Shai Hope : వెస్టిండీస్ కెప్టెన్ షాహ్ హోప్(Shai Hope) అరుదైన మైలురాయికి చేరువయ్యాడు. వన్డేల్లో వేగంగా 5 వేల పరుగులు సాధించిన మూడో బ్యాటర్గా రికార్డు నెలకొల్పాడు. సొంతగడ్డపై అంటిగ్వాలో ఇంగ్లండ్తో జరిగిన తొలి వన్డేలో అద్భుత శతకంతో హోప్ 5వేల క్లబ్లో చేరాడు. 114 ఇన్నింగ్స్ల్లోనే విండీస్ సారథి ఈ ఫీట్ సాధించడం విశేషం. తద్వారా విండీస్ దిగ్గజం సర్ వివ్ రిచర్డ్స్(Sir Vivian Richards)తో పాటు భారత స్టార్ బ్యాటర్ విరాట్ కోహ్లీ(Virat Kohli) రికార్డు సమం చేశాడు. ఈ జాబితాలో పాకిస్థాన్ మాజీ కెప్టెన్ బాబర్ ఆజాం(97 ఇన్నింగ్స్లు), దక్షిణాఫ్రికా మాజీ కెప్టెన్ హషీం ఆమ్లా(101 ఇన్నింగ్స్లు) కోహ్లీ, హోప్ కంటే ముందున్నారు.
The Shai Hope power game on display once again 💥🏏
More from #WIvENG 👉 https://t.co/yaHtQ3aXar pic.twitter.com/s1eufxalms
— ICC (@ICC) December 4, 2023
‘రిచర్డ్స్ రికార్డు సమం చేసినందుకు చాలా గొప్పగా ఉంది. అయితే.. జట్టు విజయంలో భాగమైనందుకు అంతకంటే సంతోషంగా ఉంది. ఇక రికార్డులు, గణాంకాలు అంటారా? అవన్నీ అదనపు అంశాలు’ అని మ్యాచ్ అనంతరం హోప్ తెలిపాడు. ఇంగ్లండ్ నిర్దేశించిన 326 పరుగుల ఛేదనలో హోప్(108 83 బంతుల్లో 4 ఫోర్లు, 7 సిక్సర్లు) సెంచరీతో చెలరేగాడు. చివర్లో షిమ్రాన్ హెట్మెయిర్(32), రొమారియో షెపర్డ్(49) అద్భుతంగా పోరాడి జట్టును గట్టెక్కించారు. దాంతో, విండీస్ భారీ లక్ష్యాన్ని 48.3 ఓవర్లలో ఛేదించి మూడు వన్డేల సిరీస్లో 1-0 ఆధిక్యంలోకి దూసుకెళ్లింది.