PAK vs AFG | బాబ‌ర్, రిజ్వాన్ హాఫ్ సెంచరీ.. అఫ్గ‌నిస్థాన్ ముందు భారీ లక్ష్యం

PAK vs AFG : నామ‌మాత్ర‌మైన మూడో వ‌న్డేలో పాకిస్థాన్(Pakistan) భారీ స్కోర్ చేసింది. 8 వికెట్ల న‌ష్టానికి 268 ప‌రుగులు కొట్టింది. కెప్టెన్ బాబ‌ర్ ఆజాం(60 : 86 బంతుల్లో 4 ఫోర్లు, ఒక సిక్స్), ఓపెన‌ర్ మ‌హ‌మ్మ‌ద్ రిజ్వాన్ (67 : 79 బంతుల్లో 6 ఫోర్లు, ఒక సిక్స్) హాఫ్ సెంచ‌రీల‌తో చెల‌రేగారు. చివ‌ర్లో అఘా స‌ల్మాన్‌(38 నాటౌట్)....

August 26, 2023 / 07:23 PM IST

PAK vs AFG | బాబ‌ర్, రిజ్వాన్ హాఫ్ సెంచరీ.. అఫ్గ‌నిస్థాన్ ముందు భారీ లక్ష్యం

PAK vs AFG : నామ‌మాత్ర‌మైన మూడో వ‌న్డేలో పాకిస్థాన్(Pakistan) భారీ స్కోర్ చేసింది. 8 వికెట్ల న‌ష్టానికి 268 ప‌రుగులు కొట్టింది. కెప్టెన్ బాబ‌ర్ ఆజాం(60 : 86 బంతుల్లో 4 ఫోర్లు, ఒక సిక్స్), ఓపెన‌ర్ మ‌హ‌మ్మ‌ద్ రిజ్వాన్ (67 : 79 బంతుల్లో 6 ఫోర్లు, ఒక సిక్స్) హాఫ్ సెంచ‌రీల‌తో చెల‌రేగారు. చివ‌ర్లో అఘా స‌ల్మాన్‌(38 నాటౌట్), మ‌హ్మ‌ద్ న‌వాజ్‌(30) దంచి కొట్ట‌డంతో అఫ్గ‌నిస్థాన్ ముందు భారీ ల‌క్ష్యాన్ని నిర్దేశించింది. అఫ్గ‌న్ బౌల‌ర్ల‌లో గుల్బ‌దిన్ న‌బీ, ఫ‌రీద్ అహ్మ‌ద్ మాలిక్ రెండేసి వికెట్లు ప‌డ‌గొట్టారు.

మూడు వ‌న్డేలో పాక్ బ్యాట‌ర్లు చెల‌రేగారు. 36 ప‌రుగుల వ‌ద్ద ఫ‌క‌ర్ జమాన్, 52 ప‌రుగుల వ‌ద్ద ఇమాముల్ హ‌క్‌() ఔట‌య్యారు. ఆ త‌ర్వాత బాబ‌ర్, రిజ్వాన్ మ‌రో వికెట్ ప‌డ‌కుండా ఆడారు. హాఫ్ సెంచ‌రీ కొట్టిన వీళ్లు మూడో వికెట్‌కు 110 ప‌రుగ‌లు భాగ‌స్వామ్యం నెల‌కొల్పారు. దాంతో, పాక్ ప‌టిష్ట స్థితిలో నిలిచింది. ఈ మ్యాచ్‌లోనూ స్టార్ స్పిన్న‌ర్ ర‌షీద్ ఖాన్ పెద్ద‌గా ప్ర‌భావం చూప‌లేక‌పోయాడు.

Fifties from @babarazam258 and @iMRizwanPak followed by late-order fireworks take Pakistan to 268 in the third ODI 🏏

Over to the bowlers after the break ☄️#AFGvPAK | #BackTheBoysInGreen pic.twitter.com/5JVBRa2HX8

— Pakistan Cricket (@TheRealPCB) August 26, 2023

ఉత్కంఠ రేపిన రెండో వ‌న్డేలో పాకిస్థాన్ అనూహ్యంగా విజ‌యం సాధించింది. అఫ్గ‌నిస్థాన్ నిర్దేశించిన 300 ల‌క్ష్యాన్ని ఆఖ‌రి ఓవ‌ర్లో ఛేదించింది. మొద‌టి మ్యాచ్‌లోనూ గెలిచిన‌ బాబ‌ర్ సేన 2-0తో మూడు వ‌న్డేల సిరీస్ సొంతం చేసుకుంది. ఆసియా క‌ప్ ముందు ఈ సిరీస్ విజ‌యం పాక్ జ‌ట్టు ఆత్మ‌విశ్వాసాన్ని రెట్టింపు చేయ‌నుంది. ఆగ‌స్టు 30న ఆసియా క‌ప్ టోర్నీ షురూ కానుంది. హైబ్రిడ్ మోడ‌ల్‌లో జ‌రుగ‌నున్న ఈ పోటీల‌కు శ్రీ‌లంక‌, పాక్ ఆతిథ్యం ఇస్తున్న విష‌యం తెలిసిందే.