రంగారెడ్డి జిల్లాలో ఘనంగా పారిశ్రామికోత్సవం
తెలంగాణ అవతరణ దశాబ్ది ఉత్సవాలు రంగారెడ్డి జిల్లాలో అంగ రంగ వైభవంగా జరుగుతున్నాయి. ఉత్సవాల్లో భాగంగా ఐదో రోజు జిల్లా వ్యాప్తంగా పారిశ్రామిక ప్రగతి ఉత్సవం కనుల పండువగా కొనసాగింది. జిల్లా పరిశ్రమల శాఖ ఆధ్వర్యంలో కొనసాగిన ఈ వేడుకలు శేరి లింగంపల్లి, ఎల్బీ నగర్లోని ఆటోనగర్, మహేశ్వరంలోని ఫ్యాబ్ సిటీ, షాద్నగర్ పరిధిలోని కొత్తూరు, రాజేంద్రనగర్లోని కాటేదాన్, చేవెళ్ల పరిధిలోని చందన్వెల్లిలో జరిగాయి.
- మహేశ్వరం – ఫ్యాబ్సిటీలో వేడుకల్లో పాల్గొన్న మంత్రి సబితారెడ్డి
- జిల్లాలో పలు వేదికలపై పరిశ్రమల పండుగ
- 12 పరిశ్రమలకు అవార్డులు
రంగారెడ్డి, జూన్ 6 (నమస్తే తెలంగాణ) : తెలంగాణ అవతరణ దశాబ్ది ఉత్సవాలు రంగారెడ్డి జిల్లాలో అంగ రంగ వైభవంగా జరుగుతున్నాయి. ఉత్సవాల్లో భాగంగా ఐదో రోజు జిల్లా వ్యాప్తంగా పారిశ్రామిక ప్రగతి ఉత్సవం కనుల పండువగా కొనసాగింది. జిల్లా పరిశ్రమల శాఖ ఆధ్వర్యంలో కొనసాగిన ఈ వేడుకలు శేరి లింగంపల్లి, ఎల్బీ నగర్లోని ఆటోనగర్, మహేశ్వరంలోని ఫ్యాబ్ సిటీ, షాద్నగర్ పరిధిలోని కొత్తూరు, రాజేంద్రనగర్లోని కాటేదాన్, చేవెళ్ల పరిధిలోని చందన్వెల్లిలో జరిగాయి. ఆయా ఎమ్మెల్యేలు అరికెపూడి గాంధీ, సుధీర్రెడ్డి, ప్రకాశ్ గౌడ్, అంజయ్య యాదవ్, కాలె యాదయ్య, జిల్లాలోని పారిశ్రామికవేత్తలు, ప్రజాప్రతినిధులు, అధికారులు, అనధికారులు వేలాదిగా ఈ కార్యక్రమాల్లో పాల్గొన్నారు. వేడుకల్లో విద్యా శాఖ మంత్రి పి.సబితాఇంద్రారెడ్డి, కలెక్టర్ హరీశ్, అదనపు కలెక్టర్ ప్రతీక్ జైన్, జిల్లా పరిశ్రమల శాఖ అధికారి రాజేశ్వర్ రెడ్డి తదితరులు పాల్గొన్నారు. జిల్లాలో లక్షలాది మందికి ఉపాధి కల్పించే పరిశ్రమల పండుగ ఇది కావడంతో ప్రజలు ఈ వేడుకలో పెద్ద భాగస్వాములయ్యారు. స్వచ్ఛందంగా ఉద్యోగులు, నిరుద్యోగులు, స్థానికులు, ఔత్సాహికులు, పారిశ్రామిక ఉత్పత్తులపై ఆసక్తి గలవారు మొదలైన వారు వేలాదిగా పండుగలో పాల్గొని కార్యక్రమాలకు ఊతం అందించారు.
పలు అంశాలపై అవగాహన
ఉత్సవంలో భాగంగా పరిశ్రమల ఏర్పాటుకు సంబంధించి పలు అంశాలపై జిల్లా పరిశ్రమల అధికారులు ఔత్సాహిక పారిశ్రామికవేత్తలకు అవగాహన కల్పించారు. క్రమబద్ధమైన అనుమతులు, తెలంగాణ రాష్ట్ర పారిశ్రామిక అనుమతులు, స్వీయ ధ్రువీకరణ విధాన చట్టం – 2014 (టీఎస్ ఐ పాస్) చట్టం, టీఎస్ ఐ పాస్ చట్టం ద్వారా ఔత్సాహిక పారిశ్రామికవేత్తలు, స్వీయ ధ్రువీకరణ, సులభతర వ్యాపారాన్ని ప్రోత్సహించడం, పెట్టుబడిదారులకు స్నేహపూర్వక వాతావరణాన్ని సృష్టించడం ద్వారా పరిశ్రమల స్థాపనకు ఒకే చోట వివిధ అనుమతులు ఎలా పొందాలి తదితర అంశాలను వివరించారు. రాష్ట్ర పారిశ్రామిక షెడ్లు, రోడ్లు, నీటి సరఫరా, ఇతర అవసరమైన సౌకర్యాలు, అధునాతన మౌలిక సదుపాయాలు, పారిశ్రామిక పార్కుల అభివృద్ధి, ఇంకా పలు అంశాలపై ఆసక్తి గలవారికి సందేహాలను నివృత్తి చేశారు.
1715 పారిశ్రామిక యూనిట్ల స్థాపనకు అనుమతులు
“టీఎస్ ఐ పాస్ ప్రవేశపెట్టిన తరువాత రంగారెడ్డి జిల్లాలో 1,715 పారిశ్రామిక యూనిట్ల స్థాపనకు అనుమతులు లభించాయి. ఈ యూనిట్లకు రూ.80217.08 కోట్ల పెట్టుబడులను పెట్టి 9,75,979 మందికి ఉపాధి అవకాశాలు కల్పించాయి. వాటిలో 1252 పరిశ్రమలు రూ.47,062.20 కోట్ల పెట్టుబడితో కార్యకలాపాలు ప్రారంభించి 5,15,851 మందికి ఉపాధి కల్పించాయి.” తెలంగాణ రాష్ట్రం ఏర్పడిన తర్వాత రంగారెడ్డి జిల్లా రాష్ట్రంలోనే అత్యధిక పెట్టుబడులు (32.15%), ఇంకా ఉపాధిని (56.66%) పొందింది. 2014 నుంచి 2023 మధ్య కాలంలో పారిశ్రామిక యూనిట్ల శాతం 45%, పారిశ్రామిక పెట్టుబడులు 14 రెట్లు, పారిశ్రామిక ఉపాధి 11 రెట్లు పెరిగాయి.
పలు పరిశ్రమలకు అవార్డులు…
జిల్లాలో ప్రత్యేకంగా సేవలు అందించిన పలు పరిశ్రమలకు కలెక్టర్ హరీశ్ మహేశ్వరంలో అవార్డులను అందజేశారు. వారు చేసిన సేవలను కొనియాడి ఆ సంస్థలకు జ్ఙాపికను అందజేసి ధ్రువపత్రాన్ని అందించారు. అవార్డులు పొందిన పరిశ్రమలు ఇలా ఉన్నాయి.
- అత్యధిక ఉపాధిని (2000 మందికి) అందించిన పరిశ్రమగా టాటా అడ్వాన్స్డ్ సిస్టమ్స్. సెజ్ – ఆదిబట్ల,
- స్థానికంగా అత్యధిక ఉపాధిని (600 మందికి) అందించి పరిశ్రమగా విప్రో పర్సనల్ కేర్ పీవీటీ లిమిటెడ్, ఐపీ మహేశ్వరం.
- అత్యధిక (రూ.2900 కోట్లు) ఎగుమతులను చేసిన పరిశ్రమగా రవి గ్రూప్ ఆఫ్ ఇండస్ట్రీస్. సమీకృత పరిశ్రమ (15 పరిశ్రమలు) క్లస్టర్గా శ్రీనాథ్ రొటోప్యాక్ గ్రూప్.
- హరిత హారంలో భాగంగా ‘బెస్ట్ ప్లాంటేషన్’ (3 లక్షల మొక్కలు నాటి) అవార్డు కేటగిరిలో వెల్సన్ ఫ్లోరింగ్స్ లిమిటెడ్, ఐపీ చందన్వెల్లి.
- సీఎస్ఆర్ యాక్టివిటీస్లో బెస్ట్ కంట్రిబ్యూటర్గా (ఇప్పటివరకు రూ.31.80 కోట్ల పెట్టుబడి) నాట్కో ఫార్మా, కొత్తూరు పరిశ్రమ,
- టీ-ఐడియా ఉమెన్ ఆంత్రప్రెన్యూర్ – ఎంఎస్ఎంఈ (ఎకో ఫ్రెండ్లీ ప్లాస్టిక్ ప్రొడక్ట్స్) రాధా రమణ పాలిమర్స్ పీవీటీ లిమిటెడ్, ఐపీ మంఖాల్, (సింధూర బి. ఎండీ).
- టీ-ప్రైడ్ ఎంఎస్ఎంఈ – ఉమెన్ కేటగిరీలో (టెస్టింగ్ ల్యాబ్) ఎం-ప్యాడ్ ఇంజినీరింగ్ క్వాలిటీ కంట్రోల్ ల్యాబ్, హార్డ్వేర్ పార్కు మహేశ్వరం.
- టీ-ప్రైడ్ ఎంఎస్ఎంఈ – మెన్ కేటగిరీలో (ఎంఎస్ హ్యాంగర్స్ టెంట్ (ఈవెంట్ మేనేజ్మెంట్) లార్డ్ వెన్ హ్యాంగర్స్, నాదర్గుల్, బాలాపూర్.
- బెస్ట్ ఇన్నోవేషన్ అవార్డు (విద్యుత్ను ఉపయోగించకుండా హార్డ్ వాటర్ను సాఫ్ట్ వాటర్గా మార్చడం) ఉదయ్ నదివేడ్ పరిశ్రమకు.
- బెస్ట్ ఫుడ్ ప్రాసెసింగ్ బ్రాండ్ (300 మంది ఉద్యోగులలో 200 మంది మహిళలు) బాంబీనో (గంట ఫుడ్స్ పీవీటీ లిమిటెడ్, నంది వనపర్తి, యాచారం.
- అభివృద్ధి చెందుతున్న బ్రాండ్ (రూ.44 కోట్ల టర్నోవర్ – 10 వేల వినియోగదారులు) సిడ్స్ ఫామ్, తడ్లపల్లె, షాబాద్ (ఎం), ప్యాకేజింగ్ మిల్క్ అండర్ సిడ్స్ ఫామ్ బ్రాండ్.
Read Today's Latest Rangareddy News in Telugu and Telugu News
RELATED ARTICLES
తాజా వార్తలు
KTR |కాంగ్రెస్ మోసాలను ప్రజలకు మరోసారి గుర్తు చేసిన కేటీఆర్
KTR | వరంగల్ అంటేనే ఒక ఉత్తేజం, ఒక ఉద్వేగం, ఉద్యమం : కేటీఆర్
AP News | అన్నాచెల్లెళ్ల మధ్య ముదురుతున్న వివాదం.. యలహంక ప్యాలెస్కు వైఎస్ షర్మిల..!
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Donald Trump | దేశాధ్యక్షుడినైన నాకంటే ఆమెకు బిడ్డపైనే ప్రేమ ఎక్కువ.. కరోలిన్ లీవిట్ గురించి ట్రంప్ ఆసక్తికర వ్యాఖ్యలు..!
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

