ODI WC 2023 | వ‌ర‌ల్డ్ క‌ప్ టికెట్లకు పోటెత్తిన ఫ్యాన్స్.. మొద‌టి రోజే మొరాయించిన‌ యాప్, వెబ్‌సైట్

ODI WC 2023 : భార‌త గ‌డ్డ‌పై 12 ఏళ్ల త‌ర్వాత వ‌న్డే వ‌ర‌ల్డ్ క‌ప్(ODI World Cup) జ‌రుగ‌బోతోంది. ఈ మెగా టోర్నీ కోసం ఫ్యాన్స్ వేయి క‌ళ్ల‌తో ఎద‌రు చూస్తున్నారు. దీనికి తోడూ నిన్నటితో ప్ర‌పంచ క‌ప్ టికెట్ల(Wolrd Cup Match Tickets) అమ్మ‌కాలు మొద‌ల‌వ్వ‌డంతో దేశ‌మంతా సంద‌డి నెల‌కొంది. టికెట్ల కోసం అభిమానులు మొద‌టి రోజే యాప్‌, వెబ్‌సైట్‌కు పోటెత్తారు. దాంతో, సుమారు 35 నిమిషాల.....

August 26, 2023 / 07:05 PM IST

ODI WC 2023 | వ‌ర‌ల్డ్ క‌ప్ టికెట్లకు పోటెత్తిన ఫ్యాన్స్.. మొద‌టి రోజే మొరాయించిన‌ యాప్, వెబ్‌సైట్

ODI WC 2023 : భార‌త గ‌డ్డ‌పై 12 ఏళ్ల త‌ర్వాత వ‌న్డే వ‌ర‌ల్డ్ క‌ప్(ODI World Cup) జ‌రుగ‌బోతోంది. ఈ మెగా టోర్నీ కోసం ఫ్యాన్స్ వేయి క‌ళ్ల‌తో ఎద‌రు చూస్తున్నారు. దీనికి తోడూ నిన్నటితో ప్ర‌పంచ క‌ప్ టికెట్ల(Wolrd Cup Match Tickets) అమ్మ‌కాలు మొద‌ల‌వ్వ‌డంతో దేశ‌మంతా సంద‌డి నెల‌కొంది. టికెట్ల కోసం అభిమానులు మొద‌టి రోజే యాప్‌, వెబ్‌సైట్‌కు పోటెత్తారు. దాంతో, సుమారు 35 నిమిషాల నుంచి 40 నిమిషాల పాటు యాప్, వెబ్‌సైట్ ప‌నిచేయ‌లేదు. మ్యాచ్ టికెట్లు ద‌క్కుతాయో? లేదో? అనే ఆందోళ‌న చెందారు. అయితే.. ఆ త‌ర్వాత య‌థావిధిగా టికెట్ల అమ్మ‌కాలు కొన‌సాగాయి. ఇప్పుడే ఇలా ఉంటే టీమిండియా మ్యాచ్ టికెట్ల అమ్మ‌కం స‌మ‌యంలో ప‌రిస్థితి ఎలా ఉంటుందో అని కొంద‌రు వాపోతున్నారు.

నిన్న రాత్రి 8 గంట‌ల‌కు ‘బుక్‌మైషో'(bookmyshow)లో వ‌ర‌ల్డ్ క‌ప్ టికెట్లు అందుబాటులో ఉంచారు. దాంతో, అభిమానులు వేల సంఖ్య‌లో టికెట్ల కోసం ప్ర‌య‌త్నించారు. అమ్మ‌కం ప్రారంభ‌మైన 8 నిమిషాల‌కే అంటే 8ః08కే యాప్ క్రాష్ అయింది. వెబ్‌సైట్, యాప్ క్రాష్ అవ‌కుండా ఉండ‌డం కోసం ప్ర‌పంచ క‌ప్ టికెట్లను విడ‌త‌ల వారీగా అమ్మాల‌ని ఐసీసీ నిర్ణ‌యించింది.

ICC Cricket World Cup 2023 –

Ticket sake for matches other than India started at 8PM✅

It’s 8:08 PM now – BookMyShow app is crashed 🫡

Cricket in India 🤝

Wondering what will happen when tickets for India’s game will go up on sale 🧐#ICCWorldCup2023 #WorldCup2023 #CWC23 pic.twitter.com/CzYZYEzTgV

— Nilesh G (@oye__nilesh) August 25, 2023

అయినా కూడా మొద‌టి రోజే ఇవి రెండూ కొన్ని నిమిషాల పాటు ప‌ని చేయ‌లేదు. ఇక ఆగ‌స్టు 31న భార‌త జ‌ట్టు మ్యాచ్ టికెట్ల అమ్మ‌కాలు మొద‌ల‌వ్వ‌నున్నాయి. ఇండియా, పాక్ హై ఓల్టేజ్ మ్యాచ్ టికెట్లు సెప్టెంబ‌ర్ 3న అందుబాటులో ఉంటాయి. అప్పుడు ఈ ప‌రిస్థితి త‌లెత్త‌కుండా ఐసీసీ, బీసీసీఐ ఎలాంటి చ‌ర్య‌లు తీసుకుంటాయో మ‌రి.

అక్టోబ‌ర్ 5న భార‌త్ వేదిక‌గా వ‌న్డే వ‌ర‌ల్డ్ క‌ప్ మొద‌ల్వ‌నుంది. 2019 ఫైన‌ల్లో త‌ల‌ప‌డిన ఇంగ్లండ్‌, న్యూజిలాండ్ జ‌ట్లు ఆరంభ పోరులో ఢీ కొన‌నున్నాయి. చిర‌కాల ప్ర‌త్య‌ర్థులైన భార‌త్, పాకిస్థాన్ మ్యాచ్ అక్టోబ‌ర్ 14న ఉంది. దాయాదుల స‌మ‌రానికి అహ్మ‌దాబాద్‌లోని న‌రేంద్ర మోడీ స్టేడియం అతిథ్యం ఇస్తోంది. 12 ఏళ్ల క్రితం ఎం ఎస్ ధోనీ(MS Dhoni) సార‌థ్యంలోని టీమిండియా చాంపియ‌న్‌గా అవ‌త‌రించింది. ఆ త‌ర్వాత చాంపియ‌న్స్ ట్రోఫీ మిన‌హాయిస్తే భార‌త జ‌ట్టు మ‌రో ఐసీసీ ట్రోఫీ(ICC Trophy) గెల‌వ‌లేదు. అందుక‌ని భార‌త ఆట‌గాళ్లంతా సొంత గ‌డ్డ‌పై మ‌రోసారి క‌ప్పు కొట్టాల‌నే క‌సితో ఉన్నారు.