David Miller | ప్రేయ‌సిని పెళ్లాడిన గుజ‌రాత్ హిట్ట‌ర్.. కొత్తజంట‌ లవ్‌స్టోరీ తెలుసా..?

David Miller : ద‌క్షిణాఫ్రికా విధ్వంసక ఆట‌గాడు డేవిడ్ మిల్ల‌ర్(David Miller) మైదానంలోకి దిగాడంటే సిక్స‌ర్ల మోతే. అంత‌ర్జాతీయ క్రికెట్‌లో త‌న సుడిగాలి ఇన్నింగ్స్‌ల‌తో అభిమానుల‌ను అల‌రించిన ఈ డాషింగ్ బ్యాట‌ర్ పెండ్లి....

David Miller : ద‌క్షిణాఫ్రికా విధ్వంసక ఆట‌గాడు డేవిడ్ మిల్ల‌ర్(David Miller) మైదానంలోకి దిగాడంటే సిక్స‌ర్ల మోతే. అంత‌ర్జాతీయ క్రికెట్‌లో త‌న సుడిగాలి ఇన్నింగ్స్‌ల‌తో అభిమానుల‌ను అల‌రించిన ఈ డాషింగ్ బ్యాట‌ర్ పెండ్లి చేసుకున్నాడు. గ‌ర్ల్‌ఫ్రెండ్ క‌మిల్లా హ్యారిస్‌(Camilla Harris)తో మూడు ముళ్ల బంధంలోకి అడుగుపెట్టాడు. మిల్ల‌ర్, హ్యారిస్‌లు కుటుంబ స‌భ్యులు, బంధుమిత్రుల స‌మ‌క్షంలో ఒక్క‌ట‌య్యారు.

ఈ చిచ్చ‌ర పిడుగు పెండ్లికి ద‌క్షిణాఫ్రికా ఆట‌గాళ్లు ఫాఫ్ డూప్లెసిస్, మాజీ క్రికెట‌ర్లు గ్యారీ కిర్‌స్టెన్, జేపీ డుమునీలు హాజ‌ర‌య్యారు. త వీళ్ల‌ వివాహ వేడ‌కకు సంబంధించిన ఫొటోలు ఆన్‌లైన్‌లో వైర‌ల్ అవుతున్నాయి. మిల్ల‌ర్, హ్యారిస్‌లు నిరుడు ఆగ‌స్టులోనే ఎంగేజ్‌మెంట్ చేసుకున్నారు. ఐపీఎల్‌లో మిల్ల‌ర్ గుజ‌రాత్ టైటాన్స్(Gujarat Titans)  ఫ్రాంచైజీకి ఆడ‌తున్నాడు. మ‌రో 11 రోజుల్లో 17వ సీజ‌న్ ష‌రూ కానుంద‌న‌గా అత‌డు పెండ్లిపీట‌లు ఎక్కడం గ‌మ‌నార్హం. కొత్త జంట మిల్ల‌ర్, హ్యారిస్‌ల‌కు సోష‌ల్ మీడియాలో అభినంద‌న‌లు వెల్లువెత్తుతున్నాయి.

Wishing David Miller and Camilla Harris a lifetime of love and happiness as they begin their journey as a married couple 🥂

📸: Camilla Harris/Instagram pic.twitter.com/QKo2PzcTfZ

— CricTracker (@Cricketracker) March 10, 2024

కార్పొరేట్ జాబ్ వదిలేసి…

మిల్ల‌ర్ మ‌న‌సు గెలిచిన‌ హ్యారిస్ ఒక ప్రొఫెష‌న‌ల్ పోలో క్రీడాకారిణి. అంతేకాదు కార్పొరేట్ జాబ్ వదిలేసిన‌ ఆమె ప్ర‌స్తుతం ఆంత్రోప్రెన్యూర్‌గా రాణిస్తోంది. త‌న వ్యాపారం చూసుకుంటూనే బాయ్‌ఫ్రెండ్ మిల్ల‌ర్ వెన్నంటి ఉండేది. సోష‌ల్‌మీడియాలోనూ అభిమానుల‌తో చుర‌కుగా ఇంట‌రాక్ట్ అవుతుంటుంది. హ్యారిస్‌తో జీవితాన్ని పంచుకోవాల‌నుకున్న మిల్ల‌ర్ 2023లో ప్ర‌పోజ్ చేశాడు. జింబాబ్వేలోని జాంబేజీ నదీ తీరాన మోకాళ్ల‌పై కూర్చొని ఆమెకు త‌న ప్రేమ‌ను తెలిపాడు. ఇంకేం హ్యారిస్ కూడా ప‌చ్చ‌జెండా ఊపేసింది. ఆ త‌ర్వాత మిల్ల‌ర్ ఆమె చేతి వేలికి ఖ‌రీదైన‌ ఉంగురం తొడిగాడు.

 

View this post on Instagram

 

A post shared by Dave Miller (@davidmillersa12)

మిల్ల‌ర్ ఐపీఎల్‌లో ఆడుతుంటే హ్యారిస్ కూడా అత‌డికి స‌పోర్ట్‌గా నిలిచింది. దాంతో, నిరుడు ఆగ‌స్టులో వీళ్లు నిశ్చితార్థం చేసుకున్నారు. తాజాగా త‌మ ప్రేమ బంధాన్ని మ‌రోమెట్టు ఎక్కిస్తూ దాంప‌త్య జీవితంలో అడుగుపెట్టారు. విధ్వంస‌క ఇన్నింగ్స్‌ల‌తో పాప‌ల‌ర్ అయిన మిల్ల‌ర్ ఐపీఎల్‌(IPL)లోనూ అద‌ర‌గొట్టాడు. గత రెండు సీజ‌న్లుగా అత‌డు గుజ‌రాత్ టైటాన్స్ విజ‌యాల్లో కీల‌క పాత్ర పోషించాడు.

 

View this post on Instagram

 

A post shared by Dave Miller (@davidmillersa12)

ద‌క్షిణాఫ్రికా టీ20 లీ(SA20)లో మిల్ల‌ర్ ప‌రుగుల వ‌ర‌ద పారించాడు. రెండో సీజ‌న్‌లో ఈ చిచ్చ‌ర‌పిడుగు సార‌థ్యంలోని పార్ల్ రాయ‌ల్స్(Paarl Royals) మూడో స్థానంలో నిలిచింది. ఐపీఎల్ 17వ సీజ‌న్ మార్చి 22న మొద‌ల‌వ్వ‌నుంది. ఆలోపు మిల్ల‌ర్ గుజ‌రాత్ జ‌ట్టుతో క‌లిసే అవ‌కాశ‌ముంది.

ఇవి కూడా చ‌ద‌వండి

• Oppenheimer | సత్తా చాటిన ఓపెన్‌ హైమర్‌.. బెస్ట్ మూవీ, బెస్ట్‌ యాక్టర్ సహా 7 ఆస్కార్‌ అవార్డులు
• Oscars | ఆస్కార్‌ ఎప్పుడు మొదలైంది.. తొలి ఆస్కార్‌ విజేత ఎవరు?
• Ritu Varma | మహారాణి రుక్మిణీదేవిగా రీతూవర్మ..