HCU Land Issue | హెచ్‌సీయూ అంశంలో ప్రభుత్వ తీరుపై నిరసన.. సంజీవ్ నాయక్‌ హౌస్‌ అరెస్ట్‌

HCU Land Issue | హైదరాబాద్‌ సెంట్రల్‌ యూనివర్సిటీ (హెచ్‌సీయూ) పరిధిలోని 400 ఎకరాల భూముల వ్యవహారంలో ప్రభుత్వ తీరుపై సేవాలాల్ సేన వ్యవస్థాపక జాతీయ అధ్యక్షుడు సంజీవ్ నాయక్‌ నిరసన వ్యక్తం చేశారు. ఈ మేరకు ఆయనను పోలీసులు హౌస్‌ అరెస్ట్‌ చేశారు.

HCU Land Issue | ఉప్పల్, ఏప్రిల్ 2 : హైదరాబాద్‌ సెంట్రల్‌ యూనివర్సిటీ (హెచ్‌సీయూ) పరిధిలోని 400 ఎకరాల భూముల్లో పర్యావరణ విధ్వంసానికి తెగబడుతున్న రేవంత్‌ ప్రభుత్వంపై సర్వత్రా విమర్శలు వ్యక్తమవుతున్న సంగతి తెలిసిందే. విద్యార్థులు భూములను పరిరక్షించాలంటూ భారీ ఎత్తున ఆందోళనకు దిగుతున్నారు.

బీఆర్ఎస్, బీజేపీ నేతలతోపాటు పలువురు రాజకీయ ప్రముఖులు, సినిమా ప్రముఖులు కూడా ఈ వ్యవహారంపై స్పందన తెలియజేస్తున్నారు. తాజాగా హెచ్‌సీయూ వ్యవహారంలో ప్రభుత్వ తీరుపై గళమెత్తుతున్న సేవాలాల్ సేన వ్యవస్థాపక జాతీయ అధ్యక్షుడు సంజీవ్ నాయక్‌ను పోలీసులు హౌస్‌ అరెస్ట్‌ చేశారు.

ప్రభుత్వ తీరుపై ఆయన నిరసన వ్యక్తం చేశారు. వన్యప్రాణులను సమాధి చేయడం దారుణమని పేర్కొన్నారు. ఇందులో భాగంగా నాచారంలో బుధవారం సంజీవ్ నాయక్‌ను పోలీసులు హౌస్ అరెస్ట్ చేశారు. ఈ సందర్భంగా ఆయన మాట్లాడుతూ.. హెచ్‌సీయూ భూమిని, వన్య సంపద, వన సంపదను కాపాడేందుకు కృషి చేస్తామన్నారు. హెచ్‌సీయూ భూములను కాపాడుకుంటామని.. హౌస్ అరెస్టులతో ఉద్యమాన్ని ఆపలేరని స్పష్టం చేశారు.

Read Also :

Digital Arrest Fraud: 10 రోజుల పాటు డిజిట‌ల్ అరెస్టు.. రూ.3.4 కోట్లు కోల్పోయిన రిటైర్డ్ క‌ల్న‌ల్ దంప‌తులు

RS Praveen Kumar | రేవంత్ రెడ్డిని జైలుకు పంపాలి.. అప్పుడే తెలంగాణ సుర‌క్షితం : ఆర్ఎస్ ప్ర‌వీణ్ కుమార్

Japan Solar Innovation | సోలార్ విద్యుత్ రంగంలో జపాన్ అద్భుత ఆవిష్క‌ర‌ణ‌.. త‌క్కువ స్థ‌లంలో ఎక్కువ విద్యుత్‌ను ఉత్ప‌త్తి చేసే నూత‌న సెల్స్ అభివృద్ధి..