Pakistan | పాకిస్థాన్‌కు పెద్ద‌ షాక్.. టెస్టు సిరీస్ మొత్తానికి దూరమైన మ‌రో స్పిన్న‌ర్

Pakistan : ఆస్ట్రేలియా పర్య‌ట‌న‌లో పాకిస్థాన్‌(Pakistan)ను వ‌రుస‌గా గాయాలు వెంటాడుతున్నాయి. ఇప్ప‌టికే స్టార్ పేస‌ర్లు న‌సీం షా, హ్యరిస్ ర‌వుఫ్ గాయంతో సిరీస్‌కు దూరం కాగా.. స్పిన‌ర్లు అబ్రార్ అహ్మ‌ద్, ఖుర్రం షెహ‌జాద్ గాయప‌డ్డారు. తాజాగా  స్పిన్న‌ర్ నొమాన్ అలీ...

Pakistan : ఆస్ట్రేలియా పర్య‌ట‌న‌లో పాకిస్థాన్‌(Pakistan)ను వ‌రుస‌గా గాయాలు వెంటాడుతున్నాయి. ఇప్ప‌టికే స్టార్ పేస‌ర్లు న‌సీం షా, హ్యరిస్ ర‌వుఫ్ గాయంతో సిరీస్‌కు దూరం కాగా.. స్పిన‌ర్లు అబ్రార్ అహ్మ‌ద్, ఖుర్రం షెహ‌జాద్ గాయప‌డ్డారు. తాజాగా  స్పిన్న‌ర్ నొమాన్ అలీ(Noman Ali) సైతం టెస్టు సిరీస్ మొత్తానికి దూర‌మ‌య్యాడు.

ప్రాక్టీస్ స‌మ‌యంలో పొత్తి క‌డుపులో నొప్పితో బాధ‌ప‌డిన అత‌డు మ‌ళ్లీ మైదానంలో అడుగుపెట్ట‌లేదు. అయితే.. అలీకి అపెండిక్స్ స‌ర్జ‌రీ అయింద‌ని, ప్ర‌స్తుతం అత‌డి ఆరోగ్యం నిల‌క‌డ‌గా ఉంద‌ని పాక్ క్రికెట్ బోర్డు తెలిపింది. ‘నొమాన్ అలీ శుక్ర‌వారం అకస్మాత్తుగా క‌డుపుతో నొప్పితో బాధ‌ప‌డ్డాడు. వైద్య ప‌రీక్ష‌లు, స్కానింగ్ త‌ర్వాత అత‌డికి అపెండిసైటిస్ ఉంద‌ని తేలింది. దాంతో, అత‌డికి వెంటేన స‌ర్జ‌రీ చేయించాం. ఇప్పుడు అలీ ఆరోగ్యం నిల‌క‌డ‌గా ఉంది’ అని పీసీబీ ఓ ప్ర‌క‌ట‌న‌లో వెల్ల‌డించింది. అలీ కూడా సిరీస్‌కు దూరం కావ‌డంతో ఇప్పుడు బ్యాక‌ప్ స్పిన్న‌ర్ సాజిద్ ఖాన్(Sajid Khan) ఒక్క‌డే ఫిట్‌గా ఉన్నాడు.

🚨 JUST IN: Left-arm Pakistan spinner has been ruled out of the series against Australia.

Details ⬇️#WTC25 | #AUSvPAKhttps://t.co/hAMreB6Crs

— ICC (@ICC) December 23, 2023

ఆసీస్ ప‌ర్య‌ట‌న‌ను ఓట‌మితో ఆరంభించిన‌ పాకిస్థాన్(Pakistan) రెండో టెస్టులో విజ‌యంపై క‌న్నేసింది. తొలి టెస్టులో 360 ప‌రుగుల భారీ తేడాతో ఓడిన షాన్ మ‌సూద్(Shan Masood) సేన‌ మెల్‌బోర్న్ టెస్ట్ కోసం నెట్స్‌లో చెమ‌టోడ్చుతోంది. మ‌రోవైపు 1995 త‌ర్వాత పాక్‌పై ఒక్క టెస్టు సిరీస్ నెగ్గ‌ని ఆస్ట్రేలియా ఈసారి రికార్డు సృష్టించాల‌నే క‌సితో ఉంది. బ్యాటింగ్, బౌలింగ్ యూనిట్‌ ఫామ్ ప‌రంగా చూస్తే ప్ర‌స్తుతం పాక్ కంటే ఆసీస్ ప‌టిష్టంగా కనిపిస్తోంది. దాంతో, క‌మిన్స్ సేన ఈసారి సిరీస్ గెల‌వ‌డం ఖాయం అనిపిస్తోంది.

ఇవి కూడా చ‌ద‌వండి

• Mamata Banerjee | లోక్‌సభ ఎన్నికల్లో వారణాసి నుంచి ప్రధాని మోదీపై పోటీ చేయండి.. దీదీకి బీజేపీ సవాల్‌
• Kamiya Jani: జ‌గ‌న్నాధుడి ఆల‌యంపై యూట్యూబ‌ర్ వీడియో.. ఒడిశాలో బీజేపీ వ‌ర్సెస్ బీజేడీ
• AP News | కర్రీపాయింట్ల పార్టీ అనిపించారు.. టీడీపీపై వైఎస్సాఆర్‌సీపీ కౌంటర్‌