మరిన్ని జంక్షన్లు..మరింత అందంగా..

మేయర్‌ గద్వాల్‌ విజయలక్ష్మి అధ్యక్షతన బుధవారం జీహెచ్‌ఎంసీ స్టాండింగ్‌ కమిటీ సమావేశం జరిగింది. 16 అంశాలను ఆమోదించిన కమిటీ సభ్యులు పలు కీలక నిర్ణయాలను తీసుకున్నది.

• రూ. 26కోట్లతో బేగంపేట, ఆర్‌కే పురం ఆర్వోబీకి మరమ్మతులు
• జీహెచ్‌ఎంసీ స్టాండింగ్‌ కమిటీ సమావేశంలో కీలక నిర్ణయాలకు ఆమోదం

సిటీబ్యూరో, మార్చి 13 (నమస్తే తెలంగాణ) : మేయర్‌ గద్వాల్‌ విజయలక్ష్మి అధ్యక్షతన బుధవారం జీహెచ్‌ఎంసీ స్టాండింగ్‌ కమిటీ సమావేశం జరిగింది. 16 అంశాలను ఆమోదించిన కమిటీ సభ్యులు పలు కీలక నిర్ణయాలను తీసుకున్నది. బేగంపేట్‌ ఆర్వోబీ మరమ్మతులు, పునరుద్ధరణ పనులకు రూ.20కోట్లతో పనులు, రామకృష్ణాపురం (సికింద్రాబాద్‌) రైల్వే స్టేషన్‌ వద్ద ఆర్‌కేపురం ఆర్వోబీ పునరుద్ధరణ చర్యలకు రూ.6 కోట్ల పనులకు పచ్చజెండా ఊపింది. యూసుఫ్‌గూడ బస్తీ జంక్షన్‌ అభివృద్ధికి అంచనా రూ. 4.90 కోట్లకు, రహ్మత్‌నగర్‌ పీజీఆర్‌ విగ్రహం జంక్షన్‌ అభివృద్ధికి అంచనా వ్యయం రూ. 5.17 కోట్ల పనులకు కమిటీ ఆమోదం తెలిపింది. మిగతా అంశాలను పరిశీలిస్తే..

• జీహెచ్‌ఎంసీలో ఔట్‌సోర్సింగ్‌, రెగ్యులర్‌ సిబ్బంది హాజరు పరిశీలనకు మొబైల్‌ ఆధారిత ఫేషియల్‌ రికగ్నిషన్‌ (ముఖగుర్తింపు) బయో మెట్రిక్‌ అటెండెన్స్‌ మేనేజ్‌మెంట్‌ సిస్టం అమలు చేసేందుకు, ఈ-ప్రొక్యూర్‌మెంట్‌ టెండర్‌ ఆహ్వానించేందుకు ఆమోదం తెలిపారు.
• ఆర్‌సీపురం-రాయసముద్రం ట్యాంక్‌ మిషన్‌ కాకతీయలో భాగంగా ఇంటెక్‌-1 నుంచి ఇంటెక్‌-2 వరకు డ్రైనేజీ మళ్లింపు పనులు, ఇంటరప్షన్‌ అండ్‌ డైవర్షన్‌ (ఐ అండ్‌ డి) చేపట్టేందుకు రూ.2.52 లక్షల పనులకు టెండర్లు పిలిచేందుకు అనుమతి
• అన్నపూర్ణ భోజన పథకానికి సంబంధించిన ఏజెన్సీ హరేకృష్ణ మూవ్‌మెంట్‌ చారిటబుల్‌ ఫౌండేషన్‌తో ఒప్పందం పూర్తి అయినందున మరో రెండు సంవత్సరాల పొడిగింపునకు ఎంఓయూ కుదుర్చుకునేందుకు కమిటీ ఆమోదించింది.
• బేగంపేట్‌ ఆర్వోబీ మరమ్మతులు, పునరుద్ధరణ పనులకు రూ.20 కోట్ల అంచనా ప్రతిపాదనకు పరిపాలన అనుమతికి కమిటీ ఆమోదం
• రామకృష్ణాపురం (సికింద్రాబాద్‌) రైల్వే స్టేషన్‌ వద్ద ఆర్‌కేపురం ఆర్వోబీ పునరుద్ధరణ చర్యలకు రూ.6 కోట్ల పనులకు పరిపాలన అనుమతికి ఆమోదం
• ఎల్బీనగర్‌ నాలుగు జంక్షన్లలో ఎస్‌ఆర్‌డీపీ కింద చేపట్టిన ఫ్లై ఓవర్ల నిర్మాణానికి రివైజ్డ్‌ అంచనా వ్యయం మొత్తం రూ.550 కోట్లకు పరిపాలన ఆమోదం. అదనంగా రూ. 67 కోట్లు పెరిగినట్లు అధికారులు కమిటీ సభ్యులకు వివరించారు.
• యూసుఫ్‌గూడ, వెంగళ్‌రావు నగర్‌ డివిజన్‌లలో యూసుఫ్‌గూడ బస్తీ జంక్షన్‌ అభివృద్ధికి అంచనా రూ.4.90 కోట్లకు పరిపాలనకు ఈ-టెండర్లు పిలవడానికి అనుమతి.
• శేరిలింగంపల్లి సర్కిల్‌ 19 రహ్మత్‌నగర్‌ పీజేఆర్‌ విగ్రహం జంక్షన్‌ అభివృద్ధికి అంచనా వ్యయం రూ.5.17 కోట్లకు పరిపాలన అనుమతి
• మూసాపేట సర్కిల్‌లో లూలూ ఇంటర్నేషనల్‌ షాపింగ్‌ మాల్స్‌ ప్రైవేట్‌ లిమిటెడ్‌ స్వంత నిధులతో ఇప్పటికే ఉన్న రహదారిని వెడల్పునకు ఆమోదించింది.
• బాలాజీ నగర్‌ నుంచి బీఎస్‌ఎన్‌ఎల్‌ ఓపెన్‌ ల్యాండ్‌ వరకు రూ.599 లక్షల అంచనా వ్యయంతో చేపట్టే (బాక్స్‌ డ్రైన్‌) వరద నీటి కాలువ నిర్మాణానికి కమిటీ ఆమోదం
• బంజారాహిల్స్‌లో వైకుంఠ మహాప్రస్థానం శ్మశానవాటిక సీఎస్‌ఆర్‌ పద్ధతిలో మూడు సంవత్సరాల పాటు ఫినిక్స్‌ ఫౌండేషన్‌ సంస్థతో ఎంఓయూ చేసుకునేందుకు కమిటీ అనుమతి ఇస్తూ ఆమోదం తెలిపింది.

సమావేశంలో స్టాండింగ్‌ కమిటీ సభ్యులు మహమ్మద్‌ ముజఫర్‌ హుస్సేన్‌, ఫాహద్‌ బిన్‌ అబ్ధుల్‌ బిన్‌ అబ్ధత్‌, మహ్మద్‌ ఖాదర్‌, పొడవు అర్చన, మహమ్మద్‌ నసీరుద్దీన్‌, గౌస్‌ ఉద్దీన్‌ మహ్మద్‌, ఉప్పలపాటి శ్రీకాంత్‌, సబీహా బేగం, ఆవుల రవీందర్‌రెడ్డి, చింతల విజయశాంతి, కంది శైలజ పాల్గొనగా, కమిషనర్‌ రోనాల్డ్‌రోస్‌, ఈవీడీఎం డైరెక్టర్‌ ప్రకాష్‌రెడ్డి, అడిషనల్‌ కమిషనర్లు స్నేహ శబరీష్‌, శ్రీవాత్సవ, ఈఎన్‌సీ జియావుద్దీన్‌, సీఈలు దేవానంద్‌, కిషన్‌, అడిషనల్‌ కమిషనర్లు గీతా మాధురి, చంద్రకాంత్‌రెడ్డి, జయరాజ్‌ కెన్నెడీ, డాక్టర్‌ సునంద, జోనల్‌ కమిషనర్లు అభిలాష, రవికిరణ్‌, వెంకన్న, ముకుందరెడ్డి, సీసీపీ రాజేంద్రప్రసాద్‌ నాయక్‌ పాల్గొన్నారు.