Asia Cup 2023: ప్రాక్టీస్ టైంలో మాట్లాడుకున్న ఇండోపాక్ క్రికెట‌ర్లు.. వీడియో

Asia Cup 2023 : మ‌రికొన్ని గంట‌ల్లో సూప‌ర్ థ్రిల్ల‌ర్ మ్యాచ్ స్టార్ట్ కానున్న‌ది. అయితే నిన్న ప్రాక్టీస్ టైంలో ఇండోపాక్ క్రికెటర్లు కాసేపు మాట్లాడుకున్నారు. ఆసియాక‌ప్‌లో త‌ల‌ప‌డుతున్న ఆ జ‌ట్లు ఇవాళ కీల‌క మ్యాచ్‌ను ఆడనున్నాయి. కోహ్లీ, రోహిత్, రౌఫ్‌, బాబ‌ర్‌లు ఒక‌ర్ని ఒక‌రు ప‌లుక‌రించుకున్నారు.

కాండీ: ఇండియా, పాకిస్థాన్ క్రికెట్ మ్యాచ్ అంటేనే ఓ హై వోల్టేజ్ గేమ్. ఆ ఇక థ్రిల్లింగ్ ఆట క‌న్నా ముందు.. ఇరు జ‌ట్ల ఆట‌గాళ్లు కాస్త సేద తీరారు. ఆసియాక‌ప్‌(Asia Cup 2023)లో ఇవాళ త‌ల‌ప‌డ‌నున్న ఆ ఇరు జ‌ట్లకు చెందిన కొంద‌రు ఆట‌గాళ్లు ప్రాక్టీస్ సెష‌న్ స‌మ‌యంలో మాట్లాడుకున్నారు. ఉత్కంఠ రేపే ఆ పోరుకు ముందు విరాట్ కోహ్లీతో పాటు రోహిత్ శ‌ర్మ మ‌రికొంత మంది ప్లేయ‌ర్లు పాక్ క్రికెట‌ర్ల‌తో చిట్‌చాట్ చేశారు. పాక్ బౌల‌ర్ హ‌రీశ్ రౌఫ్‌తో విరాట్ కోహ్లీ మాట్లాడారు. మ‌రో స్పీడ్‌స్ట‌ర్ షాహీన్ అఫ్రిది, షాదాబ్ ఖాన్‌ల‌ను కూడా డ్రెస్సింగ్ రూమ్‌లో క‌లుసుకున్నాడు విరాట్‌. ఇండోపాక్ కెప్టెన్లు రోహిత్‌, బాబ‌ర్ ఆజ‌మ్‌లు కూడా బ్యాటింగ్ నెట్స్ వ‌ద్ద ఒక‌ర్ని ఒక‌రు ప‌లుక‌రించుకున్నారు.

India 🤝 Pakistan players meet-up during practice session.

Kohli & Rauf, Rohit & Babar, Siraj & Rauf and many more – lovely moments. pic.twitter.com/P01wJOIUHA

— Johns. (@CricCrazyJohns) September 1, 2023