David Warner | వార్న‌ర్‌కు బ‌హుమ‌తిగా బాబ‌ర్ జెర్సీ.. వీడియో

David Warner : ఆస్ట్రేలియా డాషింగ్ ఓపెన‌ర్ డేవిడ్ వార్న‌ర్‌(David Warner) టెస్టు కెరీర్‌ను విజ‌యంతో ముగించాడు. సిడ్నీ క్రికెట్ గ్రౌండ్‌(SCG)లో డేవిడ్ భాయ్ హాఫ్ సెంచ‌రీతో క‌దం తొక్కడంతో ఆసీస్ 8 వికెట్ల తేడాతో పాకిస్థాన్‌ను...

David Warner : ఆస్ట్రేలియా డాషింగ్ ఓపెన‌ర్ డేవిడ్ వార్న‌ర్‌(David Warner) టెస్టు కెరీర్‌ను విజ‌యంతో ముగించాడు. సిడ్నీ క్రికెట్ గ్రౌండ్‌(SCG)లో డేవిడ్ భాయ్ హాఫ్ సెంచ‌రీతో క‌దం తొక్కడంతో ఆసీస్ 8 వికెట్ల తేడాతో పాకిస్థాన్‌ను చిత్తు చేసింది. చివ‌రి టెస్టు మ్యాచ్ ఆడేసిన వార్న‌ర్ స్టేడియంలోని వంద‌లాది మంది అభిమానుల‌కు అభివాదం చేశాడు.

మ్యాచ్ అనంతరం పాకిస్థాన్ కెప్టెన్ షాన్ మ‌సూద్ ఈ లెఫ్ట్ హ్యాండ‌ర్‌కు స్పెష‌ల్ గిఫ్ట్ ఇచ్చాడు. పాక్ ఆట‌గాళ్లు సంత‌కాలు చేసిన మాజీ కెప్టెన్ బాబ‌ర్ ఆజాం జెర్సీని మ‌సూద్ వార్న‌ర్‌కు అందించాడు. అంతేకాదు అత‌డి భ‌విష్య‌త్ బాగుండాలని మ‌సూద్ ఆకాంక్షించాడు.

Shan Masood, on behalf of the Pakistan team, gifts Babar Azam’s signed playing top to David Warner 🤝 #AUSvPAK pic.twitter.com/MCGUDQ9Bqv

— 7Cricket (@7Cricket) January 6, 2024

విజ‌యంతో కెరీర్‌కు వీడ్కోలు ప‌ల‌కిన వార్న‌ర్ మాట్లాడుతూ.. ‘నా క‌ల నిజ‌మైంది. 3-0తో సిరీస్ గెలిచినందుకు సంతోషంగా ఉంది. గ‌త 18 నెల‌లుగా ఆసీస్ జ‌ట్టు అద్భుతంగా ఆడుతోంది. వ‌ర‌ల్డ్ టెస్ట్ చాంపియ‌న్‌షిప్ గెలిచాం. భార‌త గ‌డ్డ‌పై వ‌న్డే వ‌ర‌ల్డ్ క‌ప్ అందుకున్నాం. ఇప్పుడు స్వ‌దేశంలో 3-0తో సిరీస్ గెల‌వ‌డం నిజంగా గొప్ప‌గా అనిపిస్తోంది’ అని వార్న‌ర్ అన్నాడు. 112 టెస్టుల్లో వార్న‌ర్ 44.59 స‌గుట‌తో 8,786 ప‌రుగులు సాధించాడు. 26 శ‌త‌కాలు, 37 హాఫ్ సెంచ‌రీలు అత‌డి ఖాతాలో ఉన్నాయి. అత్య‌ధిక స్కోర్.. 335 నాటౌట్.

ఇవి కూడా చ‌ద‌వండి

• Titas Sadhu | ఆఖ‌రి నిమిషంలో జ‌ట్టులోకి.. సూప‌ర్ స్పెల్‌తో ఆస్ట్రేయాను వ‌ణికించిన సాధు
• Surbhi Chandna | బ్లాక్ డ్రెస్‌లో పరువాలు ఒలకబోస్తున్న సురభి చందన..
• David Warner: చివ‌రి ఇన్నింగ్స్‌లో హాఫ్ సెంచ‌రీ.. టెస్టుల‌కు వార్న‌ర్ వీడ్కోలు