BWF Rankings | సాత్విక్ – చిరాగ్ జోడీ మ‌ళ్లీ వ‌రల్డ్ నంబ‌ర్ 1.. ప్ర‌ణ‌య్‌కు 8వ ర్యాంక్

BWF Rankings : భార‌త స్టార్ డబుల్స్ ద్వ‌యం సాత్విక్ సాయిరాజ్(Satwik Sairaj), చిరాగ్ శెట్టి(Chirag Shetty) మ‌ళ్లీ నంబ‌ర్ 1 స్థానాన్ని ద‌క్కించుకుంది. చైనాకు చెందిన లియాంగ్ వీ కెంగ్‌(Liang Wei Keng), వాంగ్ చాంగ్(Wang Chang) జోడీని...

BWF Rankings : భార‌త స్టార్ డబుల్స్ ద్వ‌యం సాత్విక్ సాయిరాజ్(Satwik Sairaj), చిరాగ్ శెట్టి(Chirag Shetty) మ‌ళ్లీ నంబ‌ర్ 1 స్థానాన్ని ద‌క్కించుకుంది. చైనాకు చెందిన లియాంగ్ వీ కెంగ్‌(Liang Wei Keng), వాంగ్ చాంగ్(Wang Chang) జోడీని వెన‌క్కి నెట్టి అగ్ర‌స్థానం కైవ‌సం చేసుకుంది. మంగ‌ళ‌వారం బ్యాడ్మింట‌న్ వ‌ర‌ల్డ్ ఫెడ‌రేష‌న్ (BWF Rankings) ర్యాంకింగ్స్‌ను ప్ర‌క‌టించింది.

మ‌లేషియా ఓపెన్‌(Malaysia Open)లో ర‌న్న‌ర‌ప్‌గా నిలిచినప్ప‌టికీ భార‌త జోడీకి టాప్ ర్యాంక్ ద‌క్క‌డం విశేషం. పురుషుల సింగిల్స్‌లో నిల‌క‌డ‌గా రాణిస్తున్న హెచ్ఎస్ ప్ర‌ణ‌య్(HS Prannoy) 8వ ర్యాంక్‌తో స‌రిపెట్టుకున్నాడు. ఇక మ‌హిళ‌ల డ‌బుల్స్‌లో అశ్విని పొన్న‌ప్ప‌, త‌నీశ క్రాస్టో 20వ ర్యాంక్ సొంతం చేసుకున్నారు.

All set for the finale 😍🔥

📸: @badmintonphoto #YonexSunriseIndiaOpen2024 #IndiaKaSmashMania#BWFWorldTourSuper750#IndiaontheRise#Badminton pic.twitter.com/3tmneDvn2p

— BAI Media (@BAI_Media) January 21, 2024

నిరుడు జ‌రిగిన ప‌లు టోర్నీల్లో సాత్విక్ – చిరాగ్ జంట అద‌ర‌గొట్టింది. చైనా ఆతిథ్య‌మిచ్చిన‌ 19వ ఆసియా క్రీడ‌ల్లో స్వ‌ర్ణ ప‌త‌కంతో చ‌రిత్ర సృష్టించింది. దాంతో, అక్టోబ‌ర్ 10వ తేదీన సాత్విక్ – చిరాగ్ జోడీ నంబ‌ర్ 1 ర్యాంక్‌కు ఎగ‌బాకింది. అయితే.. త‌ర్వాత జ‌రిగిన ఫ్రెంచ్ ఓపెన్‌లో సాత్విక్, చిరాగ్‌లు నిరాశ ప‌రిచారు.

సాత్విక్, చిరాగ్‌

అలా మూడు వారాల్లోనే లియాంగ్, వాంగ్ ద్వ‌యం టాప్ సీడ్ ద‌క్కించుకోగా.. భార‌త జోడీ రెండో సీడ్‌కు ప‌రిమిత‌మైంది. 2023లో ఈ స్టార్ జోడీ ప‌లు ట్రోఫీలు కొల్ల‌గొట్టింది. ఆసియా చాంపియ‌న్‌షిప్‌, ఇండోనేషియా ఓపెన్ సూప‌ర్ 1000 టైటిల్ విజేత‌గా అవ‌త‌రించింది.

ఇవి కూడా చ‌ద‌వండి

• ICC | ‘టెస్ట్ టీమ్ ఆఫ్ ది ఇయ‌ర్‌’లో జ‌డ్డూ, అశ్విన్.. ఆ జ‌ట్టు నుంచే ఐదుగురు
• Nereducharla | మున్సిపల్ చైర్మన్ అవిశ్వాస తీర్మానంలో అపశృతి.. బాంబు పేలి యువకుడికి తీవ్ర గాయం
• Himanta Sarma | రాహుల్‌ గాంధీపై కేసు నమోదు చేయండి.. అస్సాం సీఎం ఆదేశాలు