Lionel Messi | ‘నా కెరీర్‌లో అంద‌మైన పిచ్చిత‌నానికి ఏడాది’.. వ‌ర‌ల్డ్ క‌ప్ ట్రోఫీ విజ‌యంపై మెస్సీ

Lionel Messi : అర్జెంటీనా మూడోసారి విశ్వ‌విజేత‌గా అవ‌త‌రించి ఏడాది గ‌డిచింది. నిరుడు ఖ‌తార్ గ‌డ్డ‌పై ట్రోఫీ అందుకున్న ఆ మ‌ధుర క్ష‌ణాలను కెప్టెన్ లియోన‌ల్ మెస్సీ(Lionel Messi) ఇంకా మ‌ర్చిపోలేక‌పోతున్నాడు. నిరుడు వ‌ర‌ల్డ్ క‌ప్ ట్రోఫీ గెలిచిన‌ప్ప‌టి నుంచి మెస్సీ ఆ ఆనందంలోనే...

December 19, 2023 / 09:42 AM IST

Lionel Messi | ‘నా కెరీర్‌లో అంద‌మైన పిచ్చిత‌నానికి ఏడాది’.. వ‌ర‌ల్డ్ క‌ప్ ట్రోఫీ విజ‌యంపై మెస్సీ

Lionel Messi : అర్జెంటీనా మూడోసారి విశ్వ‌విజేత‌గా అవ‌త‌రించి ఏడాది గ‌డిచింది. నిరుడు ఖ‌తార్ గ‌డ్డ‌పై ట్రోఫీ అందుకున్న ఆ మ‌ధుర క్ష‌ణాలను కెప్టెన్ లియోన‌ల్ మెస్సీ(Lionel Messi) ఇంకా మ‌ర్చిపోలేక‌పోతున్నాడు. నిరుడు వ‌ర‌ల్డ్ క‌ప్ ట్రోఫీ గెలిచిన‌ప్ప‌టి నుంచి మెస్సీ ఆ ఆనందంలోనే తేలియాడుతున్నాడు. ట్రోఫీ సాధించి సంవత్స‌రం పూర్త‌యిన సంద‌ర్భంగా తాజాగా ఈ స్టార్ ఫుట్‌బాల‌ర్ ఇన్‌స్టాగ్రామ్‌లో ఓ పోస్ట్ పెట్టాడు.

అందులో ‘నా కెరీర్‌లోనే అత్యంత అంద‌మైన పిచ్చిత‌నానికి ఏడాది గ‌డిచింది. జీవిత కాలంలో మ‌ర్చిపోలేని అద్భుత క్ష‌ణాల‌వి. అంద‌రికీ హ్యాపీ యానివ‌ర్స‌రీ’ అని మెస్సీ క్యాప్ష‌న్ రాసుకొచ్చాడు. ప్ర‌స్తుతం ఆ పోస్ట్ సోష‌ల్ మీడియాలో వైర‌ల్ అవుతోంది. నిరుడు ఖ‌తార్ ఆతిథ్యం ఇచ్చిన వ‌ర‌ల్డ్ క‌ప్‌లో అర్జెంటీనా సార‌థి మెస్సీ అద‌ర‌గొట్టాడు. సంచ‌ల‌న ఆట‌తో రెండోసారి జ‌ట్టును ఫైన‌ల్‌కు తీసుకెళ్లాడు.

View this post on Instagram

A post shared by Leo Messi (@leomessi)

లూసెయిల్ స్టేడియంలో జ‌రిగిన ఫైన‌ల్లో అర్జెంటీనా షూటౌట్‌లో 4-2తో ఫ్రాన్స్‌(France)ను ఓడించింది. టైటిల్ పోరులో మెస్సీ రెండు గోల్స్‌తో జ‌ట్టు విజ‌యంలో కీల‌క పాత్ర పోషించాడు. దాంతో, 36 ఏళ్ల త‌ర్వాత మ‌ళ్లీ అర్జెంటీనా ప్ర‌పంచ ఛాంపియ‌న్‌గా అవ‌త‌రించింది. ఆ క్ష‌ణంతో 35 ఏండ్ల‌ మెస్సీ వ‌ర‌ల్డ్ క‌ప్ క‌ల కూడా నెర‌వేరింది. ఈ దిగ్గ‌జ ఫుట్‌బాల‌ర్ 2022 వ‌రల్డ్ క‌ప్‌లో ధ‌రించిన‌ జెర్సీ(World Cup Jersey)లను వేలం వేశాడు. అత‌డి ఆరు 10 వ నంబ‌ర్ జెర్సీల‌ను వేలం వేయ‌గా రూ.64 కోట్లు వ‌చ్చాయి. ఆ డ‌బ్బులో కొంత భాగాన్ని అరుదైన వ్యాధితో బాధప‌డుతున్న చిన్న‌పిల్ల‌ల చికిత్స కోసం విరాళంగా ఇవ్వ‌నున్న‌ట్టు మెస్సీ వెల్ల‌డించాడు.

Messi F

వ‌ర‌ల్డ్ క‌ప్ అనంతరం పీఎస్‌జీ(PSG) క్ల‌బ్‌ను వీడిన మెస్సీ అమెరికాకు చెందిన‌ ఇంట‌ర్ మియామి(Inter Miami) క్ల‌బ్‌తో ఒప్పందం చేసుకున్నాడు. మేజ‌ర్ సార‌గ్ లీగ్‌లో ఆ జ‌ట్టును విజేత‌గా నిలిపాడు. ఈ ఏడాది అత్యుత్త‌మ ప్ర‌ద‌ర్శ‌న‌తో ఆక‌ట్టుకున్న‌ మెస్సీని ప్ర‌తిష్ఠాత్మ‌క‌ ‘బాల‌న్ డీ ఓర్'(Ballon d’Or) అవార్డు వ‌రించింది. అత‌డు రికార్డు స్థాయిలో ఎనిమిదోసారి ఈ అవార్డును అందుకోవ‌డం విశేషం.