ICC | ‘టీ20 క్రికెట‌ర్ ఆఫ్ ది ఇయ‌ర్’.. ప్రచండ సూర్య‌కు పోటీగా ఉగాండా బౌల‌ర్

ICC : ఐసీసీ ఏటా అందించే ప్ర‌తిష్ఠాత్మ‌క‌ 'టీ20 క్రికెట‌ర్ ఆఫ్ ఇది ఇయ‌ర్'(T20 Cricketer Of The Year) అవార్డుకు స్టార్ ఆట‌గాళ్లు నామినేట్ అయ్యారు. 2023 ఏడాదికి ఈ అవార్డు కోసం వ‌ర‌ల్డ్ నంబ‌ర్ టీ20 1 బ్యాట‌ర్ సూర్య‌కుమార్ యాద‌వ్...

January 3, 2024 / 06:10 PM IST

ICC | ‘టీ20 క్రికెట‌ర్ ఆఫ్ ది ఇయ‌ర్’.. ప్రచండ సూర్య‌కు పోటీగా ఉగాండా బౌల‌ర్

ICC : ఐసీసీ ఏటా అందించే ప్ర‌తిష్ఠాత్మ‌క‌ ‘టీ20 క్రికెట‌ర్ ఆఫ్ ఇది ఇయ‌ర్'(T20 Cricketer Of The Year) అవార్డుకు స్టార్ ఆట‌గాళ్లు నామినేట్ అయ్యారు. 2023 ఏడాదికి ఈ అవార్డు కోసం వ‌ర‌ల్డ్ నంబ‌ర్ టీ20 1 బ్యాట‌ర్ సూర్య‌కుమార్ యాద‌వ్(Suryakumar Yadav) పోటీ ప‌డుతున్నాడు. అత‌డితో పాటు జింబాబ్వే సార‌థి సికింద‌ర్ ర‌జా(Sikinder Raza), న్యూజిలాండ్ యువ‌కెర‌టం మార్క్ చాప్‌మ‌న్(Mark Chapman)తో పాటు ఉగాండా సంచ‌ల‌నం అల్పేష్ ర‌మ్జానీ(Alpesh Ramzani) బ‌రిలో నిలిచారు.

ఇక మ‌హిళ‌ల విభాగంలో ఆస్ట్రేలియా యంగ్‌స్టర్ ఫొబె లిచ్‌ఫీల్డ్(Phoebe Litchfield), బంగ్లాదేశ్ క్రికెట‌ర్ మ‌రుఫా అక్త‌ర్‌(Marufa Aktar),ఇంగ్లండ్ ప్లేయ‌ర్ లారెన్ బెల్(Lauren Bell), స్కాంట్లాండ్ అమ్మాయి డార్సే కార్టర్(Darcey Carter) నామినీస్ ద‌క్కించుకున్నారు.

💥 Two stylish batters
🔥 Two brilliant all-rounders

The shortlist for the ICC Men’s T20I Cricketer of the Year 2023 is out ⬇️#ICCAwards

— ICC (@ICC) January 3, 2024

JUST IN: 🚨

ICC has revealed the nominees for Women’s Emerging Cricketer of the Year 2023.

Who has your vote? 🤔#CricketTwitter #ICCAwards pic.twitter.com/consUawnTQ

— Female Cricket (@imfemalecricket) January 3, 2024

గ‌త రెండేండ్లుగా పొట్టి క్రికెట్‌ను ఏలుతున్న సూర్య 2023లోనూ ప‌రుగుల వ‌ర‌ద పారించాడు. లెగ్ సైడ్ అల‌వోక‌గా సిక్స‌ర్లు బాదే ఈ సొగ‌స‌రి బ్యాట‌ర్ స‌ఫారీ గడ్డ‌పై సెంచ‌రీతో ఈ ఫార్మాట్‌లో నాలుగో శ‌త‌కం ఖాతాలో వేసుకున్నాడు. ఈ 360 ప్లేయ‌ర్ 17 ఇన్నింగ్స్‌ల్లో 155.95 స్ట్రైక్ రేటుతో 733 ర‌న్స్ కొట్టాడు.

సూర్య‌కుమార్ యాద‌వ్, సికింద‌ర్ ర‌జా

Sky F

నిరుడు ఆఖ‌ర్లో జింబాబ్వే టీ20 సార‌థిగా ప‌గ్గాలు చేప‌ట్టిన సికింద‌ర్ ర‌జా ఆల్‌రౌండ్ షోతో ఆక‌ట్టుకున్నాడు. 11 ఇన్నింగ్స్‌ల్లో 155 ప‌రుగులు చేయ‌డ‌మే కాకుండా బంతితోనూ రాణించి 17 వికెట్లు కూల్చాడు. ఉంగాండా బౌల‌ర్ అల్పేష్ ర‌మ్జానీ 4.77 ఎకాన‌మీతో 55 వికెట్లు ప‌డ‌గొట్టాడు. కివీస్ బ్యాట‌ర్ చాప్‌మ‌న్ 2023లో అద్భుతంగా ఆడాడు. ఈ లెఫ్ట్ హ్యాండ‌ర్ 17 ఇన్నింగ్స్‌ల్లో 145.54 స్ట్రైక్ రేటుతో 556 ర‌న్స్ కొట్టాడు.