మత్స్యకారులు ఆర్థికంగా ఎదగాలి
రాష్ట్ర ప్రభుత్వం సబ్సిడీపై చేప పిల్లలను చెరువులు, ప్రాజెక్టులలో విడుదల చేస్తున్నదని స్పీకర్ గడ్డం ప్రసాద్కుమార్ తెలిపారు. సోమవారం వికారాబాద్ నియోజకవర్గంలోని మోమిన్పేట నందివాగు ప్రాజెక్ట్, వికారాబాద్ మండలం గొట్టిముక్కల సమీపంలోని సర్పన్పల్లి ప్రాజెక్ట్లలో ప్రభుత్వం సబ్సిడీపై సరఫరా చేస్తున్న చేప పిల్లలను స్పీకర్ విడుదల చేశారు.
- స్పీకర్ గడ్డం ప్రసాద్కుమార్
- నందివాగు, సర్పన్పల్లి ప్రాజెక్టుల్లో చేపపిల్లల విడుదల
వికారాబాద్, అక్టోబర్ 28 : రాష్ట్ర ప్రభుత్వం సబ్సిడీపై చేప పిల్లలను చెరువులు, ప్రాజెక్టులలో విడుదల చేస్తున్నదని స్పీకర్ గడ్డం ప్రసాద్కుమార్ తెలిపారు. సోమవారం వికారాబాద్ నియోజకవర్గంలోని మోమిన్పేట నందివాగు ప్రాజెక్ట్, వికారాబాద్ మండలం గొట్టిముక్కల సమీపంలోని సర్పన్పల్లి ప్రాజెక్ట్లలో ప్రభుత్వం సబ్సిడీపై సరఫరా చేస్తున్న చేప పిల్లలను స్పీకర్ విడుదల చేశారు. ఈ సందర్భంగా మాట్లాడుతూ.. మార్కెట్లో డిమాండ్ ఉన్న చేపల రకాలను పెంచితే అధిక లాభాలు వస్తాయని తెలిపారు. అవసరమైన చోట మత్స్యకార భవనాల నిర్మాణానికి నిధులు మంజూరు చేయిస్తామన్నారు. కోట్పల్లి చెరువు అభివృద్ధి, సుందరీకరణ కోసం అడగగానే సీఎం రూ.110 కోట్లు మంజూరు చేశారన్నారు. నియోజకవర్గంలోని మిగిలిన చెరువుల అభివృద్ధికి కూడా నిధులు మంజూరు చేయిస్తామని తెలిపారు. చెరువులు, ప్రాజెక్టులను అభివృద్ధి చేయడం ద్వారా రైతుల పొలాలకు మంచిగా సాగునీరు అందుతుందని, చేపల పెంపకంతో మత్స్యకారులకు మంచి లాభాలు వస్తాయన్నారు. టూరిజం అభివృద్ధి చెందుతుందన్నారు.
రూ.1.14 కోట్లతో మార్కెట్ యార్డులో అదనపు గదులు
వికారాబాద్ కూరగాయల మార్కెట్ను అన్ని విధాలుగా అభివృద్ధి చేస్తామని స్పీకర్ గడ్డం ప్రసాద్కుమార్ అన్నారు. సోమవారం వికారాబాద్లోని కూరగాయల మార్కెట్లో రూ.1.14 కోట్లతో నూతనంగా నిర్మించే 24 దుకాణాల సముదాయానికి భూమి పూజ చేశారు. ఈ సందర్భంగా స్పీకర్ మాట్లాడుతూ.. వికారాబాద్ మార్కెట్ కమిటీ ద్వారా వచ్చిన ఆదాయాన్ని ఇక్కడే ఖర్చు చేసుకోవచ్చని రాష్ట్ర వ్యవసాయ, మార్కెటింగ్ శాఖల మంత్రి అనుమతులు ఇచ్చారన్నారు. మార్కెట్కు అవసరమైన అభివృద్ధి పనులు చేసుకోవచ్చన్నారు. మార్కెట్లో ఇతర వసతులకు కూడా ప్రత్యేక నిధులు మంజూరు చేయిస్తామని తెలిపారు.
అనంతరం వ్యవసాయ మార్కెట్ యార్డులో పనిచేస్తున్న కార్మికులకు యూనిఫాం దుస్తులను స్పీకర్ పంపిణీ చేశారు. కార్యక్రమాల్లో రాష్ట్ర మత్స్యకార కార్పొరేషన్ చైర్మన్ సాయికుమార్, జిల్లా అడిషనల్ కలెక్టర్ సుధీర్, మున్సిపల్ చైర్పర్సన్ మంజుల, పట్టణ అధ్యక్షుడు సుధాకర్రెడ్డి, స్థానిక ప్రజాప్రతినిధులు, నాయకులు, మార్కెటింగ్, మత్స్య శాఖల అధికారులు, మత్స్య సంఘాల సభ్యులు, కూరగాయల వ్యాపారులు, రైతులు పాల్గొన్నారు.
Read Today's Latest Rangareddy News in Telugu and Telugu News
RELATED ARTICLES
తాజా వార్తలు
వికారాబాద్లో లారీ బీభత్సం.. ఒకే కుటుంబానికి చెందిన నలుగురు మృతి
Chiranjeevi | బాలయ్య అన్స్టాపబుల్ సీజన్ 5కు చిరంజీవి గెస్ట్ .. మెగా వర్స్ వర్సెస్ అన్స్టాపబుల్పై ఆసక్తికర చర్చ!
Sabarimala Lord Ayyappa Temple | శబరిమలలో భక్తుల రద్దీ.. దర్శనానికి భారీ క్యూ లైన్లు.. వీడియో
Suriya | ఒకే ఏడాదిలో మూడు సినిమాలతో రూ.200 కోట్ల క్లబ్.. ‘సీన్’ సక్సెస్పై సూర్య ఎమోషనల్ వీడియో!
Ind vs Nz | వెల్లింగ్టన్ టెస్టులో భారత్ పరుగుల విధ్వంసం.. 9 వికెట్లు సాధిస్తే టీమిండియాదే గెలుపు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

