Rafeal Nadal | తిర‌గ‌బెట్టిన కండ‌రాల నొప్పి.. క్వార్ట‌ర్ ఫైన‌ల్లో వెనుదిరిగిన స్పెయిన్ బుల్

Rafeal Nadal : బ్రిస్బేన్ ఇంట‌ర్నేష‌న్‌(Brisbane International)లో మాజీ వ‌ర‌ల్డ్ నంబ‌ర్ 1 నాద‌ల్ (Rafeal Nadal) పోరాటం ముగిసింది. క్వార్ట‌ర్ ఫైన‌ల్లో జొర్డాన్ థాంప్స‌న్(Jordan Thompson) చేతిలో ర‌ఫా ఓట‌మి పాల‌య్యాడు. 3 గంట‌ల 26 నిమిషాలు పాటు...

Rafeal Nadal : బ్రిస్బేన్ ఇంట‌ర్నేష‌న్‌(Brisbane International)లో మాజీ వ‌ర‌ల్డ్ నంబ‌ర్ 1 నాద‌ల్ (Rafeal Nadal) పోరాటం ముగిసింది. క్వార్ట‌ర్ ఫైన‌ల్లో జొర్డాన్ థాంప్స‌న్(Jordan Thompson) చేతిలో ర‌ఫా ఓట‌మి పాల‌య్యాడు. 3 గంట‌ల 26 నిమిషాలు పాటు జ‌రిగిన మార‌థాన్ మ్యాచ్‌లో నాద‌ల్ చేతులెత్తేశాడు. తొడ కండ‌రాల నొప్పి తిర‌గ‌బెట్ట‌డంతో హోరీ హోరీగా సాగిన మ్యాచ్‌లో 7-6, 6-7, 3-6తో ఓడిపోయాడు.

రెండో సెట్‌లో మూడు మ్యాచ్ పాయింట్ల‌ను సొంతం చేసుకున్న స్పెయిన్ బుల్ 10వ గేమ్‌లో మ్యాచ్ పాయింట్‌ను సాధించ‌లేక‌పోయాడు. అనంత‌రం వ‌రుస‌గా రెండు టై బ్రేక‌ర్స్‌ను కోల్పోయాడు. ఆఖ‌రి సెట్‌లో దూకుడుగా ఆడిన జోర్డాన్ విజేత‌గా నిలిచాడు.

Comeback COMPLETE 🥶@jordanthommmo2 saves 3 match points to defeat Nadal on his return 5-7 7-6 6-3 and reach the last 4 in Brisbane#BrisbaneTennis pic.twitter.com/4r5IMtYCfP

— Tennis TV (@TennisTV) January 5, 2024

ఏడాది విరామం త‌ర్వాత కోర్టులో అడుగుపెట్టిన నాద‌ల్ త‌న‌దైన షాట్ల‌తో అల‌రించాడు. తొలి గేమ్‌లో డోమ్నిక్ థీమ్‌ను సులువ‌గా ఓడించిన ర‌ఫా.. రెండో మ్యాచ్‌లో జాక‌బ్ క‌బ్ల‌ర్‌ను మ‌ట్టిక‌రిపించాడు. అయితే.. క్వార్ట‌ర్ ఫైన‌ల్లో తొడ కండ‌రాల నొప్పితో బాధ‌ప‌డిన నాద‌ల్.. జోర్డాన్‌కు పోటీ ఇవ్వ‌లేక మ్యాచ్ చేజార్చుకున్నాడు. మ్యాచ్ అనంత‌రం అభిమానుల‌కు వీడ్కోలు ప‌లికిన నాద‌ల్ ప్ర‌తిష్ఠాత్మ‌క‌ ఆస్ట్రేలియ‌న్ ఓపెన్ 2024 కోసం స‌న్న‌ద్ధం కానున్నాడు.

ఇవి కూడా చ‌ద‌వండి

• David Warner | వార్న‌ర్‌కు బ‌హుమ‌తిగా బాబ‌ర్ జెర్సీ.. వీడియో
• Prajapalana | నేటితో ముగియనున్న ప్రజాపాలన దరఖాస్తులు..
• Hijacked Ship | హైజాక్‌ అయిన నౌకలోని సిబ్బందిని ఇలా రక్షించారు.. వీడియో షేర్‌ చేసిన నేవీ
• Formula E race: ఫిబ్ర‌వ‌రి 10న జ‌ర‌గాల్సిన హైద‌రాబాద్ ఈ-రేస్ ర‌ద్దు