Gunfire | అగ్రరాజ్యం అమెరికాలో మరోసారి కాల్పుల (Gunfire) కలకలం సృష్టించాయి. ఫ్లోరిడా రాష్ట్రంలోని శాన్ఫోర్డ్లో ఓ పార్టీ (Florida party)లో 16 ఏళ్ల బాలుడు కాల్పులకు పాల్పడ్డాడు. ఈ ఘటనలో 10 మంది గాయపడ్డారు.
ఓర్లాండోకు ఉత్తరాన 32 కిలోమీటర్ల దూరంలో ఉన్న శాన్ఫోర్డ్ (Sanford)లోని కాబానా లైవ్ (Cabana Live)లో అర్ధరాత్రి ప్రదర్శన కోసం పెద్ద ఎత్తున జనాలు గుమిగూడారు. ఆ సమయంలో అక్కడ వాగ్వాదం చోటు చేసుకుంది. ఈ క్రమంలో 16 ఏళ్ల బాలుడు గన్తో కాల్పులకు తెగబడ్డాడు. ఈ ఘటనలో సుమారు 10 మంది గాయపడినట్లు సెమినోల్ కౌంటీ షెరీఫ్ కార్యాలయం ఓ ప్రకటనలో తెలిపింది. గాయపడిన వారికి ఎలాంటి ప్రాణాపాయం లేదని వెల్లడించింది. ఈ ఘటనలో కాల్పులకు పాల్పడిన 16 ఏళ్ల యువకుడిని అదుపులోకి తీసుకున్నట్లు తెలిపింది.
Also Read..
Justin Trudeau | కెనడా ప్రధాని జస్టిన్ ట్రూడో సభలో ఖలిస్థాన్ అనుకూల నినాదాలు
Smriti Irani | అమేథి లోక్సభ స్థానానికి నామినేషన్ దాఖలు చేసిన స్మృతి ఇరానీ