CWC 2023: రికార్డుల దుమ్ముదులిపిన వన్డే వరల్డ్ కప్.. స్టేడియాలకు పోటెత్తిన అభిమానులు

CWC 2023: 45 రోజుల పాటు సాగిన ఈ మెగా టోర్నీని   స్టేడియాలకు వచ్చి చూసినవారి సంఖ్యను  అంతర్జాతీయ క్రికెట్‌ మండలి (ఐసీసీ) తాజాగా ప్రకటించింది.  భారత్‌లోని పది నగరాల్లో నిర్వహించిన ఈ  టోర్నీని   స్టేడియానికి వచ్చి చూసినవారి సంఖ్య అక్షరాలా...

CWC 2023: రెండ్రోజుల క్రితం భారత్‌ వేదికగా ముగిసిన వన్డే ప్రపంచకప్‌ పలు పాత రికార్డులను బద్దలుకొట్టింది.  ఆటలోనే గాక ఆటేతర విషయాలలో కూడా  ఎక్కడా తగ్గేదేలే అన్నట్టుగా  రికార్డులు సృష్టించింది.  45 రోజుల పాటు సాగిన ఈ మెగా టోర్నీని   స్టేడియాలకు వచ్చి చూసినవారి సంఖ్యను  అంతర్జాతీయ క్రికెట్‌ మండలి (ఐసీసీ) తాజాగా ప్రకటించింది.  భారత్‌లోని పది నగరాల్లో నిర్వహించిన ఈ  టోర్నీని   స్టేడియానికి వచ్చి చూసినవారి సంఖ్య అక్షరాలా  12 లక్షల 50 వేల 307 మందిగా  నిర్దారించింది.  ఇప్పటివరకూ జరిగిన ఏ ఒక్క  ఐసీసీ ఈవెంట్‌కూ ఇంతమంది రాలేదు.

వాస్తవానికి  అక్టోబర్‌ 05న అహ్మదాబాద్‌ వేదికగా  ఇంగ్లండ్‌ – న్యూజిలాండ్‌ మధ్య జరిగిన తొలి మ్యాచ్‌లో ప్రేక్షకులే కనిపించలేదు.  దాదాపు స్టేడియం అంతా ఖాళీగానే దర్శనమిచ్చింది. ఆ తర్వాత  భారత్‌ ఆడే మ్యాచ్‌లు  మినహా అంతా చప్పచప్పగానే సాగింది.  కానీ నెదర్లాండ్స్‌,  అఫ్గానిస్తాన్‌ జట్ల అనూహ్య విజయాలు,  సౌతాఫ్రికా ఆటగాళ్ల  మెరుపు బ్యాటింగ్‌కు తోడు  ఉత్కంఠ మ్యాచ్‌లు కూడా అభిమానులను స్టేడియాలకు రప్పించాయి.  వరల్డ్‌ కప్‌ మిడ్‌ షెడ్యూల్‌ ముగిసేసరికి  ఈ  టోర్నీని స్టేడియానికి వచ్చి చూసిన వారి సంఖ్య  ఏకంగా ఐదు లక్షలు దాటింది.

 

The biggest EVER 👏 🥳

Thank YOU to all of our fans who helped make #CWC23 the most attended yet! 🏟

More 📲 https://t.co/4womT6R5rv pic.twitter.com/cqNwNlPPsp

— ICC (@ICC) November 21, 2023

ఇక నాకౌట్‌ మ్యాచ్‌లకు కూడా  ఫ్యాన్స్‌ ఎగబడి  హాజరయ్యారు. భారత్‌ – న్యూజిలాండ్‌ మధ్య వాంఖెడే వేదికగా జరిగిన తొలి సెమీస్‌కు మొత్తం స్టేడియం నిండిపోయింది. ఆసీస్‌ –  సౌతాఫ్రికా మధ్య  కోల్‌కతాలో జరిగిన రెండో సెమీస్‌లో కూడా ఈడెన్‌ గార్డెన్స్‌  కూడా దాదాపు నిండింది.  భారత్‌ – ఆసీస్‌ మధ్య  అహ్మదాబాద్‌లో జరిగిన  వన్డే వరల్డ్‌ కప్‌ ఫైనల్‌ను ప్రత్యక్షంగా వీక్షించినవారి సంఖ్య సుమారు  95వేలకు తగ్గలేదు.

• 2015లో ఆసీస్‌, కివీస్‌ వేదికలుగా జరిగిన వన్డే ప్రపంచకప్‌ను 10,16,420 మంది వీక్షించారు.
• 2019లో ఇంగ్లండ్‌, వేల్స్‌లో జరిగిన వరల్డ్‌ కప్‌ను చూసినవారు 7, 52,000 మాత్రమే.
• తాజాగా 2019లో ఏకంగా 12,50,307 మంది  ప్రపంచకప్‌ సమరాలను  చూశారు.
• నేరుగా స్టేడియాలకు వచ్చినవారి పరంగానే గాక టీవీలు, మొబైల్‌ తెరల మీద కూడా వరల్డ్‌ కప్‌ పాత రికార్డులను బద్దలుకొట్టింది. భారత్‌, ఆసీస్‌ ఫైనల్‌ మ్యాచ్‌ను డిస్నీ  హాట్‌ స్టార్‌లో  ఏకంగా 5.6 కోట్ల మంది చూశారు.