Free Bus Journey | ‘సీత కష్టాలు సీతవి, పీత కష్టాలు పీతవి..’ అనే నానుడి ఇక నుంచి ‘ఉచిత బస్సు కష్టాలు ఉచిత బస్సువి..’ అని వినాల్సి వస్తుందేమో. కర్ణాటకలో ఇప్పటికే ఈ పథకం అమల్లోకి వచ్చాక అక్కడ ఉత్పన్నమైన సమస్యలు ఇకముందు ఇక్కడా చవిచూడక తప్పదు. ఈ సౌకర్యం వచ్చాక కర్ణాటకలో ఇంటి పని మనుషుల, వ్యవసాయ, భవన నిర్మాణ రంగంలో మహిళా కార్మికుల కొరత తలెత్తినట్టు అక్కడ మీడియాలో వార్తలు వెలువడ్డాయి. దేవాలయాలు కిక్కిరిసిపోవడంతో ఉచిత అన్నదాన కార్యక్రమాలు బందయ్యాయి. చిన్నచిన్న గొడవలకే భార్య అలిగి పుట్టింటికి వెళ్లిపోవడం వంటి సామాజిక సమస్యలు తలెత్తాయి. ఆ ఉచిత బస్సు కల్పించినంత మాత్రానా ఖర్చులకు డబ్బులుండొద్దా? అనే అనుమానాలేమీ వద్దు. ఇదే మహాలక్ష్మి పథకంలో భాగంగా మహిళలకు నెలకు రెండున్నర వేలు కూడా చెల్లిస్తారు. మహిళలకే అన్నిస్తే మేమేం పాపం చేశాం, వారికిచ్చే రాయితీలు తమకు కూడా ఇవ్వాలని కర్ణాటకలో మాజీ ఎమ్మెల్యే నాగరాజు అనే పెద్దమనిషి ఉద్యమం లేవదేశారు. మహాలక్ష్మి తరహాలో పురుషులకు కూడా నారాయణ పేరుతో ఉచిత బస్సు, పింఛన్ ఇవ్వాలని బస్సుల్లో టికెట్ తీసుకోకుండా ఆందోళనలు చేస్తున్నారు.
మరక మంచిదే !
మిస్డ్ కాల్ ఇస్తే వస్తడా?
బేగానా షాదీమే అబ్దుల్లా దీవానా
– వెల్జాల