో కివీస్‌ను చిత్తు చేసింది. తొలి ఇన్నింగ్స్‌లో త‌డ‌బ‌డిన ప‌ర్యాట‌క జ‌ట్టు రెండో ఇన్నింగ్స్‌లో 181 ప‌రుగుల‌కే కుప్ప‌కూలింది. ఆఖ‌రి రోజు ఆట ప్రారంభ‌మైన కాసేటికే ఇస్లాం త‌న ప్ర‌తాపం చూపించాడు. చివ‌రి మూడు వికెట్లు ఖాతాలో వేసుకొని 10 వికెట్ల ఫీట్ సాధించాడు. సంచ‌ల‌న బౌలింగ్‌తో జ‌ట్టును గెలిపించిన ఇస్లాంకు ప్లేయ‌ర్ ఆఫ్ ది మ్యాచ్ అవార్డు ద‌క్కింది. ఈ విజ‌యంతో రెండు టెస్టుల సిరీస్‌లో బంగ్లా 1-0తో ఆధిక్యంలోకి దూసుకెళ్లింది. న్యూజిలాండ్‌పై బంగ్లాకు ఇది రెండో టెస్టు విజ‌యం. నిరుడు మౌంట్ మౌంగ‌నూలో బంగ్లా.. కివీస్‌ను ఓడించింది.

After 15 matches without a win, Bangladesh have won two of their last three Tests against New Zealand 😮https://t.co/WyjoeJOsuo #BANvNZ pic.twitter.com/Wanmk15OqV

— ESPNcricinfo (@ESPNcricinfo) December 2, 2023

కెప్టెన్ న‌జ్ముల్ హుసేన్ శాంటో(105) సెంచ‌రీ బాద‌డంతో రెండు ఇన్నింగ్స్‌ల్లో బంగ్లా 338 ర‌న్స్ కొట్టింది. అన‌తంరం 332 పరుగుల లక్ష్య ఛేద‌న‌లో ఇస్లాం కివీస్ టాపార్డ‌ర్‌ను కూల్చాడు. ప్ర‌మాద‌క‌ర‌మైన డెవాన్ కాన్వే(22), తొలి ఇన్నింగ్స్ సెంచ‌రీ బాదిన కేన్ విలియ‌మ్స‌న్(11), టామ్ బండిల్(6)ల‌ను ఔట్ చేశాడు. దాంతో, నాలుగో రోజు ఆట ముగిసే సమయానికి కివీస్‌ 7 వికెట్ల నష్టానికి 113 పరుగులు చేసింది. డారిల్ మిచెల్‌(58), టిమ్ సౌథీ(34)లు పోరాడిన‌ప్ప‌టికీ జ‌ట్టును గ‌ట్టెక్కించ‌లేక‌పోయారు. ఇరుజ‌ట్ల మ‌ధ్య డిసెంబ‌ర్ 4 బుధ‌వారం రెండో టెస్టు మొద‌ల‌వ్వ‌నుంది.

ఇవి కూడా చ‌ద‌వండి

• Rinku Singh | 100 మీట‌ర్ల సిక్స‌ర్ బాదిన రింకూ.. విస్తుపోయిన ఆసీస్ సార‌థి.. వీడియో

• Ugandan woman | 70 ఏళ్ల వయసులో కవలలకు జన్మనిచ్చిన ఉగాండా మహిళ.. తొలి మహిళగా రికార్డు

• IPL 2024 | ఆల్‌రౌండ‌ర్ల వేట‌లో పంజాబ్ కింగ్స్.. ఆ ఇద్ద‌రిని కొంటుందా..?