Rohit Sharma : మిడిల్ ఆర్డ‌ర్‌లో బ్యాటింగ్ చేస్తా.. త్యాగం చేసిన రోహిత్ శ‌ర్మ

Rohit Sharma: ఆసీస్‌తో జ‌రిగే రెండో టెస్టులో మిడిల్ ఆర్డ‌ర్‌లో ఆడ‌నున్న‌ట్లు రోహిత్ శ‌ర్మ తెలిపాడు. అడిలైడ్ టెస్టులో కేఎల్ రాహుల్ ఓపెనింగ్ చేయ‌నున్న‌ట్లు స్ప‌ష్టం చేశాడు. జైస్వాల్‌తో కలిసి కేఎల్ రాహుల్ .. ఓపెనింగ్ పాత్ర‌ను పోషించ‌నున్నారు.

అడిలైడ్‌: రోహిత్ శ‌ర్మ(Rohit Sharma) త‌న బ్యాటింగ్ పొజిష‌న్‌ను మార్చేశాడు. అడిలైడ్‌లో ఆస్ట్రేలియాతో జ‌రిగే రెండో టెస్టులో.. కేఎల్ రాహుల్ ఓపెనింగ్‌లో ఆడ‌నున్న‌ట్లు తెలిపాడు. పెర్త్ టెస్టులో ఓపెనింగ్‌లో ఆడిన రాహుల్‌.. 26, 77 ర‌న్స్ స్కోర్ చేశాడు. సెకండ్ ఇన్నింగ్స్‌లో జైస్వాల్‌తో క‌లిసి 201 ప‌రుగుల భాగ‌స్వామ్యాన్ని నెల‌కొల్పాడు. ఆ టెస్టులో ఇండియా 295 ర‌న్స్ తేడాతో నెగ్గిన విష‌యం తెలిసిందే. పెర్త్ టెస్టుకు రోహిత్ శ‌ర్మ గైర్హాజ‌రు కావ‌డంతో.. జైస్వాల్‌తో క‌లిసి రాహుల్ ఇన్నింగ్స్ ఓపెన్ చేశాడు.

ఇవాళ మీడియాతో మాట్లాడిన కెప్టెన్ రోహిత్ ఈ విష‌యంపై క్లారిటీ ఇచ్చాడు. కేఎల్ రాహుల్ ఇన్నింగ్స్‌ను ఓపెన్ చేస్తాడ‌ని, మిడిల్ ఆర్డ‌ర్‌లో తాను ఆడ‌నున్న‌ట్లు చెప్పాడు. ఆ పొజిష‌న్‌లో ఆడ‌డం త‌న‌కు ఈజీ కాదు అని, కానీ జ‌ట్టు మంచి కోసం త‌న పొజిష‌న్‌ను త్యాగం చేయాల్సి వ‌స్తుంద‌ని రోహిత్ తెలిపాడు. కుమారుడు పుట్ట‌డంతో.. రోహిత్ శ‌ర్మ తొలి టెస్టుకు దూరం అయ్యాడు. ఆ బ్రేక్ నుంచి వ‌చ్చిన అత‌ను రేప‌టి నుంచి జ‌రిగే టెస్టులో ఆడ‌నున్నాడు.

ఇవి కూడా చ‌ద‌వండి..

Scott Boland: రేప‌టి నుంచి రెండో టెస్టు.. ఆసీస్ జ‌ట్టులోకి బోలాండ్‌

IND Vs AUS | అడిలైడ్‌ టెస్ట్‌కు ఎలాంటి పిచ్‌ తయారు చేస్తున్నారంటే..? పింక్‌ బాల్‌ టెస్ట్‌లో పైచేయి ఎవరిది..?

Jasprit Bumrah | కంగారులను వణికిస్తున్న జస్ప్రీత్‌ బుమ్రా.. మీడియాలోనూ మిస్టరీ బౌలర్‌ గురించే చర్చ..!

ఎక్కడైనా ఓకే