అర్జున్ రెడ్డి , గీతా గోవిందం చిత్రాలతో తెలుగు ప్రేక్షకులకు దగ్గరైన యువ హీరో విజయ్ దేవరకొండ. ఇక వెళ్లిపోమాకే లాంటి చిన్న సినిమాతో పరిచయమై నగరానికి ఏమైంది, ఫలక్నుమా దాస్, హిట్ సినిమాలతో గుర్తింపు తెచ్చుకున్న కుర్ర హీరో విశ్వక్ సేన్. ప్రస్తుతం వీరిద్దరు టాలీవుడ్లో మంచి పొజీషన్లో ఉన్నారు. అయితే వీరిద్దరి మధ్య రెండేళ్ల నుండి విరోధం నడుస్తుందని ప్రచారం జరుగుతుంది. దీనిపై తాజాగా ఓ ఇంటర్వ్యూలో క్లారిటీ ఇచ్చాడు విశ్వక్ సేన్.
ఫలక్నుమా దాస్ ప్రీ రిలీజ్ వేడుకలో ఇప్పటికే ఒకడ్ని లేపినం.. మళ్లీ ఈన్నెక్కడ లేపాల్రా నాయనా అనుకుంటున్నారేమో.. నన్నెవడూ లేపాల్సిన అవసరం లేదు.. నన్ను నేనే లేపుకుంటానంటూ సంచలన వ్యాఖ్యలు చేసారు విశ్వక్ సేన్. ఇది విజయ్ దేవరకొండని ఉద్దేశించి అన్నాడని ప్రచారం జరిగింది. అయితే అప్పుడు అలా అనడానికి కారణం ఓ నిర్మాత వీడిని తొక్కేయండ్రా అని అన్నాడు. అది మనసులో పెట్టుకొని స్టేజ్పై కంగారులో అలా మాట్లాడాను. విజయ్కు నాకు స్నేహం కాని శతృత్వం కాని లేవు. నన్ను ఎవరు లేపాల్సిన పని లేదు. ఎవరూ అవకాశాలు ఇవ్వకపోయినా కూడా తానే డైరెక్షన్ చేసుకుంటానని చెప్పుకొచ్చారు విశ్వక్.