T20 World Cup 2024 : అమెరికా, వెస్టిండీస్ గడ్డపై జరుగబోయే టీ20 వరల్డ్ కప్(T20 World Cup 2024) టోర్నీకి కౌంట్డౌన్ మొదలైంది. దాంతో, పెద్ద జట్లు ఇప్పటికే తమ స్క్వాడ్ను ప్రకటించాయి. తాజాగా స్కాంట్లాండ్ క్రికెట్ బోర్డు (Scotland Cricket Board) సైతం టీ20 వరల్డ్ కప్ స్క్వాడ్ను వెల్లడించింది.
రిచీ బెర్రింగ్టన్ కెప్టెన్గా 15 మందితో కూడిన బృందాన్ని సోమవారం హెడ్కోచ్ డగ్ వాట్సన్(Dug Watson) అధికారికంగా ప్రకటించాడు. మాథ్యూ క్రాస్ వికెట్ కీపర్గా ఎంపికయ్యాడు. తుది బృందానికి ఎంపికైన ఆటగాళ్లతో కూడిన వీడియోను స్కాట్లాండ్ బోర్డు ఎక్స్ ఖాతాలో పోస్ట్ చేసింది.
Our ICC Men’s @T20WorldCup squad 🔥🔥🔥#FollowScotland
— Cricket Scotland (@CricketScotland) May 6, 2024
స్కాట్లాండ్ స్క్వాడ్ : రిచీ బెర్రింగ్టన్(కెప్టెన్), మాథ్యూ క్రాస్, బ్రాడ్లీ కర్రీ, క్రిస్ గ్రేవిస్, ఒలి హేర్స్, మైఖేల్ జోన్స్, మైఖేల్ లీస్క్, బ్రాండన్ మెక్మల్లెన్, జార్జ్ మున్సే, సఫ్యాన్ షరిఫ్, క్రిస్ సోలే, చార్లీ టీర్, మార్క్ వ్యాట్, బ్రాడ్ వేల్.
Introducing your Scotland squad for the 2024 ICC Men’s @T20WorldCup… 🥁🤩🏴#FollowScotland pic.twitter.com/17Z5HME8GR
— Cricket Scotland (@CricketScotland) May 6, 2024
జూన్ 1వ తేదీన పొట్టి ప్రపంచకప్ షురూ కానుంది. స్కాట్లాండ్ జట్టు తొలి పోరులో జూన్ 4న ఇంగ్లండ్తో తలపడనుంది. జూన్ 29న జరిగే ఫైనల్ మ్యాచ్తో విజేత ఎవరో తేలిపోనుంది. పసికూనగా అంతర్జాతీయ క్రికెట్లో అడుగుపెట్టి.. సంచలన విజయాలకు కేరాఫ్ అయిన స్కాట్లాండ్కు ఇది ఆరో వరల్డ్ కప్. ఈసారి మరింత మెరుగైన ప్రదర్శన చేయాలని బెర్రింగ్టన్ సైన్యం పట్టుదలతో ఉంది.