డ‌బుల్ మాస్క్ ఎందుకు వాడాలి..?

ఒక మాస్క్ ధ‌రించ‌డం క‌న్నా డ‌బుల్ మాస్క్ ధ‌రించ‌డం చాలా ఉత్త‌మ‌మ‌ని వైద్య‌నిపుణులు సెల‌విస్తున్నారు.

April 26, 2021 / 05:41 PM IST

కొవిడ్-19 కి వ్యతిరేకంగా జరిగిన యుద్ధంలో మాస్క్‌లు ధ‌రించ‌డం, నిర్ణీత భౌతిక దూరం పాటించ‌డం, చేతుల‌ను శానిటైజ్ చేసుకోవ‌డం చాలా ప్ర‌భావం చూపుతున్నాయి. అయితే, ఒక మాస్క్ ధ‌రించ‌డం క‌న్నా డ‌బుల్ మాస్క్ ధ‌రించ‌డం చాలా ఉత్త‌మ‌మ‌ని వైద్య‌నిపుణులు సెల‌విస్తున్నారు. ఈ విష‌యాల‌ను అమెరికా సెంట‌ర్ ఫ‌ర్ డిసీజ్ కంట్రోల్ అండ్ ప్రివెన్ష‌న్ (సీడీసీ) అధ్య‌య‌నంలో కూడా బ‌య‌ట‌ప‌డ్డాయి.

క‌రోనా సెకండ్ వేవ్ ఉధృతంగా వ్యాప్తి చెందుతుండ‌టంతో రెండు మాస్కుల వాడ‌కాన్ని ఆరోగ్య నిపుణులు ప్రోత్సహిస్తున్నారు, దీనిని “డబుల్ మాస్కింగ్” అని పిలుస్తారు. ఇది ప్రాణాంతక వ్యాధికి వ్యతిరేకంగా బలమైన అవరోధాన్ని సృష్టించగలదని వారు అంటున్నారు. డబుల్ మాస్కింగ్.. వస్త్రం, స‌ర్జిక‌ల్ మాస్క్‌ల‌తో గాలి లీకేజీని నివారించవచ్చు. అలాగే, ముఖం ఆకృతులను డ‌బుల్ మాస్క్‌లు బాగా సరిపోతాయి.

డబుల్ మాస్కింగ్ కొవిడ్-19 కు గురికావడాన్ని దాదాపు 95 శాతం తగ్గించినట్లు యూఎస్ సీడీసీ తెలిపింది.

ముఖం ఆకృతుల‌కు డ‌బుల్ మాస్కులు స‌రిపోతాయి.

గాలి లీకేజీల‌ను అరిక‌డ‌తాయి.

చెవి చుట్టూ మెలేసి పెట్ట‌క‌పోవ‌డం వ‌ల్ల స‌ర్జిక‌ల్ మాస్కుల ద్వారా 56.1 శాతం, మామూలు వ‌స్త్రంతో తయారైన మాస్కుల ద్వారా 51.4 శాతం మాత్ర‌మే వైర‌స్‌ను అడ్డుకుంటాయి.