Australia Open 2024 : భారత డబుల్స్ ద్వయం అనిరుధ్ చంద్రశేఖర్(Anirudh Chandrasheker), విజయ్ సుందర్ ప్రశాంత్(Vijay Sunder Prashanth) ఏడాది కష్టానికి గుర్తింపు లభించింది. నిరుడు అదరగొట్టిన ఈ జోడీ ప్రతిష్ఠాత్మక ఆస్ట్రేలియా ఓపెన్(Australia Open)లో వైల్డ్కార్ట్ ఎంట్రీ సాధించింది. అనిరుధ్, విజయ్లు 2023లో ఏటీపీ చాలెంజర్స్ ట్రోఫీ(ATP Challengers Trophy)లో విజేతగా నిలిచారు. ఆ తర్వాత జరిగిన పలు టోర్నీల్లో అత్యుత్తమ ప్రదర్శనతో ఆకట్టుకున్నారు.
దాంతో, ఆస్ట్రేలియా ఓపెన్ నిర్వాహకులు వీళ్ల పోరాడేతత్వాన్ని గుర్తించి పురుషుల డబుల్స్లో ఆఖరిదైన ఏడో బెర్తును ఖాయం చేశారు. ఇక మహిళల విభాగంలో చైనా క్రీడాకారిణులు వాంగ్ యఫాన్, యువాన్ యూ జోడీ వైల్డ్కార్డ్ ఎంట్రీ సాధించింది.
After a prolific 2023, @anirudh_pc and @nvsp28 have been awarded the Asia-Pacific wildcard at the @AustralianOpen
The duo will take on Fucsovics🇭🇺/Marozsan🇭🇺 in Round 1 💪🏽#AusOpen pic.twitter.com/y9vMsOv69Y
— Indian Tennis Daily (ITD) (@IndTennisDaily) January 14, 2024
అనిరుధ్, విజయ్ సుందర్లు కాన్బెర్రా ఇంటర్నేషన్లో అసమాన పోరాటంతో ఆకట్టుకున్నారు. కానీ, ఆండ్రూ హ్యారిస్, క్రిస్టోఫర్ రొమియోస్ చేతిలో 6-4, 4-6, 8-10తో ఓటమి పాలై తీవ్రంగా నిరాశపరిచారు. ఆ తర్వాత ఆక్లాండ్లో జరిగిన ఏఎస్బీ క్లాసిక్ టోర్నీలో ఈ ద్వయం తొలి రౌండ్లోనే వెనుదిరిగింది. తాజాగా బెంగళూరు ఓపెన్లో అనిరుధ్, విజయ్ జోడీ ఫైనల్లో అనూహ్యంగా కంగుతిన్నది.
రోహన్ బోపన్న, మాథ్యూ ఎబ్డెన్
గత కొంతకాలంగా నిలకడగా రాణిస్తున్న ఈ ద్వయం ఆస్ట్రేలియా ఓపెన్ సెలెక్టన్ కమిటీ దృష్టిలో పడింది. తద్వారా టెన్నిస్లో వరల్డ్ కప్తో సమానమైన గ్రాండ్స్లామ్ టోర్నీతో సత్తా చాటాలని అనిరుధ్, విజయ్ పట్టుదలతో ఉన్నారు. మరోవైపు డబుల్స్ స్టార్ రోహన్ బోపన్న(Rohan Bopanna) కెరీర్లో 107వ మ్యాచ్కు సిద్ధమవుతున్నాడు. నిరుడు యూఎస్ ఓపెన్ ఫైనల్తో పాటు వింబుల్డన్ సెమీస్కు చేరిన బోపన్న, మాథ్యూ ఎబ్డెన్ జోడీ.. కొత్త ఏడాదిని ఘనంగా ఆరంభించాలనే కసితో ఉంది.