Paris Olympics | అద్భుత ప్రదర్శన.. క్వార్ట్‌ర్స్‌లోకి దూసుకెళ్లిన భారత ఆర్చర్లు

పారిస్‌ ఒలింపిక్స్‌కు మరికొన్ని గంటల్లో తెరలేవనుండగా భారత ఆర్చర్లు అద్భుత ప్రదర్శనతో ఆకట్టుకున్నారు.

Paris Olympics | పారిస్‌: పారిస్‌ ఒలింపిక్స్‌కు మరికొన్ని గంటల్లో తెరలేవనుండగా భారత ఆర్చర్లు అద్భుత ప్రదర్శనతో ఆకట్టుకున్నారు. పురుషుల, మహిళల రికర్వ్‌ టీమ్‌ ఈవెంట్లలో భారత ఆర్చర్లు క్వార్ట్‌ర్స్‌లోకి దూసుకెళ్లారు. పురుషుల టీమ్‌ఈవెంట్‌లో యువ ఆర్చర్‌ బొమ్మదేవర ధీరజ్‌ 681 పాయింట్లతో 4వ ర్యాంక్‌లో నిలిచాడు. కెరీర్‌లో తొలి ఒలింపిక్స్‌ ఆడుతున్న ఈ ఏపీ ఆర్చర్‌..ప్రత్యర్థులకు దీటైన పోటీనిస్తూ కీలక పాయింట్లు ఖాతాలో వేసుకున్నాడు.

తరుణ్‌దీప్‌రాయ్‌(674), ప్రవీణ్‌ జాదవ్‌(658) వరుసగా 14, 39 స్థానాల్లో నిలిచారు. మరోవైపు మహిళల రికర్వ్‌లో అంకితా భక్త్‌ 666 పాయింట్లతో 11వ ర్యాంక్‌ దక్కించుకుంది. భజన్‌కౌర్‌(659), దీపికా కుమారి(658) వరుసగా 22, 23 స్థానాలతో క్వార్టర్స్‌కు అర్హత సాధించారు.