Daryl Mtichell | వ‌ర‌ల్డ్ క‌ప్‌లో అత్య‌ధిక సిక్స‌ర్లు.. మెక్‌క‌ల్ల‌మ్ రికార్డు బ‌ద్ధ‌లు కొట్టిన మిచెల్

Daryl Mtichell : వన్డే ప్ర‌పంచ క‌ప్‌లో 2019 ఫైన‌లిస్ట్ న్యూజిలాండ్‌కు మ‌రోసారి నిరాశే మిగిలింది. వాంఖ‌డేలో జ‌రిగిన సెమీఫైన‌ల్లో కేన్ విలియ‌మ్స‌న్ సేన‌ భార‌త జ‌ట్టు జోరుముందు నిల‌వ‌లేక చ‌తికిల‌బడింది. ఈ మ్యాచ్‌లో కివీస్ బ్యాట‌ర్ డారిల్...

November 16, 2023 / 10:50 AM IST

Daryl Mtichell | వ‌ర‌ల్డ్ క‌ప్‌లో అత్య‌ధిక సిక్స‌ర్లు.. మెక్‌క‌ల్ల‌మ్ రికార్డు బ‌ద్ధ‌లు కొట్టిన మిచెల్

Daryl Mtichell : వన్డే ప్ర‌పంచ క‌ప్‌లో 2019 ఫైన‌లిస్ట్ న్యూజిలాండ్‌కు మ‌రోసారి నిరాశే మిగిలింది. వాంఖ‌డేలో జ‌రిగిన సెమీఫైన‌ల్లో కేన్ విలియ‌మ్స‌న్ సేన‌ భార‌త జ‌ట్టు జోరుముందు నిల‌వ‌లేక చ‌తికిల‌బడింది. ఈ మ్యాచ్‌లో కివీస్ బ్యాట‌ర్ డారిల్ మిచెల్(134 : 119 బంతుల్లో 9 ఫోర్లు, 7 సిక్స‌ర్లు) విధ్వంస‌క శ‌త‌కంతో బ్లాక్‌క్యాప్స్‌ను గెలిపించినంత ప‌ని చేశాడు.

కండ‌రాలు ప‌ట్టేసినా చివ‌రిదాకా పోరాడిన మిచెల్.. ప్ర‌పంచ క‌ప్‌లో అత్య‌ధిక సిక్స‌ర్లు బాదిన కివీ బ్యాట‌ర్‌గా రికార్డు సృష్టించాడు. ఈ మెగా టోర్నీలో మిచెల్ 18 సిక్స‌ర్లు బాదాడు. దాంతో, త‌మ‌ దేశ దిగ్గ‌జం బ్రెండ‌న్ మెక్‌క‌ల్ల‌మ్(Brendon Mccullum) రికార్డు బ్రేక్ చేశాడు. మెక్‌క‌ల్ల‌మ్ 2015 ఎడిష‌న్‌లో 17 సిక్స‌ర్ల‌తో విరుచుకుప‌డ్డాడు.

#CWC23 | @dazmitchell47‘s FIFTH ODI century this year! Brings it up from 85 balls in Mumbai. Follow play LIVE in NZ with @skysportnz. LIVE scoring | https://t.co/Xc6jdcguZf pic.twitter.com/VdvAYzGCKX

— BLACKCAPS (@BLACKCAPS) November 15, 2023

వ‌ర‌ల్డ్ క‌ప్ లీగ్ ద‌శ‌లో భార‌త జ‌ట్టు జోరుకు అన్ని జ‌ట్లు త‌ల‌వంచాయి. టోర్నీలో త‌ల‌ప‌డుతున్న అన్ని జ‌ట్ల‌ను వ‌రుస పెట్టి ఓడించిన రోహిత్ సేన.. సెమీస్‌లోనూ అదే చేసింది. వాంఖ‌డేలో విరాట్ కోహ్లీ(117) శ‌త‌కాల అర్ధ సెంచ‌రీతో విరుచుకుప‌డ‌గా.. శ్రేయాస్ అయ్య‌ర్(105) విధ్వంస‌క శ‌త‌కాల‌తో రెచ్చిపోయాడు.

దాంతో, భార‌త్ కివీస్ ముందు 398 పరుగుల భారీ ల‌క్ష్యాన్ని నిలిపింది. ఆ త‌ర్వాత తొలి ఓవ‌ర్లోనే బుమ్రా వికెట్ తీసి కివీస్‌ను ఒత్తిడిలోకి నెట్టాడు. అయితే.. కేన్ విలియ‌మ్స‌న్(69), మిచెల్ మూడో వికెట్‌కు విలువైన ర‌న్స్ జోడించారు. 33వ ఓవ‌ర్లో ష‌మీ వ‌రుస బంతుల్లో రెండు వికెట్లు తీసి కివీస్‌ను దెబ్బ‌కొట్టాడు. ష‌మీ 7 వికెట్ల‌తో విజృంభించ‌డంతో కివీస్ 327 ప‌రుగుల‌కే కుప్ప‌కూలింది.