Korea Open 2023 | చిరాగ్ – సాత్విక్ జోడీ అదుర్స్‌.. తొలిసారి కొరియా ఓపెన్ ఫైన‌ల్లో ప్ర‌వేశం

Korea Open 2023 : భారత స్టార్ డ‌బుల్స్ ద్వ‌యం సాత్విక్‌సాయిరాజ్(Satwiksairaj Rankireddy) - చిరాగ్ శెట్టీ( Chirag Shetty) జోడీ మ‌రోసారి సంచ‌ల‌నం సృష్టించింది. తొలిసారి ప్ర‌తిష్టాత్మ‌క‌ కొరియా ఓపెన్ సూప‌ర్ 500 టోర్న‌మెంట్(Korea Open 2023) ఫైన‌ల్‌కు దూసుకెళ్లింది. ఈరోజు జ‌రిగిన సెమీఫైన‌ల్లో చైనాకు చెందిన‌ రెండో సీడ్...

July 22, 2023 / 05:18 PM IST

Korea Open 2023 | చిరాగ్ – సాత్విక్ జోడీ అదుర్స్‌.. తొలిసారి కొరియా ఓపెన్ ఫైన‌ల్లో ప్ర‌వేశం

Korea Open 2023 : భారత స్టార్ డ‌బుల్స్ ద్వ‌యం సాత్విక్‌సాయిరాజ్(Satwiksairaj Rankireddy) – చిరాగ్ శెట్టీ( Chirag Shetty) జోడీ మ‌రోసారి సంచ‌ల‌నం సృష్టించింది. తొలిసారి ప్ర‌తిష్టాత్మ‌క‌ కొరియా ఓపెన్ సూప‌ర్ 500 టోర్న‌మెంట్(Korea Open 2023) ఫైన‌ల్‌కు దూసుకెళ్లింది. ఈరోజు జ‌రిగిన సెమీఫైన‌ల్లో చైనాకు చెందిన‌ రెండో సీడ్ లియాంగ్ వీ కెంగ్(Liang Wei Keng), వాంగ్ చాంగ్‌(Wang Chang)పై గెలుపొందింది.

40 నిమిషాల పాటు హోరాహోరీగా జ‌రిగిన మ్యాచ్‌లో దూకుడుగా ఆడిన సాత్విక్ – చిరాగ్ 21-15 24-22తో విజ‌యం సాధించారు. తొలిసెట్‌లో ఆరు గేమ్ పాయింట్లు సాధించిన భార‌త ద్వ‌యం రెండో సెట్‌లోనూ జోరు కొన‌సాగించింది. దాంతో, చైనా జోడీపై హ్యాట్రిక్ ఓట‌మి నుంచి త‌ప్పించుకుంది.

Another Sunday another Final for Satwik/Chirag✨

We don’t mind getting used to this😎

📸: @badmintonphoto #KoreaOpen2023 #IndiaontheRise #Badminton pic.twitter.com/lqzQHepxYF

— BAI Media (@BAI_Media) July 22, 2023

ఈ సీజ‌న్‌లో సాత్విక్‌సాయిరాజ్ – చిరాగ్ శెట్టీ జోడీ దుమ్మురేపుతోంది. టోర్నీ ఏదైనా త‌మ అద్భుత ఆట‌తో టైటిల్ పోరుకు అర్హ‌త సాధిస్తూ వ‌స్తోంది. ఈ ఏడాది ప్రారంభంలో సాత్విక్ – చిరాగ్ స్విట్జ‌ర్‌లాండ్ ఓపెన్(Swiss Open) టైటిల్ గెలిచారు. అంతేకాదు దుబాయ్‌లో జ‌రిగిన బ్యాడ్మింట‌న్ ఆసియా చాంపియ‌న్‌షిప్స్‌ (Badminton Asia Championships 2023)లో చాంపియ‌న్‌గా నిలిచారు.

ఇండోనేషియా ఓపెన్ ట్రోఫీతో సాత్విక్ – చిరాగ్

Chirag Satwik F

ఈమ‌ధ్యే ఇండోనేషియా ఓపెన్(Indonesia Open) ఫైన‌ల్లో గెలిచి తొలిసారి బీడ‌బ్ల్యూఎఫ్ వ‌ర‌ల్డ్ సూప‌ర్ 1000 టైటిల్ ఖాతాలో వేసుకున్నారు. దాంతో, ఇండోనేషియా ఓపెన్ ట్రోఫీ సాధించిన భార‌త మొద‌టి డ‌బుల్స్ ద్వ‌యంగా రికార్డు సృష్టించారు.