Andrew Flintoff | హెడ్‌కోచ్‌గా ఇంగ్లండ్ మాజీ ఆల్‌రౌండ‌ర్.. ఏ జ‌ట్టుకో తెలుసా..?

Andrew Flintoff : ఇంగ్లండ్ మాజీ ఆల్‌రౌండ‌ర్ ఆండ్రూ ఫ్లింటాఫ్(Andrew Flintoff) కోచ్‌గా కొత్త అవ‌తార‌మెత్తాడు. హండ్రెడ్ లీగ్‌లోని నార్త‌ర్న్ సూప‌ర్‌చార్జ‌ర్స్(Northern Superchargers) పురుషుల జ‌ట్టుకు హెడ్‌కోచ్‌గా నియ‌మితుల‌య్యాడు. అనుభ‌వ‌జ్ఞుడైన ఫ్లింటాఫ్‌కు కోచ్‌ బాధ్య‌త‌లు...

Andrew Flintoff : ఇంగ్లండ్ మాజీ ఆల్‌రౌండ‌ర్ ఆండ్రూ ఫ్లింటాఫ్(Andrew Flintoff) కోచ్‌గా కొత్త అవ‌తార‌మెత్తాడు. హండ్రెడ్ లీగ్‌లోని నార్త‌ర్న్ సూప‌ర్‌చార్జ‌ర్స్(Northern Superchargers) పురుషుల జ‌ట్టుకు హెడ్‌కోచ్‌గా నియ‌మితుల‌య్యాడు. అనుభ‌వ‌జ్ఞుడైన ఫ్లింటాఫ్‌కు కోచ్‌ బాధ్య‌త‌లు అప్ప‌గిస్తున్న‌ట్టు సూప‌ర్‌చార్జ‌ర్స్ యాజ‌మాన్యం బుధ‌వారం ఓ ప్ర‌క‌ట‌న‌లో తెలిపింది. జేమ్స్ ఫోస్ట‌ర్ స్థానంలో ఫ్లింటాఫ్ కోచ్‌గా బాధ్య‌త‌లు చేప‌ట్ట‌నున్నాడు.

నార్త‌ర్న్ సూప‌ర్‌చార్జ‌ర్స్ హెడ్‌కోచ్‌గా ఎంపికైనందుకు నాకు చాలా సంతోషంగా ఉంది. ఇంగ్లండ్‌కు ఆడిన రోజులు నాకు క్రికెట్ అంటే ఎంత ఇష్ట‌మో చాటుతాయి. ఈ కొత్త బాధ్య‌త‌ను స‌మ‌ర్థంగా నిర్వ‌హించేందుకు, సూప‌ర్‌చార్జ‌ర్స్‌ను విజ‌యాల బాట ప‌ట్టించేందుకు ఆస‌క్తిగా ఎదురుచూస్తున్నా అని ఫ్లింటాఫ్ తెలిపాడు.

Andrew Flintoff has been named as the new Head Coach for the Northern Superchargers Men’s team 💜

— The Hundred (@thehundred) November 15, 2023

ఆల్‌రౌండ‌ర్‌గా ఫ్లింటాఫ్ ఇంగ్లండ్ క్రికెట్‌పై చెర‌గ‌ని ముద్ర వేశాడు. అత‌డు 79 టెస్టులు 141 వ‌న్డేలు, 7 టీ20లు ఆడాడు. ఈ ఏడాది ఆరంభంలో ఫ్లింటాఫ్ ఓ షో షూటింగ్ స‌మ‌యంలో తీవ్రంగా గాయ‌ప‌డ్డాడు. అత‌డి ముఖం, ప‌క్క‌టెములు తీవ్రంగా దెబ్బ‌తన‌డంతో ఆరు నెల‌ల‌పాటు విశ్రాంతి తీసుకున్నాడు. 2010 సెప్టెంబ‌ర్ 16న అంత‌ర్జాతీయ క్రికెట్‌కు వీడ్కోలు ప‌లికిన విష‌యం తెలిసిందే.

ద‌క్షిణాఫ్రికా వేదిక‌గా జ‌రిగిన‌ 2007 టీ20 వ‌ర‌ల్డ్ క‌ప్‌లో ఫ్లింటాఫ్ భార‌త జ‌ట్టుతో మ్యాచ్‌లో నోటికి ప‌ని చెప్పాడు. ఆల్‌రౌండ‌ర్ యువ‌రాజ్ సింగ్‌తో గొడ‌వ‌ప‌డ్డాడు. దాంతో, చిర్రెత్తుకొచ్చిన యూవీ ఆ త‌ర్వాతి ఓవ‌ర్ వేసిన స్టువార్ట్ బ్రాడ్‌కు చుక్క‌లు చూపించాడు. ఏకంగా ఆరుకు ఆరు బంతుల్ని స్టాండ్స్‌లోకి పంపి చ‌రిత్ర సృష్టించాడు.

ఇవి కూడా చ‌ద‌వండి

• World Cup 2023 | విలియ‌మ్స‌న్‌ను హ‌త్తుకున్న కోహ్లీ.. ఐసీసీ పోస్ట్ వైర‌ల్

• Virat Kohli In | విరాట్ కోహ్లీ బయోపిక్‍.. హీరోగా ఎవరు నటిస్తే బాగుంటుందో చెప్పిన రణ్‌బీర్ కపూర్

• Earthquake | జమ్మూ కశ్మీర్‌లో స్వల్ప భూకంపం.. భయాందోళనలో ప్రజలు