Lionel Messi | ఇంట‌ర్ మియామి త‌ర‌ఫున మెస్సీ తొలి గోల్.. క‌న్నీళ్లు పెట్టుకున్న ఇంగ్లండ్ దిగ్గ‌జం

Lionel Messi : అర్జెంటీనా కెప్టెన్ లియోన‌ల్ మెస్సీ(Lionel Messi) తానెంత విలువైన ఆట‌గాడో మ‌రోసారి నిరూపించాడు. కొత్త క్ల‌బ్ ఇంట‌ర్ మియామి(Inter Miami) త‌న‌పై పెట్టుకున్న న‌మ్మ‌కాన్ని నిజం చేశాడు. అవును.. ఆ క్ల‌బ్ త‌ర‌ఫున ఆడిన‌ మొద‌టి మ్యాచ్‌లోనే అత‌ను మ్యాచ్ విన్నింగ్ గోల్ కొట్టాడు. మెస్సీ గోల్ కొట్ట‌గానే ఆ క్ల‌బ్ స‌హ య‌జ‌మాని డేవిడ్ బెక్‌హ‌మ్(David Beckham) సంతోషంతో....

Lionel Messi : అర్జెంటీనా కెప్టెన్ లియోన‌ల్ మెస్సీ(Lionel Messi) తానెంత విలువైన ఆట‌గాడో మ‌రోసారి నిరూపించాడు. కొత్త క్ల‌బ్ ఇంట‌ర్ మియామి(Inter Miami) త‌న‌పై పెట్టుకున్న న‌మ్మ‌కాన్ని నిజం చేశాడు. అవును.. ఆ క్ల‌బ్ త‌ర‌ఫున ఆడిన‌ మొద‌టి మ్యాచ్‌లోనే అత‌ను మ్యాచ్ విన్నింగ్ గోల్ కొట్టాడు. మెస్సీ గోల్ కొట్ట‌గానే ఆ క్ల‌బ్ స‌హ య‌జ‌మాని డేవిడ్ బెక్‌హ‌మ్(David Beckham) సంతోషంతో క‌న్నీళ్లు పెట్టుకున్నాడు.

టెన్నిస్ లెజెండ్ సెరీనా విలియ‌మ్స్(Serena Williams) అయితే.. ఓ నిమిషం షాక్‌కు గురైంది. హాలీవుడ్ హీరోయిన కిమ్ కర్దాషియ‌న్(Kim Kardashian) సైతం ఆశ్చ‌ర్య‌పోయింది. వీళ్ల రియాక్ష‌న్ వీడియో ప్ర‌స్తుతం సోష‌ల్‌మీడియాలో వైర‌ల్ అవుతోంది.

Look at the reactions of Kim Kardashian, Serena Williams, David Beckham and his family to Messi’s goal. They were all there for Lionel Messi’s Inter Miami debut today 🐐#LionelMessi #InterMiamiCF pic.twitter.com/QqplhZQlK6

— Farid Khan (@_FaridKhan) July 22, 2023

‘అది చివ‌రి అవ‌కాశం అని నాకు తెలుసు. అయితే… ఎప్ప‌టిలాగానే బంతిని త‌న్నాను. అదృష్ట‌వ‌శాత్తూ గోల్ కీప‌ర్ బంతిని అందుకోలేక‌పోయాడు. ఈ మ్యాచ్‌లో విజ‌యం మా జ‌ట్టుకు చాలా ముఖ్యం. ఎందుకంటే..? లీగ్‌లో మా జ‌ట్టు అగ్ర‌స్థానంలో లేదు. ఈ గెలుపుతో మా ఆట‌గాళ్ల‌లో ఆత్మ‌విశ్వాసం పెరుగుతుంది’ అని మెస్సీ మ్యాచ్ అనంత‌రం అన్నాడు.

94 వ నిమిషంలో

ఈమ‌ధ్యే పారిస్ సెయింట్ జ‌ర్మ‌నీ క్ల‌బ్‌(PSG)ను వీడిన మెస్సీ ఇంట‌ర్ మియామా త‌ర‌ఫున శుక్ర‌వారం తొలి మ్యాచ్ ఆడాడు. లీగ్స్ క‌ప్‌(Leagues Cup)లో భాగంగా క్ర‌జ్ అజుల్(Cruz Azul) క్ల‌బ్‌తో జ‌రిగిన మ్యాచ్‌లో ఈ స్టార్ ఆట‌గాడు 54 నిమిషంలో మైదానంలో దిగాడు. గ్రౌండ్‌లోకి రావ‌డ‌మే ఆల‌స్యం చురుకుగా క‌దులుతూ ప్ర‌త్య‌ర్థి ఆట‌గాళ్లను కంగారు పెట్టాడు. అప్ప‌టికీ ఇరుజ‌ట్ల స్కోర్లు 1-1తో స‌మంగా ఉన్నాయి. అయితే.. 94 వ నిమిషంలో మెస్సీ అద్బుత‌రీతిలో గోల్ కొట్టి జ‌ట్టును గెలిపించాడు.

లియోన‌ల్ మెస్సీ, డేవిడ్ బెక్‌హ‌మ్

ఫ్రీ కిక్ రూపంలో వ‌చ్చిన అవ‌కాశాన్ని స‌ద్వినియోగం చేసుకున్నాడు. ఎడ‌మ కాలితో బంతిని నేరుగా గోల్‌పోస్ట్‌లోకి పంపాడు. క్ర‌జ్ అజుల్ గోల్ కీప‌ర్ అండ్రెస్ గుడినో ఎడ‌మ‌వైపు జంప్ చేసినా కూడా బంతిని ఆప‌లేక‌పోయాడు. ఆ క్ష‌ణం స్టేడియం అంతా మెస్సీ.. మెస్సీ.. నినానాద‌ల‌తో హోరెత్తింది. ఈ మ్యాచ్‌లో ఇంట‌ర్ మియామి జ‌ట్టు 2-1తో గెలుపొందింది. ఈ విజ‌యంతో ఇంట‌ర్ మియామి జ‌ట్టు గ్రూప్ ‘జే’లో ఫ‌స్ట్ ప్లేస్‌కు చేరింది.

ఇవి కూడా చ‌ద‌వండి

Virat Kohli 76th Ton | విరాట్‌ క్లాసిక్‌ సెంచరీ.. అనుష్క, సచిన్ ఇన్‌స్టా పోస్టు వైర‌ల్‌

Bangladesh vs India | బంగ్లాను హడలెత్తించిన భారత్.. టీమిండియా టార్గెట్ ఎంతంటే?