KL Rahul | ఎన్‌సీఏలో రాహుల్.. ఐపీఎల్ టైంకి ఫిట్‌నెస్ సాధిస్తాడా..?

KL Rahul : భార‌త స్టార్ ఓపెన‌ర్ కేఎల్ రాహుల్(KL Rahul) త్వ‌రలోనే పున‌రాగ‌మ‌నం చేయ‌నున్నాడు. తొడ కండ‌రాల గాయం కార‌ణంగా ఇంగ్లండ్ సిరీస్‌కు దూర‌మైన రాహుల్ లండ‌న్‌లో ట్రీట్మెంట్ తీసుకున్నాడు. అక్క‌డి నుంచి ఆదివారం..

KL Rahul : భార‌త స్టార్ ఓపెన‌ర్ కేఎల్ రాహుల్(KL Rahul) త్వ‌రలోనే పున‌రాగ‌మ‌నం చేయ‌నున్నాడు. తొడ కండ‌రాల గాయం కార‌ణంగా ఇంగ్లండ్ సిరీస్‌(England Series)కు దూర‌మైన రాహుల్ లండ‌న్‌లో ట్రీట్మెంట్ తీసుకున్నాడు. అక్క‌డి నుంచి ఆదివారం భార‌త్ వ‌చ్చేశాడు. బెంగ‌ళూరులోని నేష‌నల్ క్రికెట్ అకాడ‌మీలో ఈ స్టార్ బ్యాట‌ర్ పున‌రావసం పొంద‌నున్నాడు. ఐపీఎల్ 17 సీజ‌న్ వ‌ర‌కు అత‌డు ఫిట్‌నెస్ సాధించే చాన్స్ ఉందని స‌మాచారం.

‘లండ‌న్‌లో రాహుల్ నిపుణులైన వైద్యుల‌తో చికిత్స చేయించుకున్నాడు. అత‌డు మార్చి 3వ తేదీన భార‌త్‌కు వ‌చ్చాడు. బీసీసీఐ ఆధ్వ‌ర్యంలోని నేష‌న‌ల్ క్రికెట్ అకాడ‌మీలో రాహుల్ రిహాబిలిటేష‌న్‌లో ఉండనున్నాడు. ఎన్‌సీఏ అత‌డికి ఫిట్‌నెస్ స‌ర్టిఫికెట్ ఇచ్చే అవకాశ‌ముంది’ అని బీసీసీఐ వ‌ర్గాలు తెలిపాయి.

Update on KL Rahul – “He returned to India on Sunday and has checked into the BCCI’s NCA in Bangalore for rehab. He should get the return to Play certificate from the NCA soon. He is keen to prove his worth in the IPL as he’s in line for selection in India’s T20 WC team.” pic.twitter.com/9SpcoPUNSp

— Kunal Yadav (@Kunal_KLR) March 4, 2024

నిరుడు సీజ‌న్ మ‌ధ్య‌లోనే గాయ‌ప‌డిన రాహుల్ అనూహ్యంగా టోర్నీ మొత్తానికి దూర‌మ‌య్యాడు. దాంతో, ఈసారైనా జ‌ట్టుతో తొంద‌ర‌గా క‌ల‌వాల‌ని ల‌క్నో సూపర్ జెయింట్స్(Lucknow Super Giants) మేనేజ్‌మెంట్, అభిమానులు కోరుకుంటున్నారు. మార్చి 24న ల‌క్నో జ‌ట్టు రాజ‌స్థాన్ రాయ‌ల్స్‌తో త‌ల‌ప‌డ‌నుంది.

ఇంగ్లండ్‌తో హైదరాబాద్‌లో జరిగిన తొలి టెస్టు అనంతరం గాయం కార‌ణంగా రాహుల్ వైజాగ్‌ మ్యాచ్‌కు దూరయ్యాడు. బెంగళూరులోని జాతీయ క్రికెట్‌ అకాడమీ (ఎన్‌సీఏ)లో పునరావాసం పొందాడు. దీంతో మిగిలిన మూడు టెస్టుల కోసం సెలెక్షన్‌ కమిటీ రాహుల్‌ను ఎంపిక చేసింది. అయితే.. రాజ్‌కోట్ టెస్టుకు రెండు రోజుల ముందు.. రాహుల్‌ 90 శాతం మాత్రమే కోలుకోవడంతో అతడిని తప్పించామ‌ని బీసీసీఐ వెల్ల‌డించింది.

FIXTURES. ARE. HERE. 🔥

(some of them 😅) pic.twitter.com/3Qw8EFvVEr

— Lucknow Super Giants (@LucknowIPL) February 22, 2024

2వేల ప‌రుగుల క్ల‌బ్‌లో..

ఐదో స్థానంలో కీల‌క ఆట‌గాడైన రాహుల్ నిరుడు వ‌న్డేల్లో 2వేల ప‌రుగుల క్ల‌బ్‌లో చేరాడు. అంతేకాదు 50 ఓవ‌ర్ల ఫార్మాట్‌లో త‌క్కువ ఇన్నింగ్స్‌ల్లో ఈ మైలురాయికి చేరిన మూడో భార‌త క్రికెట్‌గా రికార్డు నెల‌కొల్పాడు. దాంతో, విరాట్ కోహ్లీ(Virat Kohli) రికార్డును రాహుల్ స‌మం చేశాడు. అవును.. రాహుల్, కోహ్లీ ఇద్ద‌రూ 53వ ఇన్నింగ్స్‌లో 2,000 ర‌న్స్ కొట్టారు.

ఇవి కూడా చ‌ద‌వండి

• Kodali Nani | చంద్రబాబు నుంచి పవన్‌కల్యాణ్‌ను అభిమానులే రక్షించుకోవాలి : కొడాలి నాని
• KCR | ఖమ్మం, మహబూబాబాద్‌ నేతలతో కేసీఆర్‌ భేటీ
• SRH Captain | హైదరాబాద్‌కు ఆస్ట్రేలియా కెప్టెన్లతో విడదీయలేని అనుబంధం.. కమిన్స్‌ ఆ మ్యాజిక్‌ రిపీట్‌ చేస్తాడా..?