Novak Djokovic | నిట్టో ఏటీపీ ఫైన‌ల్లో జ‌కోవిచ్.. ఫెద‌ర‌ర్ రికార్డు బ‌ద్ధ‌లు కొడ‌తాడా..?

Novak Djokovic : టెన్నిస్‌లో అత్య‌ధిక గ్రాండ్స్‌స్లామ్స్‌తో రికార్డు సృష్టించిన నొవాక్ జ‌కోవిచ్(Novak Djokovic) మ‌రో రికార్డుపై క‌న్నేశాడు. అత్య‌ధిక గ్రాండ్‌స్లామ్ టైటిళ్ల‌తో స్పెయిన్ బుల్ ర‌ఫెల్ నాద‌ల్ (Rafael Nadal) రికార్డు బ్రేక్ చేసిన అత‌ను ఈసారి ఆల్‌టైమ్ గ్రేట్ రోజ‌ర్ ఫెద‌ర‌ర్(Roger Federer) రికార్డుపై గురి పెట్టాడు. శుక్ర‌వారం జ‌రిగిన మ్యాచ్‌లో జ‌కో టేల‌ర్ ఫ్రిట్జ్‌(Taylor Fritz )పై...

Novak Djokovic : టెన్నిస్‌లో అత్య‌ధిక గ్రాండ్స్‌స్లామ్స్‌తో రికార్డు సృష్టించిన నొవాక్ జ‌కోవిచ్(Novak Djokovic) మ‌రో రికార్డుపై క‌న్నేశాడు. అత్య‌ధిక గ్రాండ్‌స్లామ్ టైటిళ్ల‌తో స్పెయిన్ బుల్ ర‌ఫెల్ నాద‌ల్(Rafael Nadal) రికార్డు బ్రేక్ చేసిన అత‌ను ఈసారి ఆల్‌టైమ్ గ్రేట్ రోజ‌ర్ ఫెద‌ర‌ర్(Roger Federer) రికార్డుపై గురి పెట్టాడు. శుక్ర‌వారం జ‌రిగిన మ్యాచ్‌లో జ‌కో టేల‌ర్ ఫ్రిట్జ్‌(Taylor Fritz )పై గెలుపొంది నిట్టో ఏటీపీ( Nitto ATP Finals) ఫైనల్లో అడుగుపెట్టాడు.

దాంతో వ‌ర‌ల్డ్ నంబ‌ర్ 1 కార్లోస్ అల్క‌రాజ్‌(Carlos Alcaraz)తో అమీతుమీకి సిద్ధ‌మ‌య్యాడు. ఇప్ప‌టివ‌ర‌కూ ఈ రెండో సీడ్ ప్లేయ‌ర్ 16సార్లు నిట్టో ఏటీపీ ఫైన‌ల్స్ ఆడాడు. ఈసారి అత‌ను ట్రోఫీ గెలిస్తే ఫెద‌ర‌ర్ రికార్డు బ‌ద్ధ‌లు కొడ‌తాడు. ఏడాది క్రితం ఆరు నిట్టో ఏటీపీ ట్రోఫీల‌తో జ‌కో ఫెద‌ర‌ర్ స‌ర‌స‌న నిలిచాడు. రికార్డుకు చేరువ‌వుతాడు.

🚨Qualified 🚨@DjokerNole has punched his ticket to the 2023 Nitto ATP Finals in Turin 🥊#NittoATPFinals pic.twitter.com/cv2OHUXsNq

— ATP Tour (@atptour) August 19, 2023

ఈ ఏడాది జ‌కోవిచ్ సూప‌ర్ ఫామ్ కొన‌సాగిస్తున్నాడు. ఆస్ట్రేలియ‌న్ ఓపెన్‌(Australian Open 2023) టైటిల్ గెలుపుతో అత‌డి జైత్ర‌యాత్ర మొద‌లైంది. ఆ వెంట‌నే ఫ్రెంచ్ ఓపెన్(French Open 2023) చాంపియ‌న్‌గా అవ‌త‌రించాడు. దాంతో, అత్య‌ధికంగా 23 గ్రాండ్‌స్లామ్స్ సాధించిన ఆట‌గాడిగా చ‌రిత్ర సృష్టించాడు.

రోజ‌ర్ ఫెద‌ర‌ర్, జ‌కోవిచ్

అయితే.. వింబుల్డ‌న్(Wimbledon) ఫైన‌ల్లో ఓట‌మితో అత‌డి విజ‌య ప్ర‌స్థానం ముగిసింది. స్పెయిన్ సంచ‌ల‌నం కార్లోస్ అల్క‌రాజ్‌ చేతిలో అత‌ను కంగుతిన్నాడు. ఆ ఓట‌మితో ఎనిమిదో వింబుల్డ‌న్ ట్రోఫీ ద‌క్కించుకోవాల‌నుకున్న అత‌డి క‌ల ఫ‌లించ‌లేదు.

ఇవి కూడా చ‌ద‌వండి

rithvi Shaw | ముంబైకి పెద్ద షాక్.. ఆ రెండు టోర్నీల‌కు ఈ స్టార్ ఓపెన‌ర్ డౌటే..!

World Cup 2023 | అలా అయితేనే భారత్‌ ప్రపంచకప్‌ గెలుస్తది.. జోస్యం చెప్పిన ఏబీ డివిలియర్స్‌