French Open 2024 | వ‌ర‌ల్డ్ చాంపియ‌న్ల‌కు షాకిచ్చి.. హ్యాట్రిక్ కొట్టిన సాత్విక్ – చిరాగ్

French Open 2024 : ప్యారిస్ ఒలింపిక్స్ ల‌క్ష్యంగా పెట్టుకున్న‌ భార‌త స్టార్ ఆట‌గాళ్లు సాత్విక్ సాయిరాజ్(Satwik Sairaj,, చిరాగ్ శెట్టి(Chirag Shetty)లు ఫ్రెంచ్ ఓపెన్‌లో(French Open 2024)నూ అద‌ర‌గొట్టారు. వ‌ర‌ల్డ్ చాంపియ‌న్ల‌కు షాకిచ్చిన‌ ఈ జోడీ...

March 10, 2024 / 09:32 AM IST

French Open 2024 | వ‌ర‌ల్డ్ చాంపియ‌న్ల‌కు షాకిచ్చి.. హ్యాట్రిక్ కొట్టిన సాత్విక్ – చిరాగ్

French Open 2024 : ప్యారిస్ ఒలింపిక్స్ ల‌క్ష్యంగా పెట్టుకున్న‌ భార‌త స్టార్ ఆట‌గాళ్లు సాత్విక్ సాయిరాజ్(Satwik Sairaj,, చిరాగ్ శెట్టి(Chirag Shetty)లు ఫ్రెంచ్ ఓపెన్‌లో(French Open 2024)నూ అద‌ర‌గొట్టారు. వ‌ర‌ల్డ్ చాంపియ‌న్ల‌కు షాకిచ్చిన‌ ఈ జోడీ ఫైన‌ల్లో అడుగుపెట్టింది. సెమీస్‌లో భార‌త ద్వ‌యం కంగ్ మిన్‌హైక్, సీయో సుఎంగ్జే జంట‌ను అల‌వోక‌గా చిత్తు చేసింది.

వ‌రుస సెట్లలో జోర కొన‌సాగించిన స్వాత్విక్, చిరాగ్ జోడీ 21-13, 21-16తో గెలుపొందింది. తద్వారా వ‌రుస‌గా మూడోసారి టైటిల్ పోరుకు దూసుకెళ్లింది. ట్రోఫీ కోసం జ‌పాన్, తైవాన్ జోడీల మ్యాచ్ విజేత‌తో సాత్విక్, చిరాగ్‌లు త‌ల‌ప‌డ‌నున్నారు.

3️⃣rd final on the trot this year on #BWFWorldTour
3️⃣rd final at #FrenchOpen

Satwik-Chirag beat reigning world champs Kang/Seo 🇰🇷 21-13, 21-16 to reach yet another final 🥳🫶

📸: @badmintonphoto #IndiaontheRise #Badminton pic.twitter.com/BAjXsR7Xkz

— BAI Media (@BAI_Media) March 9, 2024

పురుషుల సింగిల్స్‌లో భార‌త స్టార్ ఆట‌గాడు ల‌క్ష్య‌సేన్ (Lakshyasen) సెమీస్‌లో ఓటమి పాల‌య్యాడు. థాయ్‌లాండ్ ప్లేయ‌ర్ కున్ల‌వుత్ వితిద్‌స‌న్న్ చేతిలో కంగుతిన్నాడు. ఫ‌స్ట్ గేమ్‌లో 20-20తో గ‌ట్టి పోటీనిచ్చిన ల‌క్ష్య‌సేన ఆ త‌ర్వాత వెన‌క‌బ‌డ్డాడు. కున్ల‌వుత్ 21-13, 21-11తో గెలుపొందాడు. ఇప్ప‌టికే పీవీ సింధు(PV Sindhu) వెనుదిరిగిన విష‌యం తెలిసిందే.

ల‌క్ష్య‌సేన్

నిరుడు సంచ‌ల‌న ప్ర‌ద‌ర్శ‌న‌తో సాత్విక్, చిరాగ్ జోడీ ప‌లు టైటిళ్లు కొల్ల‌గొట్టింది. చైనా వేదిక‌గా జ‌రిగిన ఆసియా క్రీడ‌ల్లో(Asian Games 2022) స్వ‌ర్ణ కాంతులు విర‌జిమ్మింది. ఇప్పుడు ఈ స్టార్ ద్వ‌యం క‌ళ్ల‌న్నీ ఒలింపిక్స్ మెడ‌ల్ మీదనే ఉన్నాయి. ‘ఒలింపిక్స్ వ‌ర‌కూ మా అత్యుత్త‌మ ఆట‌ను కొన‌సాగిస్తాం. మాలో చాలా స‌త్తా ఉంది. ఒలింపిక్స్ ముందు మేము విభిన్న‌మైన గేమ్ ప్లాన్‌తో ఆడుతున్నాం’ అని మ్యాచ్ అనంత‌రం సాత్విక్ వెల్ల‌డించాడు.