Tata Digital: 1mgలో మెజారిటీ వాటా టేకోవ‌ర్‌!

Tata Digital: 1mgలో మెజారిటీ వాటా టేకోవ‌ర్‌!| ఈ-కామ‌ర్స్ బిజినెస్‌లో రిల‌య‌న్స్ జియో, అమెజాన్ త‌దిత‌ర ఈ-కామ‌ర్స్ దిగ్గ‌జాల‌తో త‌ల ప‌డేందుకు టాటా స‌న్స్...

June 10, 2021 / 02:18 PM IST

బెంగ‌ళూరు: ఈ-కామ‌ర్స్ బిజినెస్‌లో రిల‌య‌న్స్ జియో, అమెజాన్ త‌దిత‌ర ఈ-కామ‌ర్స్ దిగ్గ‌జాల‌తో త‌ల ప‌డేందుకు టాటా స‌న్స్ అనుబంధ టాటా డిజిట‌ల్ పోటీ ప‌డుతున్న‌ది. అందుకోసం వ‌డివ‌డిగా అడుగులేస్తున్న‌ది. ఆ దిశ‌గా తాజాగా ఆన్‌లైన్ ఫార్మ‌సీ సంస్థ ‘1ఎంజీ’ స్టార్ట‌ప్ సంస్థ‌లో మెజారిటీ వాటాను కొనుగోలు చేసింది.

రిటైల్ చెయిన్ నెట్‌వ‌ర్క్ బిగ్ బాస్కెట్‌ను టేకోవ‌ర్‌ను చేసుకున్న త‌ర్వాత టాటా డిజిటల్ భారీగా పెట్టుబ‌డి పెట్టిన రెండో స్టార్ట‌ప్ సంస్థ ‘1ఎంజీ’ కావ‌డం విశేషం. ఈ వారంలోనే బెంగ‌ళూరు కేంద్రంగా ప‌ని చేస్తున్న ఫిట్‌నెస్ స్టార్ట‌ప్ సంస్థ ‘క్యూర్‌ఫిట్‌’ లో 75 మిలియ‌న్ల డాల‌ర్ల పెట్టుబ‌డులు పెట్టింది.

క్యూర్‌ఫిట్ స‌హ వ్య‌వ‌స్థాప‌కుడు ముకేశ్ బ‌న్సాల్‌.. తాజాగా టాటా డిజిట‌ల్‌లో చేరనున్నారు. టాటా-క్యూర్‌ఫిట్ ఒప్పందంలో భాగంగా టాటా డిజిట‌ల్ అధ్య‌క్షుడిగా ముకేశ్ బ‌న్సాల్ బాధ్య‌త‌లు స్వీక‌రించారు. వివిధ సంస్థ‌ల స్వాధీనాల‌న్నీ టాటా డిజిట‌ల్‌.. టాటా సూప‌ర్ యాప్ ప్లే దిశ‌గా అడుగులేస్తున్నాయి.

మెడ్ లైఫ్‌లో ఫార్మ్ ఈజ్ విలీన‌మైన త‌ర్వాత టాటా డిజిట‌ల్‌- 1 ఎంజీ సంస్థ‌ల మ‌ధ్య కుదిరిన ఒప్పందంతో ఆన్‌లైన్ ఫార్మ‌సీ బిజినెస్‌లో స్పేస్ పొందేందుకు వీలు క‌లిగించే స్కీమ్.

‘1 ఎంజీ’లో పెట్టుబ‌డి పెట్ట‌డంతో టాటా డిజిట‌ల్ సామ‌ర్థ్యాన్ని బ‌లోపేతం చేస్తుంది. త‌ద్వారా ఈ-ఫార్మ‌సీ, ఈ-డ‌యాగ్న‌సిస్‌ల‌తోపాటు హై క్వాలిటీ హెల్త్‌కేర్ రంగంలో క‌స్ట‌మ‌ర్ల‌కు మెరుగైన అనుభ‌వం క‌ల్పిస్తుంది’ అని టాటా డిజిట‌ల్ సీఈవో ప్ర‌తీక్ పాల్ ఓ ప్ర‌క‌ట‌న‌లో తెలిపారు.

1-ఎంజీ స్టార్ట‌ప్ సంస్థ‌లో మూడు డ‌యాగ్న‌స్టిక్ ల్యాబ్స్‌, దేశ‌వ్యాప్తంగా 20 వేల‌కు పైగా స‌ప్ల‌య్ చైన్ క‌లిగి ఉంద‌ని టాటా డిజిట‌ల్ తెలిపింది. కాగా, 1-ఎంజీ సీఈవో కం స‌హ వ్య‌వ‌స్థాప‌కుడు ప్ర‌శాంత్ టాండ‌న్ స్పందిస్తూ.. టాటా స‌న్స్ అనుబంధ సంస్థ‌తో చేతులు క‌లిపినందుకు సంతోషంగా ఉంద‌న్నారు. ఇది 10ఎంజీ ప్ర‌యాణంలో మైలు రాయి కానున్న‌ద‌ని పేర్కొన్నారు.