WI vs ENG | బాదేసిన బ‌ట్ల‌ర్, విల్ జాక్స్.. సిరీస్ స‌మం చేసిన ఇంగ్లండ్

WI vs ENG : వెస్టిండీస్ గడ్డ‌పై జ‌రుగుతున్న మూడు వ‌న్డే సిరీస్‌లో ఇంగ్లండ్(England) బోణీ కొట్టింది. తొలి వన్డేలో ఓడిపోయిన బ‌ట్ల‌ర్ సేన కీల‌క‌మైన రెండో వ‌న్డేలో ఘ‌న విజ‌యం సాధించింది. బౌల‌ర్లు విజృంభించండో క‌రీబియ‌న్ జ‌ట్టు 202 ప‌రుగుల‌కే...

WI vs ENG : వెస్టిండీస్ గడ్డ‌పై జ‌రుగుతున్న మూడు వ‌న్డే సిరీస్‌లో ఇంగ్లండ్(England) బోణీ కొట్టింది. తొలి వన్డేలో ఓడిపోయిన బ‌ట్ల‌ర్ సేన కీల‌క‌మైన రెండో వ‌న్డేలో ఘ‌న విజ‌యం సాధించింది. బౌల‌ర్లు విజృంభించండో క‌రీబియ‌న్ జ‌ట్టు 202 ప‌రుగుల‌కే కుప్ప‌కూలింది.

స్వ‌ల్ప ల‌క్ష్య ఛేద‌న‌లో ఓపెన‌ర్ విల్ జాక్స్‌(73 : 72 బంతుల్లో 6 ఫోర్లు, 4 సిక్స‌ర్లు), జోస్ బ‌ట్ల‌ర్ (58 నాటౌట్ : 45 బంతుల్లో 4 ఫోర్లు, 3 సిక్స‌ర్లు) అర్థ శ‌త‌కాల‌తో చెరేగడంతో ఇంగ్లండ్ 6 వికెట్ల తేడాతో గెలుపొందింది. త‌ద్వారా సిరీస్ చేజార‌కుండా చూసుకుంది. సిరీస్ విజేత‌ను నిర్ణ‌యించే మూడో వ‌న్డే జ‌రుగ‌నుంది.

A clinical performance from England as they level their ODI series against the West Indies at 1-1 following a comprehensive victory in Antigua 🙌#WIvENG 📝: https://t.co/y3t5ImgiFh pic.twitter.com/huUvTPUfjd

— ICC (@ICC) December 6, 2023

అంటిగ్వాలోని వివియ‌న్ రిచ‌ర్డ్స్ స్టేడియంలో మొద‌ట బ్యాటింగ్ చేసిన విండీస్‌కు శుభారంభం ద‌క్క‌లేదు. ఓపెన‌ర్లు అలిక్ అథ‌నాజె(4), బ్రాండ‌న్ కింగ్‌(17) త‌క్కువ‌కే వెనుదిరిగారు. క‌ష్టాల్లో ప‌డ్డ జ‌ట్టును కెప్టెన్ షాయ్ హోప్(68), షెర్ఫానే రూథ‌ర్‌ఫ‌ర్డ్(63) హాఫ్ సెంచ‌రీల‌తో ఆదుకున్నారు.

అయితే.. లివింగ్‌స్టోన్ మూడు, సామ్ క‌ర‌న్ రెండు వికెట్లు ప‌డ‌గొట్టి విండీస్‌ను 202 ర‌న్స్‌కే క‌ట్ట‌డి చేశారు. టార్గెట్ చిన్న‌దే కావ‌డంతో ఇంగ్లండ్ బ్యాట‌ర్లు దంచికొట్టారు. విల్ జాక్స్ ఔట‌య్యాక హ్యారీబ్రూక్(43 నాటౌట్)తో క‌లిసి బ‌ట్ల‌ర్ చివ‌రిదాకా నిల‌బ‌డ్డాడు. దాంతో, ఇంగ్లండ్ 32.5 ఓవ‌ర్లలోనే ల‌క్ష్యాన్ని ఛేదించి సిరీస్ స‌మం చేసింది.

ఇవి కూడా చ‌ద‌వండి

• Skin Care | ఇలా చేస్తే చలి నుంచి చర్మాన్ని రక్షించుకోవచ్చు!

• Skin Care | ఇలా చేస్తే చలి నుంచి చర్మాన్ని రక్షించుకోవచ్చు!

• BJP | మూడు రాష్ర్టాలకు సీఎంలుగా కొత్తవాళ్లే.. యోచిస్తున్న బీజేపీ అధిష్ఠానం!