Kane Williamson | టీ20 కెప్టెన్సీ వ‌దులుకున్న విలియ‌మ్స‌న్.. కార‌ణం ఇదేనా..?

Kane Williamson : న్యూజిలాండ్ టీ20 సార‌థిగా ఎంపికైన వారం రోజుల‌కే కేన్ విలియ‌మ్స‌న్(Kane Williamson) అంద‌రికీ షాకిచ్చాడు. బంగ్లాదేశ్‌తో మ‌రో ఐదు రోజుల్లో పొట్టి సిరీస్(T20 Series ) షురూ కానుంద‌న‌గా కెప్టెన్సీ నుంచి వైదొలిగాడు. అత‌డితో పాటు స్టార్ ఆల్‌రౌండ‌ర్...

Kane Williamson : న్యూజిలాండ్ టీ20 సార‌థిగా ఎంపికైన వారం రోజుల‌కే కేన్ విలియ‌మ్స‌న్(Kane Williamson) అంద‌రికీ షాకిచ్చాడు. బంగ్లాదేశ్‌తో మ‌రో ఐదు రోజుల్లో పొట్టి సిరీస్(T20 Series ) షురూ కానుంద‌న‌గా కెప్టెన్సీ నుంచి వైదొలిగాడు. అత‌డితో పాటు స్టార్ ఆల్‌రౌండ‌ర్ కైలీ జేమీస‌న్(Kyle Jamieson) కూడా సిరీస్ నుంచి త‌ప్పుకున్నాడు. జ‌ట్టులో కీల‌క‌మైన విలియ‌మ్స‌న్, జేమీస‌న్ అనూహ్యంగా త‌ప్పుకోవ‌డానికి కార‌ణం ఉంది.

వ‌చ్చే ఏడాది స్వ‌దేశంలో ద‌క్షిణాఫ్రికా, ఆస్ట్రేలియాతో న్యూజిలాండ్ టెస్ట్ సిరీస్ ఆడ‌నుంది. ప్రపంచ టెస్టు చాంపియ‌న్‌షిప్ 2023-25 సైకిల్‌లో కివీస్‌కు ఈ సిరీస్‌లు చాలా కీల‌కం. ఆలోపు ఈ ఇద్ద‌రూ ఎలాంటి ఒత్తిడి, గాయాలబారిన ప‌డ‌కుండా ఉండాల‌నే ఉద్దేశంతో టీ20 సిరీస్ నుంచి త‌ప్పించాం అని న్యూజిలాండ్ క్రికెట్ తెలిపింది.

Captain Kane Williamson and Kyle Jamieson have been withdrawn from the T20 Squad to face Bangladesh after Christmas. They will be replaced by Rachin Ravindra and Jacob Duffy, respectively. Mitchell Santner will be captain for the series. #NZvBAN https://t.co/pBk3TcLFk2

— BLACKCAPS (@BLACKCAPS) December 21, 2023

స్వ‌దేశంలో ద‌క్షిణాఫ్రికా, ఆస్ట్రేలియాతో జ‌రిగే టెస్టు సిరీస్‌కు విలియ‌మ్స‌న్‌, జేమీస‌న్ ఇద్ద‌రూ ఫిట్‌గా ఉండాల‌ని కోరుకుంటున్నాం. వైద్య సిబ్బందితో చ‌ర్చించిన త‌ర్వాతే వీళ్ల‌కు మ‌రింత విశ్రాంతి అవ‌స‌ర‌మ‌ని నిర్ణ‌యించాం. అందుక‌నే బంగ్లాదేశ్‌తో టీ20 సిరీస్‌లో వీళ్లు ఆడ‌డం లేదు అని హెడ్‌కోచ్ గ్యారీ స్టీడ్(Gary Stead) తెలిపాడు.

విలియ‌మ్స‌న్

పొట్టి సిరీస్ కోసం విలియ‌మ్స‌న్ కెప్టెన్‌గా డిసెంబ‌ర్ 17న‌ 15మందితో కూడిన బృందాన్నిన్యూజిలాండ్ క్రికెట్ (Newzealand Cricket) ప్ర‌క‌టించింది. ఇప్పుడు విలియ‌మ్స‌న్, జేమీస‌న్ దూరం కావ‌డంతో దేశ‌వాళీలో అద‌ర‌గొడుతున్న‌ జాక‌బ్ డ‌ఫ్ఫీ, వ‌ర‌ల్డ్ క‌ప్ హీరో ర‌చిన్ ర‌వీంద్ర‌ల‌ను సెలెక్ట‌ర్లు ఎంపిక చేశారు. ఈ సిరీస్‌కు  మిచెల్ శాంట్న‌ర్ వ్య‌వ‌హ‌రించ‌నున్నాడు.  డిసెంబ‌ర్ 27న బంగ్లాతో టీ20 సిరీస్ మొద‌ల‌వ్వ‌నుంది.

న్యూజిలాండ్ స్క్వాడ్ : మిచెల్ శాంట్న‌ర్(కెప్టెన్), ఫిన్ అలెన్, జాక‌బ్ డ‌ఫ్పీ, ర‌చిన్ రవీంద్ర‌, మార్క్ చాప్‌మ‌న్, అడ‌మ్ మిల్నే, డారిల్ మిచెల్, జేమ్స్ నీషం, గ్లెన్ ఫిలిఫ్స్, బెన్ సియ‌ర్స్, టిమ్ సీఫెర్ట్, టిమ్ సౌథీ, ఇష్ సోధీ.

ఐపీఎల్ 16వ సీజ‌న్ ఆరంభ మ్యాచ్‌లో గాయప‌డిన విలియ‌మ్స‌న్ స్వ‌దేశంలో మోకాలి స‌ర్జ‌రీ చేయించుకున్నాడు. దాదాపు 5 నెల‌లు అంత‌ర్జాతీయ క్రికెట్‌కు దూర‌మైన ఈ స్టార్ బ్యాట‌ర్ గోడ‌కు కొట్టిన బంతిలా తిరిగొచ్చాడు. భార‌త గ‌డ్డ‌పై జ‌రిగిన వ‌న్డే ప్ర‌పంచ‌క‌ప్‌తో విలియ‌మ్స‌న్ పున‌రాగ‌మ‌నం చేశాడు. మిడిలార్డ‌ర్‌లో కీల‌క ఇన్నింగ్స్‌లు ఆడిన కేన్ మామ 256 ర‌న్స్ కొట్టాడు. మ‌రోవైపు త‌ర‌చూ గాయాల బారిన ప‌డుతున్న జేమీస‌న్ ఈ మ‌ధ్యే కోలుకున్నాడు.

ఇవి కూడా చ‌ద‌వండి

• Sonakshi Sinha | కాటుక కన్నులతో కవ్విస్తున్న సోనాక్షి సిన్హా..
• Press-Registration Bill: ఇండియాలో విదేశీ ప‌త్రిక‌లను ప్రింట్ చేసుకోవ‌చ్చు.. కొత్త బిల్లుకు లోక్‌స‌భ ఆమోదం
• coronavirus | 15 నెలల చిన్నారికి కరోనా.. నిలోఫర్‌ ఆస్పత్రిలో తొలి కేసు